Lombok uharteko hondakinen artean desagertuen bila ari dira erreskate taldeak
Abuztuaren 5ean Indonesiako Lombok uhartea astindu zuen lurrikararen ostean, hondakinen artean bizirik egon daitezkeen pertsonen bila ari dira erreskate taldeak. Gaur Pemenang herritik heldu da albiste ona: lan egiten zuen saltokian harrapatutako emakume bat atera dute hondakinen artetik, onik.
23 urteko emakume bat omen da erreskatatutakoa, Nadia Revanale. Bizilagunek haren oihuak entzun eta erreskate taldeak ohartarazi dituzte. Lau orduren ostean atera dute.
"Aurrena eskuekin kendu ditugu hondakinak, gero mailuak, zizelak eta bestelako tresnak erabili ditugu, apurka-apurka", azaldu du boluntarioetako batek. "Luzea izan da, baina onik atera dugu", erantsi du pozik.
Meskita baten ingurua ere miatzen ari dira erreskate taldeak, bertan harrapatuta egon daitezkeen pertsonetatik lau bizirik egon daitezkeelakoan.
Dena dela, Sutop Purwo Nugroho Hondamendiak Kudeatzeko Agentziaren bozeramailearen hitzetan, gune askotara ezin iritsita daude, hainbat zubi erori egin baitira.
Hildako kopuruak gora egin du
Gutxienez 105 pertsona hil dira lurrikaran, agintariek jakitera eman duten azken balantzearen arabera. Kopurua ez da behin betikoa, desagertu asko eta asko hondakin artean daudelako oraindik.
Bien bitartean, milaka turistek Lombok utzi dute, errepliken beldur. Hegaldi eta ferry gehiago jarri dituzte, eskariaren gorakadari aurre egiteko.
Agintarien hitzetan, 2.000 pertsona inguru Gili uharteetara eraman dituzte jada.
Zure interesekoa izan daiteke
Mundua Oslora begira dago Machadok Nobel saria zuzenean jasoko ote duen zain
Antolatzaileek esan dutenez, uneotan ezin dute zehaztu Bakearen Nobel sariaren ekitaldira Machado noiz eta nola iritsiko den jakiteko.
Frantziako Asanblea Nazionalak Gizarte Segurantzako aurrekontua onartu du
Sebastien Lecornuk urte amaierako lehen azterketa gainditu du, nahiz eta orain testua Senatuan bozkatu beharko duten. Garaipen honek, ordea, 2026ko kontu orokorrak onartzeko bidea errazten du.
Donald Trump, Europako agintariei buruz: "Ahulak direla uste dut, ez dakite zer egin"
AEBko presidenteak elkarrizketa egin dio Politico hedabide espezializatuari, eta aho-bizarrik gabe hitz egin du. Ukrainako gerrari buruz, Zelenskik "esnatu" egin beharko duela uste du.
Bertan behera utzi dute Maria Corina Machadok Osloko Nobel Institutuan eman beharreko prentsaurrekoa, eta zalantzak daude oraindik saria jasotzeko izango egongo ote den
Venezuelako oposizioburuak Norvegiako hiriburura joan egingo dela ziurtatu dio Nobel Institutuari. Hala izango balitz, Machadok 2024ko abuztua ezkero lehenengoz agertuko litzateke jendaurrean. Bakearen Nobel Batzordearen buruak bidaia "arriskutsua" dela esan du, Nicolas Maduroren Gobernuak Machadoren aurka har ditzakeen errepresaliak direla eta.
Zelenskik berretsi du ez duela lurralderik lagako eta bake planaren beste berrikuspen bat prestatzen ari da
Zelenskik azaldu duenez, Donald Trumpen administrazioak aurkeztutako planaren hasierako 28 puntuetatik Kieventzat guztiz onartezinak ziren zortzi puntua erretiratu dituzte, Kievek eta Washingtonek Genevan, Abu Dabin eta Miamin egin dituzten bileretan.
Dinosauroen aztarnategi handiena aurkitu dute Bolivian
Paleontologo talde batek 16.000 dinosauro lorratz baino gehiago identifikatu ditu Carreras Pampa aztarnategian, Torotoro Parke Nazionalean. Dinosaurook oinez, korrika eta igerian ibili ziren, duela milioika urte kostaldea izandako lurraldean.
Japoniak tsunami alerta kendu du, eta ohartarazi du beste lurrikara bat egon daitekeela
Japoniak tsunami alerta bertan behera utzi du astelehen honetan herrialdearen iparraldea astindu zuen 7,5 graduko lurrikararen biharamunean, baina agintariek alerta berezia aktibatu dute datozen egunetan ezohiko lurrikara bat izateko arriskua baitago.
Zelenskik eta E3ko liderrek aurrerapauso gutxirekin amaitu dute Londresko bilera, "une kritiko" honetan
Ukrainako presidenteak "bakerako urrats txikiak" izan direla esan du, hala ere, eta laster AEBri Trumpen planaren bertsio berrikusia itzultzea espero duela. Bileraren ostean, Ukrainako presidentea Bruselara joan da, bilera izango baitu asteartean Von der Leyenekin, Costarekin eta Rutterekin.
Paramountek Warner Bros erosteko 108.400 milioiko eskaintza oldarkorra egin du, eta Netflixen eskaintza gainditu
Ostiralean jakinarazi zen Netflixek Warner Bros. Discovery erosi zuela 82.700 milioi dolarren truke, eta astelehen honetan Paramount Skydancek eskaintza gainditzen duen EEP oldarkorra aurkeztu du.
7,6 graduko lurrikara batek Japoniako iparraldea astindu du eta tsunami alerta ezarri dute
Agintariek 23.000 pertsona baino gehiago ebakuatu dituzte hiru metrorainoko olatu arriskuagatik. Tohoku Electric Power enpresa, lurrikararen inguruan dauden bi zentral nuklearren operadorea, lantegietako egoera aztertzen ari da.