104 bidaiari zeramatzan hegazkin bat erori da Kuban
Boeing 737 Cubana de Aviacion konpainiako hegazkin bat erori da Habanatik gertu, hiriburuko Jose Marti aireportutik aireratu eta handik gutxira, bertako komunikabideek jakitera eman duenez. Hegazkinak 104 bidaiari zeramatzan. Antza denez, hiru pertsona bizirik daude eta egoera kritikoan daude.
Jose Marti aireportuaren inguruan ke mordoa ikus daiteke, eta suhiltzaileak, Polizia eta osasun zerbitzuak bertaratu dira.
Cuba TV Estatuko telebistak azaldu duenez, barne hegaldi bat zen eta Holguin probintzian lur hartu behar zuen, uharteko ekialdean. Hegazkina Mexikoko Global Air enpresarena zen, baina "Cubana de Aviacion konpainiak alokatu zuen", gaineratu duenez. Global Air konpainiaren arabera, hegazkinak Mexikoko Aeronautika Zibilaren Zuzendaritza Nagusiak urtero egindako ikuskapen teknikoa gainditu zuen 2017ko azaroan.
Miguel Diaz-Canel Kubako presidentea Jose Marti aireportura joan da. Gobernuko kide batzuekin batera bertaratu da agintaria.
Sua itzaltzeko eta erreskate lanean ari dira une honetan. Boyeros eta Santiago de las Vegas herrien artean lurra jo du hegazkinak.
Habanako aireportura daraman errepide nagusia itxi dute, instalazioetatik 8 bat kilometrora. Aireportua hiriburutik 30 kilometrora dago.
Zure interesekoa izan daiteke
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
AEBk beste petrolio-ontzi bat "lapurtu" diola salatu du Venezuelak
Gobernu chavistak "pirateria" ekintzatzat jo du gertaera, eta tripulazioaren "desagerpen behartua" ere salatu du.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.