Trumpek eta Kim Jong-unek 'aldaketa handia lortzeko' adierazpena sinatu dute
Donald Trump AEBko presidenteak eta Kim Jong-un Ipar Koreako buruak akordioa sinatu dute Singapurreko Capella Hotelean lau ordu baino gehiago luzatu den bilera historikoaren ostean.
Kim Jong-unek esan duenez, dokumentuak "iragana atzean uzteko" eta "aldaketa handia lortzeko" balioko du.
Trumpek adierazi du "askotan" gonbidatuko duela buruzagi ipar-korearra Etxe Zurira, Ipar Korea arma nuklearrez husteko prozesuan zehar.
Kazetariek Kim Etxe Zurira gonbidatuko ote duen galdetu diote, eta berak zera erantzun du: "Noski baietz, egingo dut".
Presidente estatubatuarrak gaineratu duenez, arma nuklearrak deuseztatzeko prozesua "berehala" hasiko da.
Bostekoa eman aurreko unea. Argazkia: Etxe Zuria
"Lotura berezia sortzen ari da", esan du Trumpek, Kimen ondoan dokumentua sinatu duenean. Gainera, Ipar Koreako buruarekin egotea "ohorea" dela nabarmendu du.
Estatu Batuetako presidenteak eta Ipar Koreako buruzagiak bostekoa eman diote elkarri gaur, asteartea, goizeko lehen orduan, Capella Hotelera heldu direnean, Sentosa Singapurreko uhartean, bilera historikoari hasiera emanda.
Bileran bi buruzagiak eta haien itzultzaileak baino ez dira egon. 09:00ak pasatxo zirenean (hango ordua) hasi da, eta 40 bat minutu iraun du, CNN telebista kateak zabaldu duenez.
Ondoren, bien arteko batzarra egin dute, 11:30ak arte, eta lan bazkarira jo dute orduan. Trump Mike Pompeo Estatu idazkari, John Kelly Aginte Goreneko buru eta John Bolton Segurtasun Nazionaleko aholkulariaren ondoan jesarri da eta Kimekin "lan egitea desiratzen" duela adierazi du. "Arrakasta izango dugu", gaineratu du.
Bileran Kim Yong Chol Ipar Koreako Langileen Alderdiko presidente ordea (ekaina hasieran Kimen gutun bat eman zion Trumpi), Ri Yong Ho herrialdeko Kanpo Arazotarako ministroa eta Ri Su Yong alderdiko Nazioarteko Harremanen zuzendaria ere (2014-2016 urte bitartean Kanpo Arazoetarako ministro ere izan zen) egon dira.
Argazkia: EFE
Presidente estatubatuarraren esanetan, "ohorea" da Kimekin bildu ahal izatea, gainera, "oso ondo sentitzen" dela eta bilera "arrakastatsua" izatea espero duela azpimarratu du.
Trumpen ustean, biek "harreman bikaina" izango dute hemendik aurrera, "zalantzarik gabe", batzarra "oso ondo" doalako. "Elkarrekin arazo handi bat konponduko dugu, erronka handi bat", erantsi du, Yonhap albiste agentziaren arabera.
Kimek, bestalde, esan du harremanak hasi arte egin dute bidea ez dela "erraza izan", eta biek hainbat "oztopori" eta "aurreiritziri" aurre egin behar izan dietela bilera egin ahal izateko.
"Ez da erraza izan honaino heltzea. Iraganak ez digu aurrera egiten utzi eta aspaldiko joera eta aurreiritziek itsutu egin gaituzte, baina aurre egiteko gai izan gara", esan du Kimek. Bilera "fikziozko film batean" ikusitakoa dirudi, Kimen hitzetan.
Argazkia: EFE
"Uste dut mundu osoa une honen zain dagoela. Askok pentsatuko dute nolabaiteko fantasia dela", esan du txantxetan. Bilera "bakerako preludio egokia" da, Kimen iritzian.
"Bilera bikaina izan da, benetan. Aurrerapauso handiak izan dira. Onena izan da. Inork espero zezakeena baino hobea izan da", esan du Trumpek prentsaren aurrean egindako adierazpenetan.
