Ipar Koreak proba 'arrakastatsua' egin du hidrogeno bonba batekin
Ipar Koreak orain arteko bonba atomikorik ahaltsuena probatu du gaur. Gailu termonuklear bat da, zeina, Piongiangen esanetan, kontinente arteko misil batean jar daitekeen. Hori horrela dela baieztatzekotan, bere ahalmen militarrean aurrerapauso garrantzitsua egin duela esan nahiko luke.
Ipar Koreak egindako seigarren entsegu nuklear hori, gailu termonuklear batekin ustez egindako bigarrena, Kim Jong-unen erregimenak gauzatu duen etengabeko jarduera armamentistaren gorena litzateke; izan ere, dozena bat misil balistiko, horietako bi kontinente artekoak, probatu baititu urtea hasi zenetik.
Areagotze hori Donald Trump urtarrilean Etxe Zurira iristearekin batera etorri da (gaurkoa Trumpen agintaldian zehar Ipar Koreak egiten duen lehendabiziko proba nuklearra izan da), eta inguru horietan azken urteetan izan den segurtasun krisialdi handiena eragin du.
Entsegu atomiko berria Hego Koreako 12:30ean izan da (3.30 GMT), ordu horretan antzeman baitute lurrikara bat Seul, Tokio eta Pekingo sismologia institutuek. Haren jatorria artifizialtzat jo dute, izan duen sakontasun eskasagatik, eta bere hipozentroa Ipar Koreak aurretik egindako proba nuklearren probintzia berean kokatu dute.
Handik ordu gutxira, Ipar Koreako hedabide ofizialek jakinarazi dute euren herrialdeak proba "arrakastatsua" egin duela gailu termonuklear batekin, dituen kontinente arteko misil balistikoetakoren batean jartzeko erabil daitekeena.
"Aurrekaririk gabeko ahalmena zeukan bonba batekin egin da proba", adierazi du KCTV telebista kate estataleko Ri Chun-hee esatariak. Entseguak "bi fase" izan dituela eta Kim Jong-unen agindu zuzenei jarraituta egin dela gaineratu du.
Kimg Jong-un, hidrogeno bonba bat ikuskatzen. EFE.
Leherketak 100 kilotoi inguruko potentzia izan du, hau da, joan zen urteko irailean Ipar Koreak egin zuen proba atomikoak baino bost aldiz gehiago, eta urte bereko urtarrilean egindakoarenak baino hamaika aldiz ahalmen gehiago.
Adituen arabera, gaurko proba eta azken hilabeteetan misil balistikoekin egindako jaurtiketak erakutsi nahi dutena da Ipar Korea gai dela AEBko lurraldeetara heltzeko zama nuklearra duen misil batekin. Alabaina, beste aditu askok zalantzan jartzen dute herrialde horrek teknologia hori menderatzen duenik.
Erreakzioak
Hego Koreako, Japoniako eta Txinako gobernuek zorrotz kritikatu dute Ipar Korearen azken proba nuklearra. Nazio Batuen Erakundearen Segurtasun Kontseiluaren berehalako bilera eskatuko dutela iragarri dute.
Mon Jae-in Hego Koreako presidenteak esan duenez, Seulek ez du inoiz ontzat emango Ipar Korearen programa nuklearra.
Ildo beretik mintzatu da Shinzo Abe Japoniako lehen ministroa ere. Horren hitzetan, Ipar Korearen azken proba hori "munduko segurtasunaren kontrako mehatxu larria" da.
Txinak ere, agiri baten bidez, Kimg Jong-unen Gobernuak egindako azken proba nuklearra gogor salatu du. "Ekintza oker hauek" bertan behera uzteko, eta NBEren aginduak errespetatzeko eskatu dio Ipar Koreari Txinak.
CONTENIDO NO ENCONTRADO
Jens Stoltenberg NATOko idazkari nagusiaren hitzetan, "Nazio Batuen Segurtasun Kontseiluak emandako ebazpen ugariei egindako beste urraketa bat da". Ildo horretatik, jarduera nuklearrari eta misil balistikoak jaurtitzeari "berehala" utz diezaiola eskatu dio Kim Jong-unen Gobernuari, "egiaztagarria eta atzeraezina den moduan"; horrez gain, nazioarteko erkidegoarekin berriz ere hitz egiten has dadila ere gaineratu du.
Donald Trump AEBko presidenteak Bere Twitter kontu pertsonalaren bidez ohartarazi duenez, Piongiangek "gauza bakarra besterik ez du ulertzen!".
Trumpen esanetan, "Ipar Koreak proba nuklear garrantzitsu bat egin du". "Bere hitzek eta ekintzek etsaitasuna eta arriskua adierazten dute AEBrentzat".
Gaineratu duenez, "Ipar Korea herrialde gaitzetsia da, mehatxu bihurtu dena eta Txinarentzat lotsabidea dena. Txina laguntzen saiatzen ari da, baina arrakastarik izan gabe".
Bere aldetik, Angela Merkel Alemaniako kantzilerrak eta Emmanuel Macron Frantziako presidenteak ohar bat atera dute biek batera, eta Europar Batasunak Piongiangen aurka ezarritako zigorrak gogortu egin behar dituela uste dute. Euren iritziz, Ipar Koreak "nazioarteko zuzenbidea zapaldu du", eta horren aurrean erantzun bateratua eta irmoa emateko beharrizana azpimarratu dute.
pimarratu dute.Zure interesekoa izan daiteke
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.