AEBk 3.500 soldadu daramatzan gerraontzia bidali du Iranen kontrako gerrara
Pentagonoak Ekialde Hurbilera 10.000 soldadu gehiago bidaltzea aurreikusi duela jakin eta biharamunean zabaldu da albistea. Gaur da hilabete AEBk eta Israelek Irani lehen aldiz eraso ziotela, eta are gehiago gaiztotu da gatazka, Yemengo huthiak sartu baitira gerran.
USS Tripoli ontzi anfibioa. Argazkia: @CENTCOM
Ameriketako Estatu Batuetako Gobernuak USS Tripoli ontzi anfibioa bidali du Iranera, 3.500 marine gehiagorekin, AEBko Armadako Komando Zentralak (Centcom) gaur jakinarazi duenez. Hain justu, gaur hilabete abiatu zuten AEBk eta Israelek Iranen kontrako oldarraldia.
"AEBko marine eta marinelak USS Tripoli (LHA 7) ontzian heldu ziren Komando Nagusiaren ardurapeko eremura, martxoaren 27an", azaldu du Floridan egoitza duen erakunde militarrak bere sare sozialetan. Centcomek ez du ontziaren kokapen zehatza eman.
Erakunde militarraren arabera, USS Tripoli ontziak hegazkin ontzi arin edo erasorako ontzi gisa funtziona dezake, eta 31. Itsas Espedizioen Unitatearentzako bandera-ontzia da. "3.500 marine eta marinel daramatza, baita garraiorako eta borrokarako aireontziak ere", erantsi du Centcomek sare sozialetan zabaldutako mezuan.
Atzo bertan jakin zenez, Pentagonoak aurreikusi du 10.000 soldadu gehiago bidaliko dituela Ekialde Hurbilera. The Wall Street Journal egunkari estatubatuarrak aurreratu zuen albistea, eta, ondoren, Pentagonoak berak baieztatu.
Gerra hasi eta hilabetera, AEBko Gobernuak ez du baztertu Irango Islamiar Errepublikaren kontrako lurreko operazioa egitea. Horri erantzunez, Israelen eta AEBk Persiar golkoan dituen baseen kontrako erasoak gogortu ditu Teheranek, eta Ormuzko itsasartearen gaineko kontrola are gehiago estutuko duela agindu du.
Gatazka are gehiago tenkatu da gaur, Yemengo huthiak gerran sartu direlako.
Israelek eta AEBk otsailaren 28an Irani lehen erasoa egin ziotenetik, ia 1.500 pertsona hil dituzte Iranen, HRANA gobernuz kanpoko erakundearen arabera. Libanon, 1.189 dira hildakoak eta 3.427 zauritutakoak. Horrez gain, 13 soldadu estatubatuar hil eta 300 militar zauritu dira.
Zure interesekoa izan daiteke
Errusiako drone batek Errumaniako etxebizitza eraikin bat jo du, eta "bortxaketa larria" izan da EBren ustez
Ez da lehen aldia Errusiako drone bat Errumaniako aireko espazioan sartzen dena, baina bai etxebizitza baten kontra egiten duena. Bi pertsona zauritu dira. NATOk ohartarazi du aliatuak defendatzeko prest dagoela, eta Errumaniak "pareko erantzuna" iragarri du.
Blue Origin suziri batek eztanda egin du Floridan, jaurti aurreko proba batean
Suziria pizte estatikoaren proba batean lehertu da, etorkizunean jaurtiketa orbital bat egin aurretik.
Frantziak XVII. mendeko lege esklabista bat baliogabetu du
Luis XIV.ak 1685ean sinatutako legeak, "Kode beltza" izenekoak, esklabuak ondasun higiezinen pare jarri zituen. Esklabutza 1848an abolitu zuten, baina "Kode beltza" ez dute gaur arte indargabetu. Frantziako sistema kolonialak 1,5-2 milioi pertsona egin zituen esklabu, adituek egindako kalkuluen arabera.
AEBk dio Iranekin aurreakordioa lortu duela, baina honek ukatu egin du itxita dagoela
Axios hedabideak aurreratutako informazioaren arabera, Iranek “murrizketarik gabe” ahalbidetuko luke nabigazioa Ormuzeko itsasartean. Tasnim agentzia irandarrak ukatu egin du elkar ulertze batera iritsi izana, eta testua oraindik amaitu gabe dagoela gaineratu du.
Israelek Libano bonbardatu du berriro eta gutxienez 17 hildako utzi ditu
Era berean, Benjamin Netanyahu Israelgo lehen ministroak Gazako Zerrendaren % 70 kontrolatzeko agindua eman dio Israelgo Armadari.
Gizon bat atxilotu dute Berlinen turista bilbotar bati egindako erasoaren egileari ustez laguntzeagatik
Erasoa iazko otsailean gertatu zen Europako Hildako Juduen Monumentuaren ondoan. Biktima, Bilboko 30 urteko gazte bat, erasotik bizirik atera zen Alemaniako hiriburuan hainbat egun ospitalean eman ondoren. Erasoaren egileari 13 urteko kartzela-zigorra ezarri zioten martxoan, hilketa saiakera, lesio larriak eta Estatu Islamikoaren kide izatea egotzita, eta orain arte ez da ezagutu ustezko laguntzaile baten existentzia.
Porrota Enhanced Games txapelketan: milioika dolar saritan eta dopin librea, ofiziala izango ez den errekor bakar baten truke
Enhanced Gamesek, substantzia debekatuak erabiltzea baimentzen zuen kirol-esperimentu polemikoak, kale egin du. Kristian Gkolomeev igerilariak lehiaketaren errekor bakarra lortu du: milioi bat dolar irabazi du, baina bere errekorra ez da ofiziala izango. 42 parte-hartzaileetatik 38k dopatzeko substantziak erabili zituzten: % 91k testosterona eta % 71k giza hazkundearen hormona. Dopinaren Aurkako Munduko Agentziak eta federazioek atleten osasunerako arriskuaz ohartarazi dute.
Txina gero eta gertuago da Ilargitik: Shenzhou-23 ontzia bart abiatu da Tiangong espazio estaziora
Shenzhou-23 espazio-ontzia bart abiatu da Txinako Gobi basamortutik, helburu argi batekin: 2030erako astronautak Ilargira bidaltzea. Txina gainontzeko potentziak baino hamarkadak geroago batu bada ere espazioko lasterketara, urte gutxitan denei aurrea hartzen ari zaie, eta orain AEBen lehiakide gogorrena da espazioan.
Osasunaren Mundu Erakundeak 900 ebola-kasu baino gehiago zenbatu ditu RDCn, susmagarriak eta baieztatuak batuta
Tedros Adhanom Ghebreyesus Agentziako zuzendari nagusiak aitortu du zailtasunak daudela agerraldi ari aurre egiteko, Ituri probintzian batez ere; eskualde hori da krisiaren epizentroa eta bertan lau pertsonatik batek laguntza humanitarioa behar du eta bost biztanletik herrialdeko baste puntu batzuetatik ihesi iritsitakoak dira.
Marco Rubiok ziurtatu du AEBk ez dutela "akordio txar bat" egingo eta Iranen erantzuna falta dela
Irango Gobernuak jakinarazi du bake akordioa lortzeko bidean AEBrekin abiatutako elkarrizketatan aurrerapausoak egon direla. Dena den, argi utzi du ezin daitekeela esan "ituna berehala iritsiko denik". Halaber, berretsi du etapa honetan ez direla Teheranen programa nuklearrari buruz eztabaidatzen ari.