Ostiralean osatuko dute Asanblea Konstituziogilea, Madurok iragarri duenez
Nicolas Maduro Venezuelako presidenteak iragarri duenez, ostiralean osatuko dute Asanblea Konstituziogilea, ez ostegunean, aurreikusita zegoen bezala. Hauteskunde Aginteak ez ditu oraindik irabazle guztiak izendatu, eta horrek prozesua atzeratu du.
"Ondo antolatzeko, bakean, lasaitasunez eta beharrezko protokoloa beteta, ostiralean, 11:00etan (15:00, GMT) izango da, falta diren 35 ordezkariak izendatu ahal izateko", esan du Madurok azken bozketan hautatutako ordezkariekin egindako ekitaldi batean, Caracasen.
Gainera, Maduroren esanetan, horrek batzarra osatzeko prozesuaren gaineko "mehatxuak" baztertzea ahalbidetuko du. Ekitaldia Jauregi Federal Legegilean egingo dute, oposizioa nagusi den Parlamentuaren egoitzan.
Fiskaltzaren ikerketa
Luisa Ortega Diaz Venezuelako fiskal nagusiak ikerketa abiarazi du asteazkenean, Asanblea Konstituziogilea hautatzeko bozketan izandako emaitzen inguruan, Samartmatic enpresak (boto elektronikoa kudeatu duen enpresa) iruzurra egon dela salatu eta gero.
"Hauteskunde Batzorde Nazionaleko lau agintari ikertzea agindu diet bi fiskali, gertakari eskandalagarri hori argitzeko. Venezuelako eta nazioarteko adituek txostena egitea nahi dugu", esan du Ortegak.
Venezuelako fiskal nagusiaren arabera, Konstituziogilerako hauteskundeetan iruzurrik egin bada, egoera oso larria litzateke, El Nacional egunkarian argitaratu dutenez.
Zure interesekoa izan daiteke
IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.