Harvey urakanak euri jasa handiak utzi ditzake Texas estatuko kostaldean
Harvey urakana bosteko eskalan lauko indarrarekin sartu da bart Texas estatuko kostaldean, eta azken orduotan indarra galdu duen arren, euri jasa handiak utzi ditzake, ondorio “suntsitzaileak” izango dituzten uholdeak espero baitira. Arrazoi horregatik, Donald Trump AEBko presidenteak hondamendi egoera ezarri du estatu horretan.
Urakanak 22:00ak aldera jo zuen lurra (larunbateko 03:00etan, gurean) Texas hegoaldean, Corpus Christitik 45 bat kilometrora dagoen Rockport hirian (ipar-ekialdean), eta zenbait tokitan 215 kilometro ordurainoko abiadura hartu duten haize-boladak eragin izan ditu.
AEBko Urakanen Zentro Nazionalak (CNH) jakinarazi duenez, indarra galdu duenez orain astiroago mugitzen da, eta horrek suntsitzeko ahalmena nabarmen handitzen du. Oraindik ezin dira ezagutu urakanak utzitako ondorioak, baina eraikin asko suntsitu ditu eta horietako batzuk jendea barruan zegoela erori dira.
Une honetan, Harvey urakana ipar-mendebalderantz doa, baina datozen orduotan euri jasa handiak utziko dituela aurreikusi dute adituek. Hala, abiadura galduz joan da pixkanaka, baina “uholde katastrofikoak” utziko ditu.
Izan ere, Harveyk euri eta itsaso biziak ekarriko ditu kostaldean, eta horrek ondorio "suntsitzaileak" izan ditzaketen uholdeak eragin lezake. Beldur gehien uholdeek eragiten dute. Izan ere, 25 zentimetro bota du momentuz, eta zenbait tokitan metro bat ere harrapatzea espero da.
“Urakanak lurra jo duen arren, euriengatik ezarritako arriskua hasi besterik ez da egin”, ohartarazi du AEBko Urakanen Zentro Nazionalak ohar batean, eta eragin gehien Texas iparraldean izango duela gaineratu du.
Albiste gehiago mundua
Mikel Ayestaran: "Ez dago inolako aldaketarik Benjamin Netanhayuren Gobernuaren estrategian"
Israelgo Segurtasun Kontseiluaren bileraren ondoren, ez dirudi Netanyahuren Gobernuak Gazako okupazioa gelditzeko asmorik duenik. Erabaki horrek haserre handia sortu du bahituen familien artean. Gaur ehunka mila pertsona atera dira Israelgo kaleetara manifestazio jendetsuetan, baina ez masiboetan.
Astelehenean bonbardatu zuen ospitalean “Hamasen kamera bat” zegoela argudiatu du Israelek, ebidentziarik aurkeztu gabe
Israelgo Armadak "hasierako ikerketa" bat aurkeztu du astelehenean gertatutakoaren inguruan, baina ez du ebidentziarik eskaini bere defentsa frogatzeko. Erasoetan, 20 pertsona hil zituzten, tartean bost kazetari.
Netanyahuren aurkako protesta jendetsua Tel Aviven
Milaka pertsona kalera atera dira Israelgo Gobernuari presioa egiteko eta bahituak askatzea ekarriko duen Gazarako su-eten akordioa sinatzea eskatzeko. Egunean zehar, Israelgo hainbat hiritan martxak egin dituzte eta herrialdeko errepide garrantzitsuenetako batzuk blokeatu dituzte. Orain arte izandako mobilizaziorik jendetsuenak izan dira gaurkoak.
Hiru hildako eta 10 zauritu inguru utzi ditu Kajiki tifoiak Vietnamen
Kajiki tifoia "oso indartsu eta arriskutsutzat" jo dute Vietnamgo agintariek. Nghe An eta Ha Tinh probintzien artean jo du lurra, 90 eta 117 km/h arteko haizeekin eta 150 km/h-ko ufadekin.
Hondar-ekaitz ikusgarri batek Arizonako Phoenix hiria estali du
Ekaitzarekin batera, tximista ugari eta 110 km/h-tik gorako haize-boladak izan dira. AEBtako aireportu garrantzitsuenetakoa den Sky Harbor Nazioarteko Aireportuan hainbat hegaldi bertan behera utzi behar izan dituzte.
Mikel Ayestaran: "Ez dago itxaropen handirik bahituak askatzeko negoziazioen inguruan"
Israelgo Segurtasun Kontseiluaren gaurko bileran bi gai nagusi izango dituzte mahai gainean: Gazako hiriaren inbasioa eta bahituak askatzeko negoziazioak. Nahiz eta Hamasek bitartekarien azken proposamena onartu, Netanyahuk baldintzak aldatu ditu eta bahitu guztiak batera askatzea eta Hamas armagabetzea eskatzen ditu. Familiek badakite euren azken aukera dela, eta hainbat protesta deitu dituzte gaurko.
Sozialistek ez dute Bayrouren konfiantza mozioa babestuko, eta Frantziako Gobernuaren etorkizuna kolokan jarri dute
Aurrerakoiak eta ultraeskuindarrak irailaren 8an ados jarriz gero, Exekutiboak dimisioa aurkeztu beharko du.
Helikoptero bat urmael batean erori da Frantzian, sute bat itzaltzeko ura hartzen ari zenean
Istripua Rosporden herrian gertatu da, Frantziako Finistere departamentuan, sute bat itzaltzeko lanetan ari zen helikoptero bat ura kargatzera joan denean. Maniobra egiten ari zela biraka hasi da eta azkenean uretara erori da. Zorionez, bi bidaiariak onik atera dira.
Gazan kazetarien hilketengatik justizia eskatu du NBEk
Gutxienez 245 kazetari palestinar hil dituzte Gazan 2023ko urriaren 7an gerra hasi zenetik, bertako Gobernuaren arabera.
Bayrouren hordagoa: bere Gobernua erorarazi lezakeen konfiantza mozioa egin du
Urte politikoaren hasiera malkartsu dator Frantziako Estatuan, bereziki aurrekontuak direla eta. François Bayrou lehen ministroak 40.000 milioi euroko murrizketak iragarri zituen 2026ko kontuetarako, eta hautsak harrotu zituen. Gauzak horrela, gaur jakinarazi du konfiantza mozioa egingo duela Asanblea Nazionalean, irailaren 8an.