Aurrerapausoak eman arren, lan handia dagoela onartu dute gobernuz kanpoko erakundeek
Aurrerapausoak adostu dituztela onartu dute Bonnen Klimari buruzko Goi-bileran (COP23) parte hartu duten gobernuz kanpoko erakunde nagusiek, larunbat goizaldean hitzartutako akordioaren bidez. Dena den, klima-aldaketari aurre egiteko beharrezkoak izango diren urratsen garrantzia azpimarratu dute.
WWF erakundeak ohar batean jakinarazitakoaren arabera, "2020era arte eta ordutik aurrera, klima-aldaketaren aurka borroka egiteko nahia areagotzeko oinarriak" adosteko urratsak eman dituzte.
Halaber, Bonneko batzarrak "gai kritikoak" hitzartzeko balio izan duela onartu du. Batetik, garatutako herrialdeetan 2020era arte egin beharreko jarduerak aztertu dituztela azaldu du; bestetik, genero-gaiak eta komunitate indigenak beroketa orokorraren kontrako borrokan barneratzeko ahalegina berretsi du erakundeak.
Dena den, ondoren gaineratu duenez, "asko geratzen da aukera-leiho txikia aprobetxatzen dela ziurtatu" eta "tenperaturak bi gradu baino gehiago ez igotzea erdiesteko".
Bestalde, Greenpeace taldeak "anbizioa indartzeaz gain, 2020ra arteko jarduera aurreikusi dela" txalotu du Jens Mattias Clausen ordezkariak.
Oxfam erakundearen aburuz, ostera, COP23 bileran "oso aurrerapauso gutxi" lortu dituzte. Horrez gain, garatzen ari diren ekonomiei diruz laguntzeko negoziazioan atzera egin dutela salatu du.
Zure interesekoa izan daiteke
AEBk Bagdaden duen enbaxadari eraso diote
Drone batekin egindako erasoak kalte handiak egin ditu Irakeko hiriburuko erdigunean dagoen eraikinean, baina oraingoz ez dute jakinarazi biktimarik izan den ala ez.
AEBk Kharg uhartea bonbardatu du, baina Iranek esan du ez diola kalterik egin petrolio azpiegiturari
Teheranek estatubatuarren baseen aurkako erasoak egiten jarraitu du Persiar golkoko herrialdeetan, eta Israeli ere egin dio eraso.
Kubak eta AEBk elkarrizketak abiatu dituzte, Trumpen mehatxuen ondoren
Aurreneko kontaktuen helburua izan da arazoak "identifikatzea", horientzako "konponbideak aurkitzea" eta "bi herrialdeen onurarako ekintzak zehaztea".
AEBk Errusiako petrolioaren gaineko zigorrak leuntzea kritikatu dute Europako buruzagiek
Volodimir Zelenski Ukrainako presidenteak ohartarazi du zigor horiek leuntzeak Moskuren jarrera indartzen duela, eta 10.000 milioi dolar gehiago ematen dizkiola Ukrainaren aurkako gerrarekin jarraitzeko.
NASAk apirilaren 1ean abiatuko du Artemis II misioa, 50 urten Ilargira egingo duten lehen hegaldi tripulatua
AEBko espazio agentziaren Artemis II misioa martxoan zen abiatzekoa, baina atzeratu egin zuten.
Prezioen igoerari eutsi ahal izateko Errusiako petrolioa erosteko aldi baterako baimena eman du AEBk
Bestalde, Donald Trumpek ohartarazi du "su potentzia paregabea, munizio mugagabea eta denbora" dituela aurretik Iranek gidatzen duen "zabor zoroari" aurre egiteko.
700 pertsona inguru hil dira Israelek Libanon egindako erasoetan
Israelgo Gobernuak Libano "hartzeko" mehatxua egin du ostegun honetan, Hezbollahren "mehatxuari" aurre egiteko asmoz. "Bakea eta Segurtasuna agindu genien iparraldeko komunitateei, eta horixe da, hain zuzen ere, egingo duguna", azpimarratu du Israelek.
Ormuzko itsasarteak itxita jarraitu behar duela azpimarratu du Irango buruzagi goren berriak
Ormuzko itsasartea blokeaturik jarraitu behar duela esan du Mojtaba Khameneik, "etsaiari presio egiteko", inguruko ontzien aurkako erasoen ostean. "Irango indar armatuek aberria menderatzeko, eta, litekeena, zatitzeko itxaropena kendu diete etsaiei", adierazi du Khameneik.
Irango gerrak egunean 10 milioi petrolio upel galtzea eragin du, eta upelaren prezioa 100 dolarren bueltan jarri du
Energiaren Nazioarteko Agentziaren (IEA) azken txostenaren arabera, Ormuzko itsasartean itsas-trafikoa etetearen ondorioz, egunean 10 milioi upel galdu da merkatuetan. Ormuzko itsasarteko fluxua % 10 baino gutxiagora murriztu da, krisia hasi aurreko egoerarekin alderatuz gero. Izan ere, 15 milioi upel petrolio gordin igarotzen ziren egunean, eta 5 milioi upel petroliotik eratorrita produktuekin. Munduko eskaintzaren % 20 inguru.
Iranek bere gain hartu du "AEBren ontzi" baten aurka Persiar golkoaren iparraldean egin den erasoa
Gainera, Iranek bi petrolio-ontziri eta karga-ontzi bati eraso egin die Persiar golkoan, Ormuzko itsasartetik gertu. Bien bitartean, Israelgo armadak Libano bonbardatzen jarraitzen du, eta azken orduetan iragarri beste erasoaldi bat abiatuko duela Teheranen dituen helburuen aurka.