AEBk Errusiako petrolioa erosteko aldi baterako baimena eman du, prezioen igoerari eusteko
Bestalde, Donald Trumpek ohartarazi du "su potentzia paregabea, munizio mugagabea eta denbora" dituela Iran gidatzen duen "zabor zoroari" aurre egiteko.
Donald Trump. Argazkia: EFE
Ameriketako Estatu Batuetako Altxorraren Departamentuak iragarri du zirkulazioan dagoen petrolioa erosteko baimena emango duela. Irango gerrak eragindako petrolioaren prezioaren igoerari eutsi nahi dio horrela.
Scott Bessent Altxorraren idazkariak X kontuan aurreratu duenez, ehunka milioi petrolio upel merkatura sar daitezke Errusiari jarritako zigorrak altxatuz gero.
Bessenten hitzetan, Errusiari jarritako zigorrak apirilaren 11ra arte bakarrik utziko dituzte bertan behera.
Azken orduetan petrolio-upelak 100 dolarreko prezioa gainditu ondoren hartu du neurri hori AEBko Gobernuak.
Trumpen ohartarazpena
Bestalde, Donald Trumpek ohartarazi du "su potentzia paregabea, munizio mugagabea eta denbora" dituela Iran gidatzen duen "zabor zoroari" aurre egiteko.
"Begira zer gertatzen zaion zabor zoroari. 47 urte daramatzate mundu osoan errugabeak hiltzen, eta orain ni, Ameriketako Estatu Batuetako 47. presidentea, haiek hiltzen ari naiz. Zein ohore handia den hori egitea!", idatzi du Trumpek Truth Social sare sozialean.
The New York Times egunkariaren aurka ere egin du mezuan Trumpek. "Porrot egin duen egunkari hori irakurtzen duenak pentsa lezake AEB ez dela gerra irabazten ari", esan du. "Irango erregimen terrorista, militarra, ekonomikoa eta beste era batekoa erabat suntsitzen ari gara", gaineratu du.
"Irango Armada desagertu egin da, bere aire indarra jada ez da existitzen, desagerrarazi dituzte. Su potentzia paregabea dugu, munizio mugagabea eta denbora", nabarmendu du.
The New York Times egunkariak aste honetan argitaratu duen artikulu baten arabera, Trumpek Iranen aurkako gerrak energia merkatuentzat eta petrolioaren prezioarentzat izan zitzakeen arriskuak gutxitzea "kalkulu akatsa" izan zen.
Zure interesekoa izan daiteke
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.
Iranek ohartarazi du eskualdeko merkataritza pasabideak itxiko dituela, AEBk Ormuzko blokeoa kentzen ez badu
Joan den larunbateko negoziazioak akordiorik gabe itxi ostean, Irango agintariek baieztatu dute AEBrekin mezuak trukatzen jarraitu dutela azken egunotan, Pakistan bitartekari dela.
Trumpek ez du su-etena luzatzeko asmorik, ABC katearen arabera
Donald Trump AEBko presidenteak Giorgia Meloni Italiako lehen ministroaren aurka egin du astearte honetan, Leon XIV.a aita santuaren defentsan duela gutxi esandakoagatik eta Irango gerran parte hartzeari uko egiteagatik.
Estatu Batuen eta Iranen arteko elkarrizketak bi egun barru berrekin litezkeela iradoki du Trumpek
Joan den asteburuan Islamabaden (Pakistan) negoziazioen lehen erronda akordiorik gabe itxi ostean, Etxe Zuriko maizterrak iragarri du "zerbait" gerta litekeela datozen bi egunotan.
Txina, hazkunde etengabean: Munduko fabrika izatetik, lider teknologikoetako bat izatera
Txina Irango eta Persiako golkoko beste herrialde batzuetako petrolio eta gas inportatzaile handia da. Hala ere, herrialdearen erreserbak maximo historikoetan daude, eta auto elektrikoen eta energia berriztagarrien aldeko apustuari esker, gerrak ez dio askorik eragin, momentuz. Horrela, Iran bazkide estrategikoa duen arren, Txina erantzun diplomatikoaren alde dago, epe luzerako estrategia baitarabil.