Filtrazioagatik barkamena eskatu eta erantzulea bera dela aitortu du Zuckerbergek
Mark Zuckerberg Facebooken sortzaile eta presidenteak barkamena eskatu du astearte honetan Estatu Batuetako Senatuko Merkataritza eta Justizia batzordeen aurrean egindako agerraldian, Cambridge Analytica enpresak hartu eta manipulatutako datuen filtrazioagatik -87 milioi erabiltzaileena-, eta bere "hanka-sartzea" izan zela onartu du.
"Argi dago ez genuela nahikoa egin tresna horiek kalte egiteko erabil ez zitzaten. Albiste faltsu, hauteskunde garaian atzerriko gobernuen esku-hartze eta gorroto mezuez ari naiz. Baita pribatutasunaz ere", azaldu du.
"Ez genuen nahikoa egin eta hori huts-egite handia izan zen. Nire huts-egitea, eta sentitzen dut (…) Nik sortu nuen Facebook, nik gidatzen dut eta gertatzen den guztiaren erantzule naiz. Ez da nahikoa jendea elkarren artean konektatzearekin, harremana positiboa izatea lortu behar dugu. Ez da nahikoa jendeari ahotsa ematearekin, beste batzuei min egin edo desinformazioa zabaltzeko erabiltzen ez dutela bermatu behar dugu" esan du Zuckerbergek.
Era berean, munduko sare sozial handienetakoaren sortzaileak ziurtatu du enpresak ez duela aintzat hartzen bere langileen ideologia, eta berretsi du Facebook ahalik eta inpartzialenen izaten saiatzen dela, gai politikoei dagokienez.
Argazkia: EFE
Patrick Leahy senatari demokratak egindako galderei erantzunda, Zuckerbergek baieztatu egin du Facebook Robert Mueller fiskal bereziarekin elkarlanean dabilela, Errusiaren ustezko esku-hartzea dela eta, bai 2016ko presidentetza hauteskundeetan, baita Donald Trump presidentearen hauteskunde-kanpainan ere.
Era berean, Zuckerberg Energia eta Merkataritza batzordearen aurrean agertzekoa da gaur asteazkena, kongresista estatubatuarren galderei erantzuten jarraitzeko.
Facebook aldatuko da
33 urteko programatzaileak baieztatu du enpresa krisialdian dagoela eta aldaketak egin egingo dituela, baita jasotako kritika gogorrei aurre egin ere.
"Filosofia aldaketa batean sartuta gaude", esan du Zuckerbergek, sare sozialaren jarduera mugatzeko balizko legedia bati aurrea hartzen saiatzeko.
Argazkia: EFE
John Thune Merkataritza, Zientzia eta Garraiobideen batzordeko presidentearen esanetan, "gaurko saioa ezohikoa da (…) 2.000 milioi pertsonak baino gehiagok erabiltzen dute Facebook hilero. 1.400 milioik egunero egiten dute, hau da, edozein herrialdeko biztanleria baino gehiago -Txinakoa izan ezik- demografia estatubatuarra lau bider", esan du ohar baten bidez.
"Nolabait esanda, Facebooken helmenagatik gaude gaur hemen. Zuckerbergek konfiantzan haustura bezala definitu duenagatik (…) Cambridge Analyticaren jarrerari buruzko galdera asko ditugu egiteko, eta espero dugu etorkizunean beste saio bat egitea gauzak argitzeko", gaineratu du.
Zure interesekoa izan daiteke
Israelek eta Estatu Batuek eraso egin diote Iranek eta Qatarrek partekatzen duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, egoera are gehiago zailduko dutenak eta mundu guztiari eragin diezaioketenak.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.