Arma nuklearrekin probak egitea agindu du Trumpek, "beste herrialde batzuen" ustezko entseguen ondotik
Donald Trump AEBko presidenteak ostegun honetan adierazi duenez, AEBko armategi nuklearra "berehala" probatzen hastea agindu du, "beste herrialde batzuetako proba programen ondorioz", Errusiak bere indar nuklearren maniobrak egin ondoren.
"Beste herrialde batzuetako proba programak direla eta, Gerra Departamentuari jarraibideak eman dizkiot gure arma nuklearrak baldintza berdinetan probatzen hasteko. Prozesu hori berehala hasiko da", esan du Trumpek Truth Social sare sozialean.
Errepublikanoak gaineratu duenez AEBk "beste edozein herrialdek baino arma nuklear gehiago" ditu, Errusiak eta Txinak jarraituta.
Errusiak entseguak ukatu ditu
Vladimir Putin Errusiako presidenteak urriaren 22an Kremlinetik indar nuklearren lurreko, itsasoko eta aireko maniobrak zuzendu ostean egin du iragarpena Trumpek. Kremlinek ostegun honetan ziurtatu duenez, ariketa horiek "ohikoak" dira eta ezin dira saiakuntza nukleartzat jo, propultsio atomikoa duten belaunaldi berriko bi armamentu sistema "probatu" besterik ez dutelako egin. "Hori ezin da inola ere entsegu nuklear gisa interpretatu", esan du Dmitri Peskov presidentearen bozeramaileak, eguneroko prentsaurreko telefonikoan.
Peskovek azpimarratu duenez, Moskuk Burevestnik gurutze-misilarekin (urriak 21ean) eta Poseidon tripulaziorik gabeko urperagarriarekin (urriak 28an) proba jaurtiketen berri eman zion Etxe Zuriari. Eta "informazioa Trump presidenteari zuzen helarazi izana" espero duela adierazi du.
Pescovek adierazi duenez, "Errusia herrialde subiranoa da eta erabaki subiranoak hartzeko eskubidea du. Herrialde guztiak aritzen dira beren defentsa sistemak garatzen, eta hori ez da entsegu nuklear bat ".
Era berean, gogorarazi du Vladimir Putin Errusiako presidenteak proba nuklearren gaineko luzamenduari eusten diola, gainerako potentziek gauza bera egiten duten bitartean.
Txinak espero du AEBk bere konpromisoak betetzea
Txinako Gobernuak "AEBk bere konpromisoak bete" eta entsegu nuklearrak bertan behera uzteko itxaropena agertu du ostegun honetan, Donald Trumpen iragarpenaren ostean.
Guo Jiakun Txinako Kantzelaritzako bozeramaileak prentsaurreko batean adierazi duenez, "Txinak espero du AEBk Entsegu Nuklearrak Erabat Debekatzeko Itunari dagozkion bere betebeharrak betetzea".
"Nazioarteko armagabetze sistema babesteko neurri zehatzak hartzeko" eskatu dio Guok Washingtoni.
Estatu Batuek, Errusiak eta Txinak ez dute entsegu nuklearrik egin 1996tik, Pekinek egin zuen azkena. Moskuk 1990ean egin zuen eta AEBk 1992an.
Zure interesekoa izan daiteke
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak.
Trumpek esan du AEBk "5.000 militar baino askoz gehiago" erretiratuko dituela Alemaniatik
Bestalde, Iranek gerrarekin amaitzeko bidali dion plana laster aztertuko duela adierazi du.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.