Maduroren aurkako atentatua egin dute drone leherkariak erabilita
Venezuelako Guardia Nazionaleko zazpi kide zauritu dira gutxienez bart Nicolas Maduro presidente venezuelarraren aurka drone leherkariak erabilita egindako erasoan, Jorge Rodriguez Informazio ministroak hedabideei azaldu dienez.
"Tamalez, desfilean parte hartzen ari ziren Guardia Nazionaleko zazpi soldadu zauritu dira leherketen ondorioz. Ospitalean artatzen ari dira", argitu du ministroak.
Ekitaldiaren berri ematen ari ziren hedabideen arabera, Maduro handik atera behar izan dute, desfile militarrean hitzaldia ematen ari zela, leherketa bortitz bat entzun ostean.
Rodriguezen esanetan, "Guardia Nazional Bolibartarraren 81. urteurrena ospatzeko ekitaldian geundela, 17:41ean, zenbait drone lehertu direla entzun da presidentearen oholtzatik eta desfilearen eremu batzuetatik gertu".
Ikerketek Nicolas Maduro presidentearen aurkako atentatua dela baieztatu dutela berretsi du ministroak, Nicolas Maduro ongi dagoela azaltzeaz gain.
Madurok ultraeskuinari eta Kolonbiako presidenteari egotzi dio erasoa
Nicolas Madurok salatu duenez, Juan Manuel Santos presidente kolonbiarra ez ezik, Kolonbiako zein Venezuelako ultraeskuina hura hiltzen ahalegindu dira.
"Ezin izan dute eta ezin izango dute nirekin, ziur egon bakea eta garapena nahi dituen gure aberriaren norabidea jarraituko dugula", gaineratu du.
Tarek Saab fiskal nagusiak, bere aldetik, hiru fiskal nazional gertatutakoa ikertzen ari direla esan du VTV estatuko telebistaren bidez jakinarazi du.
Hainbat ordu geroago, "Soldados de Franela" talde anonimoak erasoa bere gain hartu du sare sozialen bidez. "Operación Fenix" izena jarri diote Maduroren aurkako atentatuari.
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.