M5Sk eta Ligak Italian agindu ahal izatea edo hauteskundeak deitzea aldarrikatu dute
Luigi Di Maio 5 Izar Mugimenduko (M5S) liderrak eta Matteo Salvini Ligakoak Italia gobernatzeko eskubidea aldarrikatu dute edo hauteskunde orokorrak lehenbailehen deitzeko eskatu diote Sergio Mattarella presidenteari.
Ildo beretik hitz egin du Anna Maria Bernini Forza Italiak Senatuan duen bozeramaileak: “Edo Gobernu politikoa onartzen da edo hauteskundeak deitu behar dira”.
Salviniren arabera, bi talde euroeszeptikoek, M5Sk eta Ligak, Italia gobernatu behar dute, martxoaren 4ko hauteskundeetan biek batera botoen % 50 baino gehiago jaso baitzituzten.
Igandean, Sergio Mattarellak ez zuen M5Sren eta Ligaren proiektu politikoa onartu, Paolo Savona Ekonomia ministro izateari betoa jarrita, eta horrek zatiketa eragin zuen Italiako iritzi publikoan.
Hurrengo egunean, astelehenean, estatuburuak Carlo Cottarelli ekonomialariari eskatu zion Gobernua osatzea. Cottarellinek betekizuna onartu zuen, baina bi ganberen onespena jaso ezean, dimisioa aurkeztuko zuela eta hauteskundeak deitu arte jardunean jarraituko zuela esan zuen.
Talde politiko gehienek adierazi dute Cottarelliren gobernuaren aurka bozkatuko luketela edo abstenitu egingo liratekeela.
Italian egun dagoen egoera Milango Burtsan eragina izan du, galerak egon baitira.
Albiste gehiago mundua
Mikel Ayestaran: "Hemendik aurrera bi fronte izango ditu Iranek: batetik, Israel, eta, bestetik, AEBren baseak Ekialde Hurbilean"
EITBren Ekialde Hurbileko korrespontsalaren esanetan, "Iranek uste du eskualdeko base kopurua ez dela indar-erakusle, ahultasunarena baizik, denak babesteko zailtasunak izango dituelako AEBk".
Iranek ez du aukerarik baztertzen, AEBk instalazio nuklearren aurka eraso egin ostean
Irango Atzerri ministroak adierazi duenez, AEBk "Nazio Batuen Gutuna, nazioarteko zuzenbidea eta Arma Nuklearrak Ez Ugaritzeko Ituna urratu ditu Irango instalazio nuklear baketsuei eraso eginda", Nazio Batuen Segurtasun Kontseiluko kide iraunkor gisa. Erasoak "sumingarriak" direla esan, eta "ondorio iraunkorrak" izango dituztela gaineratu du.
Guterresek gaitzetsi egin du AEBk Irani egindako erasoa, eta diplomaziaren bideari eusteko eskatu du
Egoeraren larritasunaz ohartarazi du Nazio Batuen Erakundeko buruak. Indarkeria ekintzak areagotzeak, bai Iranen, bai mundu osoan, "ondorio katastrofikoak" izan ditzakeela uste du. Nazioarteko komunitateak tentsioa baretzeko eta elkarrizketarako deia egin du.
AEBk Irango azpiegitura nuklearrak bonbardatu ditu
Iranen hiru instalazio nuklear bonbardatu ostean, Donald Trump AEBko presidenteak "bakea edo tragedia" aukeratzeko esan dio Irani.
Martxa jendetsuak Erroman eta Londresen, Gazako erasoaldia amaitzea, Israelekin haustea eta Europaren berrarmatzea gelditzea eskatzeko
Londresko Palestinaren aldeko Martxa Nazionalean parte hartu dutenek oihuka eskatu dute Israelek Palestinako lurraldean "okupazioa" amaitzea eta Israelek Irani egindako bonbardaketak bertan behera uztea. Erroman, milaka lagunek Europaren berrarmatzea gelditzeko eta bakea berrezartzeko eskatu dute.
Trumpek esan du Espainiak "oso gutxi" ordaintzen duela NATOko kide gisa
Horrekin batera, AEBko presidenteak berretsi du erakundeko kide guztiek BPGaren % 5 inbertitu beharko luketela defentsan.
Israelek dozenaka gazatar hil ditu, tiroka, Gaza Hirian
Ostiralean, gutxienez 70 palestinar hil dira Israelek Gazako hainbat guneren aurka egindako erasoetan, Osasun Ministerioak eta Defentsa Zibilak egindako zenbaketaren arabera. Gutxienez 25 laguntza humanitarioa jasotzeko guneetara zihoazela hil dituzte, tiroka.
Tel Aviv, Haifa, Beersheba eta bi hegazkin base misilekin eta droneekin eraso ditu Iranek
Abas Araqchi Irango Atzerri ministroak Genevan esan duenez, Israelen "erasoa gelditu eta erasotzailea epaitzen dutenean diplomaziari berriz heltzeko prest daude".
UNICEFek ohartarazi du denbora amaitzen ari dela Gazan: "Haurrak egarriz hiltzen hasiko dira"
Ia ez dago edateko urik Gazako Zerrendan, Isralek ezarritako blokeo humanitarioaren eraginez. NBEk azpimarratu duenez, erabaki politikoa da.
AEBko hedabideen arabera, Trumpek dagoeneko onartu ditu Irani eraso egiteko egitasmoak
CBSren arabera, Trumpek oniritzia eman dio aireko erasoekin Israeli laguntzeari. 'The Wall Street Journal' egunkariaren arabera, astearteko azken orduan, Trumpek goi aholkulariei esan zien azken erabakia atzeratzen ari zela, Teheranek programa nuklearra uzteko erabakiaren zain.