Facebookek onartu du bere saretik kanpoko erabiltzaileen datuak ere hartzen dituela
David Baser Facebookeko Produktu Kudeaketa zuzendariak onartu du enpresa estatubatuarrak hainbat marketin tresna erabiltzen dituela sare sozialetik kanpoko erabiltzaileen datuak ere hartzeko, eta ziurtatu du sektorean ohitura dela hori egitea.
Aurreko astean Mark Zuckerberg sare sozialaren sortzaile eta presidenteak Kongresuan erantzun ez zituen "40 galdera edo gehiagori" erantzun nahi izan die Baserrek.
"Gure zerbitzuak erabiltzen dituzten web gune edo aplikazio batean bisita egiten duzunean, nahiz eta deskonektatuta egon edo Facebooken konturik ez izan, guk informazioa jasotzen dugu", azaldu du enpresako zuzendaritzako kideak ohar baten bidez.
Datu bilketa erabiltzaileak "atsegin dut" edo "partekatu" botoia sakatzen duenean hasten da, edo Facebookeko kontua web gune batean edo aplikazio batean identifikatzeko erabiltzen duenean.
Baserren esanetan, hori egitea ohitura da sektorean, eta beste enpresa handi batzuek ere egiten dute.
"Twitterrek, Pinterestek eta Linkedinek atsegin eta partekatze botoiak dituzte, jendeari gauzak zabaltzen laguntzeko (…) Izan ere, web gune gehienek eta aplikazioek informazio bera bidaltzen dizkiete konpainia askori bisita bat egiten duzun bakoitzean", azaldu du Baserrek.
Horren moduko datuek, dioenez, "edukia eta publizitatea" hobetzen laguntzen diote Facebooki. Besteak beste, erabiltzailearen IP helbideari, erabiltzen duen nabigatzaile eta sistema eragileari buruzko informazioa bidaltzen du, "sistema eta aparatu guztiek ez dutelako berdin jarduten".
Oraingo adierazpena, aurreko astean Cambridge Analyticari lotutako eskandaluaren inguruan Zuckerbergek Senatuan eta Ordezkarien Ganberan egindako agerraldien ondotik heldu da.
Datuen analisirako enpresa horrek berak (Trumpen hauteskunde kanpainian kolaboratu zuen) onartu duenez, datu horiekin informatika programa bat garatu zuen, hautesleen erabakiak aurreikusi eta, horrela, horietan eragin ahal izateko.
Albiste gehiago mundua
Ukrainako Odesa hiriari eraso dio Errusiak, eta 29.000 etxebizitza argindarrik gabe utzi ditu
Halaber, gutxienez hiru zibil hil eta sei zauritu ditu azken 24 orduetan Donetsk eskualdearen aurka egindako erasoetan.
Global Sumud Flotilla Bartzelonako portuan da, janari eta sendagaiekin Gazara abiatzeko prest
15:00etan aterako dira hogei ontzi inguru, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin.
Arratsaldean abiatuko da Bartzelonatik Gazara janaria eta sendagaiak eramango dituen flotilla
15:00etan aterako dira hogei ontzi inguru, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin. Albares ministroak ziurtatu duenez, Espainiako Gobernuak "babes diplomatiko eta kontsular osoa" eskainiko die Bartzelonatik Gazara abiatuko den ontzidi humanitarioan parte hartzen duten Espainiako herritarrei.
Israelek 100 gazatar baino gehiago hil ditu larunbatetik, eta Gaza hiria suntsitzen jarraitzen du
2023ko urriaren 7an Hamasek egindako erasoari erantzunez Israelek Gazan erasoaldia hasi zuenetik, 63.000 pertsona hil eta 159.000 baino gehiago zauritu ditu.
SCOren goi-bilera Txinan, Putinen eta Indiaren parte-hartzearekin
Errusiako presidenteak Shanghaiko Elkarlan Erakundearen goi-bileran hasiko du Txinara egingo duen lau eguneko bisita ofiziala. Hainbat urtetako liskarren eta tentsioaren ostean, Txina eta India "lagunak eta bizilagun onak" izan behar direla esan dio Xi Jinping Txinako presidenteak Narendra Modi Indiako lehen ministroari igande honetan.
Ehunka lagun joan dira Euskal Herritik Bartzelonara igande honetan Gazara abiatuko den flotillari babesa ematera
Bart gauean autobusak atera dira euskal hiriburuetatik Gazako Zerrendara janaria eta sendagaiak eramateko eta Israelen blokeoa eta genozidioa salatzeko abiatuko den flotillari babesa ematera.
Abbasek eta palestinar kargudunek NBEren Batzar Nagusian parte hartzeko debekua berriro aztertzeko eskatu dio EBk AEBri
NBEren goi bilera irailaren 9an abiatuko da New Yorken, eta eztabaida orokorra 23tik 27ra bitartean egingo da. Bestalde, Kaja Kallas Europako Batasuneko Kanpo Politikako buruak onartu du Israeli jarri ahal dizkioten zigorren inguruan EBko kideen artean ikusten den zatiketak sinesgarritasun galera eragin duela Europako herritarren aurrean.
Bi gizon atxilotu dituzte Indonesian, Espainiako emakume bat hil dutelakoan
Indonesian, uztailaren biaz geroztik desagertuta zegoen 72 urteko emakume espainiar bat hilda aurkitu zuen gaur bertako poliziak. Matilde Muñoz, jatorri galiziarra zuen emakumea, Lombok uhartean desagertu zen, eta hango hondartza batean aurkitu zuten gaur beren gorpua. Heriotzarekin lotuta bi pertsona atxilotu ditu poliziak, eta lapurreta eta hilketa leporatu dizkiete. Indonesiako Poliziak ziurtatu duenez, espainiarraren hilketa planifikatu zuten aitortu dituzten bi atxilotuek. Senggigi herrian bizi diren 34 eta 30 urteko bi gizon dira. Kontakizunaren arabera, Balitik gertu dagoen herri bateko hotel batean zegoen emakumea, lapurreta egin asmoz leihotik bere gelara sartu zirenean.
Palestinaren aldeko manifestazio jendetsua egin dute Veneziako Mostran
"Palestina libre" oihukatuz, Veneziako Mostraren inguruko kaleak hartu dituzte milaka lagunek arratsaldean. Palestinako banderak eta koloreak nonahi, eta genozidioa gelditzea eskatzeko pankarta ugari zeramatzatela, Israelek Gazan duen jokabidea salatzeko manifestazio jendetsua egin dute.
Israelek Yemengo huthien lehen ministroa hil du Sana hiriburuaren aurkako eraso batean
Israelgo Armadak ostegunean Sana hiriburuaren aurka egindako erasoan hil zen. Erasoaren unean Defentsa ministroa eta Estatu Nagusiko buruarekin bilera egiten ari zen, baina momentuz ez dute horien egoeraren berri eman.