Muga politika, ez migrazio politika
Europar Batasuneko buruek ez dute benetan immigrazio legerik onartu; onartu dutena Europako mugak indartzea izan da.
Akordioa gutxi gorabehera horrelakoa da: Europako uretatik kanpo erreskatatutako naufragoak Afrikako kostaldean jarriko dituzten zentro batzuetan lehorreratu beharko dituzte. Europako uretan erreskatatutakoak, Europako herrialdeek eraikiko dituzten atxikitze zentroetara eraman beharko dituzte. Bertan giltzaperatuta izango dituzte asilo politikorako eskubidea duten aztertzen duten bitartean.
Hortaz, ez dute Europan barrena ibiltzeko baimenik izango, beraz, ezingo dute Alemaniara iritsi. Era horretan, Merkel kantzilerrak lasai har dezake arnasa. Bavierako bere kideak hori ari zirelako eskatzen, Alemaniara ez daitezela etorkinak iritsi.
Beste alde batetik, Italiak lortu du beste herrialde batzuk ere Europako uretan erreskatatutako migratzaileez arduratzea eta denak Italiara ez iristea, orain gertatzen den bezala.
Espainiak lortu du lehen lerroan egoteko gaitasuna aitortzea eta Batasunak laguntzak emateko konpromisoa hartzea etorkinen etorreraren gorakadari aurre egiteko. Eta, zenbat errefuxiatu hartuko ditu Europak? Nola banatuko ditu? Nola tratatuko dituzte? Ah, horren inguruan ez da hitz egin, hori migrazio politika litzateke, eta Bruselan, momentuz, mugez soilik hitz egiten da.
Zure interesekoa izan daiteke
Flotillako abokatuek salatu dute aktibistak atxilotu zituztenetik inkomunikatuta dauzkatela
"Atzo hasi ziren itsasontziak geldiarazten, eta orain arte, ia 30 ordu geroago, oraindik ezin izan dugu baieztatu aktibistak Israelera iritsi direnik", adierazi dute.
Putin Txinan da Xi Jinpingekin harremanak sendotzeko
Donald Trumpen bisitatik egun gutxi igaro direnean, Errusiako presidenteak hartu du lur Pekinen. Bi eguneko Estatu bidaia egingo du eta, tartean, Xi Jinping Txinako agintari nagusiarekin bilduko da. Ekialde Ertaina eta Ukraina izango dira bidaia honetan zehar jorratuko dituzten gaietako bi, baina 40 bat akordio sinatzea ere espero dute, horietako batzuk energiaren arloan.
Kongoko EDko Gobernuaren arabera, 134 heriotza susmagarri izan dira ebolaren agerraldiaren ondorioz
MOEren zuzendariak adierazi du kezkatuta dagoela agerraldia azkar ari delako zabaltzen. Ituri probintzian hasi zen agerraldia joan den ostiralean, baina dagoeneko Kongoko Errepublika Demokratikoko ekialdeko beste bi eremutara zabaldu da.
Munduko Osasunaren Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Munduko egoera zeharo aldatu da hamar urtean: zatiketa nabarmenagoa, zor handiagoa eta herritarrak babesteko gaitasun txikiagoa dago. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981. urtea ezkero izandako kopururik handiena
2.707 kasu erregistratu ziren 2025ean, erakundeak 44 urtean erregistratutako kopururik handiena. Exekuzio horien ia % 80 Iranen egin ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.
91 lagun hil dira dagoeneko Kongoko Errepublika Demokratikoan, ustez ebolak jota
Kongoko Errepublika Demokratikoko Osasun Ministerioaren arabera, kutsatutakoak, berriz, 350 dira.
Gazara zihoan beste flotilla bateko itsasontziak atzeman ditu Israelgo Armadak
Joan den ostegunean Turkiatik atera ziren ontziak. Israelgo Itsas Armadak ontzidia osatzen duten 57 ontzietatik 10 geldiarazi dituelakoan daude.
Txinak urtean gutxienez 17.000 milioi dolar gastatuko ditu AEBetako nekazaritza-produktuetan
Etxe Zuriak ohar batean jakitera eman duenez, bi buruzagiek lortu dituzten akordioak "mundu osoko enpresen eta kontsumitzaileen egonkortasuna eta konfiantza hobetuko dute".
Kubako Gobernuak gida bat zabaldu du eraso militar baten aurrean babesteko
"Babestu, eutsi, biziraun eta garaitu" dokumentuak hainbat gomendio biltzen ditu, hala nola edateko urarekin, elikagaiekin, irratiarekin, linternekin, botikinekin eta higiene-gaiekin motxila bat prestatzea. Horrez gain, aireko alarma-seinaleei eman beharreko arretaren berri jasotzen da.