Bonbardaketak Ghoutan, su-eten humanitarioaren hirugarren eguna hasi aurretik
Hirugarren egunez jarraian, bost orduko su-eten humanitarioa iragarri dute Siriako Ghouta hirian, Damasko hiriburuaren kanpoaldean oposizioak duen gotorleku nagusian. Hala ere, aurreko orduetan bonbardaketak izan dira. Siriako telebista ofizialak jakinarazi duenez, aurreko egunetan bezala, bost-orduko su-etena izango da: hango 09:00etatik 14:00etara (08:00etatik 13:00etara Euskal Herrian).
Ghouta ekialdetik zibilak ateratzeko irekitako korridore humanitarioaren irudiak erakutsi ditu aipaturiko telebista kateak. Dena den, oraingoz ez du inork erabili. Aurreko bi egunetan telebista kateak zabaldutako informazioaren arabera, korridorearen kontrako erasoak izan dira aurreko egunetan, zibilen ihesa eragozteko.
Giza Eskubideen Siriako Behatokiak gaur azaldu duenez, identifikatu gabeko hegazkinek bonbardaketak egin dituzte su-etena hasi aurretik Duma, Kafr Batna eta Yisrin udalerrien kontra (denak Ghouta ekialdean). Halaber, antzerako erasoak izan dira Harastan, azken toki horretan Gobernuaren aldeko indarrek ere eraso egin dute.
Bien bitartean, borrokek ez dute etenik Hush al Dauahiran, eta Baxar al-Asad Siriako presidentearen aldeko indarrak aurrera egin nahian dabiltza.
Egunero bost orduko su-eten humanitarioa egitenaren ekimena Errusiarena izan da eta Nazio Batuen Segurtasun Kontseiluak aurreko asteburuan onartutako ebazpenarekin lotuta dago. Bertan, Siriarako hilabeteko su-etena eskatzen zen.
Su-eten humanitarioaren lehen bi egunetan indarkeriak ez du etenik izan.
Pasa den otsailaren 18az geroztik, 602 pertsona hil dira Ghouta ekialdean, tartean 147 adin txikiko eta 88 emakume, Giza Eskubideen Siriako Behatokiak egindako zenbaketaren arabera.
Albiste gehiago mundua
BRICSek multilateralismoa babestu dute eta gerrak, zigorrak eta muga-zergak gaitzetsi dituzte
'Rio de Janeiroko Adierazpena' izeneko dokumentua adostu dute igande honetan Brasilgo hirian bildu diren garapen bidean dauden herrialdeen BRICS taldeko buruzagiek. Dokumentu horretan islatuta utzi dute "munduko hainbat tokitan gaur egun dauden gatazkengatik eta nazioarteko ordenaren polarizazio eta zatiketa egoeragatik" duten kezka.
70 dira dagoeneko Texasko uholdeetan hildakoak, tartean 21 haur, eta dozenaka daude desagertuta
Uda Camp Mystic kanpamentu kristauan pasatzen ari ziren hamaika adingabe eta gazte oraindik desagertuta daude. Estatuko meteorologia zerbitzuak datozen orduetan euri jasa gehiago izango direla ohartarazi du, eta baliteke gainezka egitea.
Irango buruzagi gorena berriro agertu da jendaurrean, Israelekin gerra hasi zenetik lehen aldiz
Ali Khamenei islamaren adar xiitako fededunen ospakizun baten bezperan agertu da, Teheranen.
Dalai-lamak 90 urte bete ditu, bere ondorengoa aukeratzeko prozesua abiatuta
Aukeratze prozesu hori ilusioz bizi dute gurean bizi diren budistek ere. Prozesua mistikoa da, luze jo dezake, eta dalai-lama berria izan daitekeen haurrari, besteak beste, objektuen proba egiten zaio.
Israelentzat “onartezinak” dira Hamasek su-etenari egin nahi dizkion aldaketak, baina negoziatzen jarraituko du
Laguntza humanitarioa berriro Nazio Batuen Erakundeak kudeatzea da talde islamistak egindako eskakizunetako bat.
27 neskato-begiralek osatutako talde bat desagertuta dago oraindik, Texasen izandako uholde larrien ondorioz
Dagoeneko 52 lagun hil dira Texasko erdialde-hegoaldea astindu duten uholde larriengatik. Ehunka pertsona erreskatatu dituzte kanpalekuetan, baina Hunt herrian, Guadalupe ibaiaren ondoan kanpatuta zegoen eskola-talde bat aurkitu ezinda dabiltza.
Dalai-lamak, Tibeteko budisten buruzagi espiritualak, 90 urte bete ditu
Munduko buruzagi erlijioso garrantzitsuenetakoak ekitaldi jendetsua egin du bere etxebizitzan, Indiako iparraldean, lagun ugariz inguratuta, tartean Richard Gere aktorea. 14. dalai-lamak 130 urte baino gehiago bizitzeko itxaropena du, eta Txinako inposaketei aurre egiten jarraituko duela hitzeman du.
Muskek America Party sortu du, AEBri "askatasuna itzultzeko" alderdi politikoa
“Batzuentzat alderdi bakarrekoa” den “bi alderdiko sistema” deuseztatzea da horren helburua, eta “lege liskartsuen aurrean boto erabakigarria” izan nahi du.
Miguel Uribe senatariaren aurkako atentatuaren ustezko egile intelektuala atxilotu dute
"Hilketa saiakera, armak legez kanpo eramatea eta delituak egiteko adingabeak erabiltzea" egotzita atxilotu dute atentatuaren ustezko egile intelektuala.
Paristarrak eta turistak Sena ibaian bainatzen hasi dira berriro
Mende bat geroago, paristarrak eta turistak Sena ibaian bainatzen hasi dira, berriro, Eiffel dorretik gertu. Uztailaren 5a eta abuztuaren 31 bitartean izango da bertan bainatzeko aukera, eta hiru gune egokitu dituzte horretarako: hirigune historikoaren parean (udaletxe ondoan), mendebaldean Eiffel dorrera begira eta hego-ekialdean, Bercyn. Parisko Olinpiar Jokoak eta Paralinpiar Jokoak izan eta urtebetera heldu da albistea, duela urtebete, hainbat gorabeheraren ondorioz, uraren kalitatea zalantzan jarri ostean.