Santosek Madurori erantzunez: 'Gauza garrantzitsuagoak egiten ari nintzen'
Juan Manuel Santos kargua utziko duen Kolonbiako presidentearen iritzian, "harrigarria da" Nicolas Maduro Venezuelako presidenteak bere kontra egindako akusazioa, eta, larunbatean presidente venezuelarraren aurkako atentatua prestatzea baino "gauza garrantzitsuagoak" zituela egiteko gaineratu du.
"Larunbatean gauza garrantzitsuagoak egiten ari nintzen: nire ilobaren bataioan nengoen", esan du Santosek hedabideen aurrean Venezuelako presidentearen salaketei erantzunez, Garapenerako Banku Interamerikarraren foro batean parte hartzen ari zela.
Caracol Irratiaren arabera, agintari kolonbiarraren esanetan, "harrigarria" da esatea "eskuin venezuelarrarekin" eta AEBko Inteligentziarekin lanean ari dela "Venezuelako presidentea hiltzeko asmoz".
Bide batez, Santosek aukera aprobetxatu du Alvaro Uribe Kolonbiako presidente ohiak ere bere aurka egindako akusazioei erantzuteko. Uriberen esanetan, Santosek esku hartu omen du Auzitegi Gorenean ikertzen ari diren lekukoen manipulazioaren auzian sartzeko.
"Azken egunotan, muturreko eskuina hemen da, herrialde honetan, eta horren buruetako batek Inteligentzia britainiarrarekin, James Bondekin, Gorte Nagusiarekin (…) FARCekin (…) konplota egitea leporatu zidan (…) Nik uste nuen akusazio zoroen muga erdietsita zegoela, baina ez, oker nenbilen", deitoratu du.
Drone leherkariak
Lehergailuak zeramatzaten bi drone leherrarazi zituzten larunbat arratsaldean Caracasko Bolivar Etorbidean, Maduro ehunka militarren aurrean hitzaldi bat ematen ari zela, Guardia Nazional Bolivartarraren 81. urteurrena dela eta.
Venezuelako eta Kolonbiako "ultraeskuinaren" eta Ameriketako Estatu Batuetako agenteen konplot batean laguntzea egotzi dio Madurok Santosi. Sei pertsona atxilotu dituzte oraingoz horrekin lotuta. Maduro onik atera zen, baina zazpi militar zauritu ziren.
Zure interesekoa izan daiteke
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.
Libano hegoaldean "substantzia kimiko ezezagun bat" botatzea leporatu dio UNFILek Israeli
Nazio Batuen Libanoko Bitarteko Indarrak adierazi du kezkatuta dagoela kimiko horiek osasunerako kaltegarriak izan daitezkeelako, baita nekazaritza-lurretan eta zibilak beren etxeetara itzultzeko izan dezaketen eraginagatik ere.