Trump eta Kim Jong-un maiatzean bilduko dira desnuklearizazioa negoziatzeko
Donald Trump eta Kim Jong-un AEBko eta Ipar Koreako presidenteak maiatzean bilduko dira penintsula korearraren desnuklearizazioa negoziatzeko.
Hego Koreako ordezkaritza bat Etxe Zurian izan da ostiral honetan, eta Kim Jon-unek astelehenean egindako proposamena helarazi diote AEBko presidenteari: berarekin "lehenbailehen" biltzeko eskaria.
Negoziazioari ekiteko gogoz dagoela adierazteko hainbat kontzesio egin ditu Ipar Koreako buruzagiak: saiakera nuklearrak eta misil probak etetea, eta penintsula korearra desnuklearizatzeko prest agertu da.
Aurreikuspen guztien kontra, Trumpek onartu egin du bilera. Gauzatzen bada, historian lehen aldiz bilduko dira bi buruzagiok.
Bilera Etxe Zurian
"Trump presidenteak eskertu egin du bilera informatikoa eta Kim Jong-unekin maiatzean bilduko dela iragarri du desnuklearizazio iraunkorra lortzeko asmoz", iragarri du Chung Eui-yong Hego Koreako Segurtasun Nazionalerako Bulegoaren buruak prentsaurreko labur batean.
Oraindik ez dute zehaztu bilera non egingo duten, baina litekeena da bi Koreen arteko mugan izatea, lurralde neutrala delakoan.
Apirilean bi Koreen arteko harremana epeltzeko bilera dago aurreikusita Kim Jong-un eta Moon Jae-in Ipar Korea eta Hego Koreako presidenteen artetik.
Etxe Zurian egindako agerraldian pozik agertu da Chung Eui-yong, eta "gatazka modu baketsuan konpontzeko prozesu diplomatikoan" ekiteko konpromisoa erakutsi du. Halere, lortu artean presio diplomatiko eta ekonomikoari eutsiko diotela ohartarazi du.
Trumpek berak ideia hori berretsi du Twitterren botatako mezu batean: "Aurrerapausoak egiten ari gara, baina zigorrek bere horretan jarraituko dute akordioa lortu arte. Bilera prestatzen!"
Albiste gehiago mundua
Sebastien Lecornu Defentsa ministroa izendatu du Frantziako lehen ministro Macronek
39 urte ditu eta Macronen oso gertukoa da. Bere egiteko nagusienetakoa izango da datorren urteko aurrekontua onartzeko adostasunak jostea. Bihar hartuko kargua, Frantziako Gobernuak Matignonen duen egoitzan egingo den zeremonian.
Israelek Hamasen negoziazio taldea bonbardatu du Qatarreko hiriburuan, eta hainbat pertsona hil ditu
Hamaseko bost kide eta Qatarreko segurtasun kide bat hil dira erasoan. Negoziazio ordezkaritzako kideak, ordea, bizirik atera dira. Israelgo armadaren esanetan, "doitasunez egindako bonbardaketa" izan da. Etxe Zuriak adierazi duenez, Hamasi erasotzea "helburu duina izan daiteke", baina ez dator bat lekuarekin. Qatarreko Gobernuak "nazioarteko legeen urraketatzat" jo du gertatutakoa.
Nepal sutan dago ustelkeriaren aurkako protesten ondorioz, lehen ministroak dimisioa eman duen arren
Gazteek zuzendutako altxamendu batek Gobernuaren kolapsoa eragin dute. Matxinada horren ondorioz, gutxienez, 25 pertsona hil dira. Herrialdearen azken aldiko demokrazia historiako errepresiorik odoltsuena bizi da.
Bayrouk dimititu du, eta Macronek lehen ministro berria izendatu beharko du
Frantziako presidenteak laster izendatu beharko du lehen ministro bat, gobernua egonkortzeko, 2026ko aurrekontuak onartzeko eta gizartearen eta merkatuen presioa geldiarazteko.
Smotrich eta Ben Gvir ministro ultraeskuindar israeldarrei Espainian sartzea debekatu diete
Ministroen Kontseiluaren amaieran egindako agerraldian iragarri du neurria Jose Manuel Albares Espainiako Gobernuko Kanpo Arazoetako, Europar Batasuneko eta Lankidetzako ministroak. Pedro Sanchez Gobernuko presidenteak atzo iragarritako bederatzi neurriak ere gaur onartu dituzte.
Global Sumud Flotilla: "Misioak aurrera jarraituko du", bart Tunisian jasandako erasoa gorabehera
"Global Sumud Flotillak baieztatu du bere ontzi nagusietako baten kontrako erasoa egin dutela, 'Familiaren Itsasontzia' izenekoaren kontra, alegia, Zuzendaritza Batzordeko kideak zeramatzana, eta, susmoa da drone bat izan dela", adierazi dute X sareko elkartearen kontuan.
Nepalgo lehen ministroak dimisioa eman du, Gobernuaren aurkako protestetan 19 pertsona hil berritan
Sare sozial nagusietara sartzea debekatu dute, eta ustelkeria kasuak nonahi ari dira agertzen, horiek, besteak beste, piztu dituzte Gobernuaren kontrako protestak. Hala ere, K.P. Sharma Olik kargua uzteak ez du kaleetako egoera baretu, eta protestek aurrera segitzen dute hiriburuan.
Israelgo Armadak Gaza Hiri osoa husteko agindua eman du
Hirian dauden ia milioi bat laguni Gaza utzi eta Al Mawasi (hegoaldea) aldera "berehala" joateko esan diete. Al Shifa ospitaleko zuzendariak esan duenez, bertan geratuko dira "hegoaldean ez dago lekurik".
Itziar, Sumud Flotillatik: "Ez da inor zauritu, atentzioa Gazan jarri behar dugu"
Itziar euskal kooperanteak atzean duen 'Family' itsasontziari eraso egin diote gauean. Halere, ohartarazi du haien asmoa atentzioa Gazan jartzea dela.
Zer gerta daiteke orain Frantzian?
Emmanuel Macronek lehen ministro sozialista bat izendatzea erabaki dezake, baina denbora agortzen ari da; izan ere, ezegonkortasun politikoa zuzenean ari zaio kalte egiten, eta ekonomian eta kaleetan tentsioa begi bistakoa da.