Singapurren agenda bete ondoren, Trumpek prentsaurrekoa emango du. 20:00etan, Air Force One hegazkinetan ontziratu eta AEBrako bidea hartuko du.
Zure interesekoa izan daiteke
Iranek errefusatu egin du AEBk egindako bake proposamena, "gehiegizkoa" dela iritzita
Irango agintariek behin eta berriz esan dute Ameriketako Estatu Batuek eta Israelek Iranen aurkako "erasoa eta hilketak" gelditu behar dituztela, baita Teheranen aurkako erasoa ez errepikatzeko mekanismo zehatzak garatu ere, besteak beste.
Ezkerreko blokea nagusitu da Danimarkan, baina akordioak beharko ditu
Moderatuek edukiko dute Gobernua osatzeko giltza: 14 eserleku lortuta, ezkerreko blokearen (84) eta eskuinekoaren (77) artean erabaki beharko dute.
AEBk gerra amaitzeko 15 puntuko plana aurkeztu dio Irani, "The New York Times" egunkariaren arabera
Irango programa nuklearra desegitea eta Ormuzko itsasartea irekitzea omen daude planean. Bien bitartean, Teheranek Washingtonekin zuzeneko negoziazioak daudela ukatu egin du, eta Israelen eta AEBko baseen aurkako erasoekin jarraitu du.
Ekialde Hurbilera 3.000 soldadu bidaltzea aztertzen ari da AEB
Hainbat hedabideren arabera, 82. Aireko Brigada —aireko operazioaetako eliteko unitate epezializatua— bidali nahi du Trumpek Ekialde Hurbilera, Iranen aurkako operazio militarrean parte hartzera.
Israelek adierazi du "segurtasun eremu bat" ezarri eta kontrolatuko duela Libano hegoaldetik Litani ibairaino
Israelgo Defentsa ministroak adierazi duenez, Israel iparraldean bizi direnen segurtasuna bermatzen den arte ez dira itzuliko Libano hegoaldetik iparraldera ebakuatu dituzten ehunka mila herritarrak.
Bruselak Hungariari eskatu dio argitu dezan Errusiari egin omen dizkion filtrazioen auzia
Hungariak ukatu egin du Errusiari Europar Batasuneko barne gaiei buruzko informazioa ematen ari zaiola, eta "albiste faltsutzat" eta "gezurtzat" jo ditu horren inguruan hedabideetan agertu diren informazioak.
EBk eta Australiak merkataritza libreko akordioa sinatu dute, ia hamar urteko negoziazioen ondoren
Horri esker, Australiak guztira 1.000 milioi euroko balioa duten muga-zergak kenduko ditu. Merkataritzan ez ezik, Defentsan eta Segurtasunean ere elkarlanean aritzea adostu dute bi aldeek.
Gutxienez 66 lagun hil eta 70 zauritu dira, Kolonbian, hegazkin militar batek izandako istripuan
C-130 Hercules aireontzia Puerto Leguizamo-Puerto Asis bidea egiten ari zen, eta Armadako langileak zeuden barruan istripua izan duenean. Guztira, 128 pertsona zeuden hegazkinean.
EAEko Osasun arloko lan-eskaintzetako hizkuntza-eskakizunen eskumena "nazionala” dela ondorioztatu du Europako Batzordeak
Bruselak horrela erantzun dio Espainiako herritar batek aurkeztutako ekimen bati. Horrek salatzen zuen Osasun arloko lanpostu publikoetara sartzeko euskara eskatzea neurriz kanpoko oztopoa izan daitekeela profesional kualifikatuentzat, eta arretaren kalitaterako kaltegarria izan daitekeela.
Trumpek bost egunez atzeratu du zentral elektrikoen aurkako eraso-oldea, Iranekin "elkarrizketa oparoa" izan baitu
"Azken bi egunetan" Iranekin gatazka "erabat konpontzeko" harremanak izan dituela jakinarazi du AEBko presidenteak. Irango Atzerri Ministerioak aitortu du AEB eurekin harremanetan jarri zela, baina azpimarratu du ez dela negoziaziorik izan.