Bakearen ordua Korean
Oraingoa bai…. badago itxaropena bi Koreek duten egoera zentzugabeari amaiera emateko. Bien arteko gerra amaitu zenetik 65 urte pasatu diren arren, oraindik ez dira gai izan bake akordio bat sinatzeko. Kim eta Moonen arteko goi bilera egoera ezin hobea izan liteke horretarako. Moon Jae-Inek irabazi zituen Hego Koreako hauteskundeak eta hitzeman zuen hurbilketa bat izango zela Ipar Korearekin.
Kim Jong-unek Ipar Koreako ekonomia modernizatu nahi du, eta horretako, ezinbesteko du nazioarteak zigorrak altxatzea… Bertan Txina ere parte hartzen ari da, bere aliatu nagusia. Zigor horiek altxatzeko Kimek bere armategi nuklearra ezabatu edo gutxienez murriztu beharra dauka. Oraingoz egiaztatu du bonba atomikoak eta misilak dituela botatzeko prest. Horrekin kanpotik etor litekeen balizko eraso bati aurre egiteko modua izango luke.
Bi agintariek bakea nahi dute eta baita Asiako herrialde guztiek ere. Denak nazkatuta daude beraiek ere arriskuan jartzen dituen gatazka honekin. Gauzak horrela, une egokia da bi Koreek behingoz atzean uzteko 1950etik 1953rarte iraun zuen gerra. Ia ez dago gerra horretatik bizirik irten zen pertsonarik, eta zentzugabekeria da belaunaldi berriek euren herenaiton-amonek egindakoa ordaintzen jarraitzea.
Albiste gehiago mundua
Poliziak hainbat manifestari atxilotu ditu Londresen, Palestine Actionen aldeko protestan
Erresuma Batuko Poliziak hainbat manifestari atxilotu ditu larunbat honetan Parlamentuko plazan, Londresen, Palestine Action taldeari babesa adierazteko protesta batean. Uztailean erakunde terrorista izendatu zuten talde hori, hegazkin militar batzuei Palestinako banderak margotzeagatik kalteak egitea eta Elbit Systems Israelgo defentsa enpresaren instalazioak blokeatzea egotzita. 138 pertsona auzipetu dituzte ordutik talde horri laguntzea egotzita. Milaka pertsona bildu dira Parlamentu aurrean, 'Genozidioaren aurka nago, Palestine Actionen alde nago' leloa zeramaten kartelak eskuetan hartuta. Poliziaren aurkako oihuak ere entzun dira; "Ezin zarete ezkutatu, genozidioaren alde zaudete. Lotsa!", tartean.
Defentsa Departamentua Gerra Departamentu bihurtu du Trumpek
Pentagonoak 1947an erabili zuen izendapen hori azkenekoz, Bigarren Mundu Gerraren ondoren estrategia diplomatiko gisa Defentsa Departamentu bihurtu zuenean.
Israelek eraikin bat eraitsi du Gazan, ebakuazioa agindu ostean
Armadak altuera handiko bloke baten aurkako erasoa baieztatu du, hegoaldeko "eremu humanitario" batera ebakuatzeko agindua eman ondoren. Armadak esandakoaren arabera, Hamasek erabiltzen zuelako eraitsi du.
Bruselak Googleri jarritako isuna kritikatu du Trumpek, eta errepresaliekin mehatxatu du: "Bidegabea da!"
Europako Batzordeak isuna jarri dio Googleri publizitate-teknologiaren (adtech) sektorean abusuzko praktikak egitea leporatuta, gutxienez 2014tik, antza, bere zerbitzuei mesede egiteagatik, lehiakideen beste hornitzaile batzuen kaltetan.
Netanyahuk Espainiako Vueltako talde israeldarra zoriondu du, "gorrotoaren aurrean amore ez emateagatik"
Israel taldearen kontrako protestak izan dira Vueltako etapa askotan, eta Palestinako banderak eta "Israel genozida" edo "Stop genozidioa" zioten pankartak ikusi ahal izan dira ia egunero.
Erresuma Batuko lehen ministroak kabinetea birmoldatu du, bere albokoa zenak dimisioa eman ostean
Starmerrek orain arte Erresuma Batuko diplomaziaburua izan den David Lammy izendatu du lehen ministrorde.
NBEko adituek premiazko bilera eskatu dute Israeli presioa egiteko
Erakundeko 40 adituk baino gehiagok salatu dute Gazako "genozidioa" eta "nahita eragindako gosetea", eta Israelen okupazioaren aurka egiteko eskatu diote Batzar Nagusiari.
Errusiaren aurkako zigor koordinatuak aztertzen ari dira Von der Leyen eta Vance
Bitartean, Europar Batasuna beste zigor sorta bat prestatzen ari da Moskuren aurka; gerra hasi zenetik hemeretzigarrena.
Israelek esan du Gaza hiriaren % 40 kontrolpean duela
Israelgo Armadak erasoaldia areagotu du Gazako auzo garrantzitsuenetan, eta erasoak eta biktima zibilak gero eta gehiago dira.
Nor da Sylvan Adams, Israel-Premier Tech taldearen jabea?
Israelgo pertsona aberatsenetakoa da, publikoki onartu du sionista dela eta Benjamin Netanyahu lehen ministroaren lagun mina da.