Gerry Adamsek Sinn Féin alderdiaren presidentetza utzi du, 34 urteren buruan
34 urtez Sinn Féin alderdiko presidentetzan izan ostean, kargua ofizialki utzi du larunbat honetan Gerry Adams politikari iparrirlandarrak. Egun indarrean jada ez dagoen IRA talde armatua defendatu bazuen ere, urteak pasata, bake-prozesua sustatzera igaro zen, horretan mugimendu nazionalista osoaren parte-hartzea lortuta.
Adamsek jakitera eman duenez, ez da aurkeztuko 2021rako aurreikusita dauden Ipar Irlandako Parlamenturako hauteskundeetara.
Dublinen egindako ezohiko batzarrean alderdiaren 1.500 jarraitzaile inguru bildu dira. Adamsen agurrarekin batera, alderdiaren buruzagi gisa berretsi dute 48 urte dituen Mary Lou McDonald. Indar armatuarekin loturarik ez duen politikari errepublikanoek osatutako belaunaldiaren ordezkaria da McDonald.
69 urte dituen Adamsek joan den azaroan iragarri zuen presidentetza uzteko erabakia, belaunaldi-erreleboari eusteko asmoz. Izan ere, 2017ko urtarrilean Martin McGuinness Ipar Irlandako ministro nagusi ohia eta IRAko kide ohia erretiratu egin zen, eta handik bi hilabetera, hil.
McGuinnessek ez beste, IRAko kide izanaren akusazioak errefusatu ditu beti Adamsek, baina biak ala biak Sinn Féin eraldatu zuten, batetik, bide demokratikoari eutsita eta, bestetik, bake-prozesuan IRA sartuta, desarmea bezalako keinu historikoak lortuta.
"Beti saiatu naiz nire lana ahalik eta hobekien egiten", azpimarratu du Adamsek. Irlandako segurtasun indarren aburuz, IRA talde armatuaren buruzagitzan egon zen Adams.
Ipar Irlandako gatazka armatuak 3.000 hildako eragin zituen. "Hildakoak deitoratzen ditut, batez ere IRAk eragindakoak", esan du bere ibilbide politikoari agurra emateko irakurritako agirian, "biktima guztiek eta horien senideek egia ezagutzea eta justizia izatea merezi dute".
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".