Dozenaka pertsona hil dira Genovan, zubi bat behera erorita
Genovan astearte honetan zubi bateko zati bat behera erorita, Italiako agintariek 38 pertsona hil direla baieztatu dute. Gainera, 15 zauritu daude, horietatik 9, larri.
Liguriako agintariek, halaber, esan dute 432 lagun atera dituztela euren etxeetatik, arriskuak saihesteko; izan ere, aukera dago erortze gehiago egoteko.
Zubia hirigune baten gainean doa, eta bertan merkataritza-zentroak daude, bai eta bizitegi-eraikinak eta industria-guneak ere.
"Homizidio anizkuna eta hondamendi zuhurtziagabea"
Francesco Cozzi Genovako fiskal nagusiak aurreratu duenez, ikerketa abiatuko du, "homizidio anizkunagatik eta hondamendi zuhurtziagabeagatik", xede izanik espedienteak irekitzea. Zubiko ia 200 metro jausi dira; itxuraz, akats estrukturala da.
Sergio Mattarella Italiako presidentearen esanetan, Genovan gertaturikoa "zentzugabea eta ikaragarria da"; esan duenez, agintari eta erakunde guztiek egin beharko diote aurre euren erantukizunari: “Gizarte oso baten kontzientziak hala eskatzen du”, adierazi du, agiri batean.
Salvinik ere ildo beretik jarraitu du: "Hainbat eta hainbat aldiz zeharkatu dut zubi hori. Orain, Italiako hiritar bezala, ahal dudan guztia egingo dut erantzuleen izenak lortzeko, bai aspaldiko erantzuleenak baita oraingoenak ere, onartezina baita jendea horrela hiltzea Italian", azpimarratu du Twitterren.
Ikertzen ari dira zergatik gertatu den
Polcevera zubibidea (A10 autobidea bertatik igarotzen da) 12:00ak aldera jausi da, ikertzen ari dira zergatik. Segurtasun-indarren langileak, suhiltzaileak eta anbulantziak bertaratu dira; hondakinen artean balizko biktimak topatu nahian.
Genovako anbulantzien zerbitzuaren arduradun Francesco Bermanok esan du "dozenaka" hildako egon litezkeela; hala ere, AdnKronosi egindako adierazpenetan, nabarmendu du oraindik ikusteke dagoela hondamendiaren tamaina. Rixi ministrordea ere dago ezbeharraren tokian, eta baieztatu dio SkyNews24 kateari gutxienez 22 hildako daudela.
"Ez dago onartzerik hau bezalako zubi bat, hain inportantea den azpiegitura bat, ez egotea eginda hau saihestu moduan", deitoratu du ministrordeak. "Tunelaren erdiko zatia behera erori da", azaldu du, Reuters albiste-agentziaren esanetan.
"Hondamendi handia"
Danilo Toninelli Italiako Garraioen ministroak Twitterren esan duenez, kasua "kezka oso handiz" ari da jarraitzen; "hondamendi handia" izan liteke. Toninellik esan du harremanetan dagoela autobide-zerbitzuarekin, eta baieztatu du lekura joango dela.
"Minutuz minutu ari gara jarraitzen Genovako egoera", esan du Twitterren Matteo Salvini Barne ministroak; Salvinik eskerrak eman dizkio bizitzak salbatzeko lanean dabiltzan 200 suhiltzaileei eta gainerako "heroiei".
Ibilgailu asko hondakinen azpian daudela uste dute, hori dela eta, larrialdietako zerbitzuak txakurrak erabiltzen ari dira.
Hirigunean erori da behera
Sare sozialetan zabaldutako lehen irudiotan ageri denez, zubiaren alde handi bat behera erori da hirigunean. Azpiegiturak kilometro bateko luzera eta 90 metroko altuera du, 60ko hamarkadan eraiki eta azken urteetan eraberritu zuten.
Erori den zatiaren irudia. Argazkia: Polizia di Stato
Italian, iaz, Ancona probintzian, beste zubi bat ere jausi zen, herrialdeko mendebaldean. Senar-emazte batzuk hil ziren, Camerano hirian, ibilgailua harrapatuta, gaineko pasabide baten azpian.
Zure interesekoa izan daiteke
Iranek heriotza-zigorra ezarriko dio etsaiari laguntzen dion orori
Iranek hedabideei eta herritarrei ohartarazi die etsaiarekin lankidetzan ibiltzeak heriotza eta ondasunak konfiskatzea dakartzala, Ameriketako Estatu Batuen eta Israelen erasoaldiaren ondoren; dagoeneko 1.200 hildako baino gehiago utzi ditu.
Trump, Kubari buruz: "Herrialdearen gaineko kontrola modu adiskidetsuan har genezake, ala ez"
AEBko presidenteak adierazi duenez, uhartean ez dute energiarik, erregairik ezta dirurik ere, eta arazo humanitario "sakonak" dituzte.
G7ko Energia ministroak gaur bilduko dira Ekialde Hurbileko gatazkak eragindako krisia aztertzeko
AEBko, Kanadako, Japoniako, Frantziako, Italiako, Alemaniako eta Erresuma Batuko Energia ministroak modu birtualean bilduko dira astearte honetan, Irango gerrak eragindako hornidura-etenari buruz hitz egiteko eta petrolio erreserbak merkaturatuko dituzten eztabaidatzeko.
Honela zabaldu da Iranen aurkako gerra: zein herrialdetan du eragina?
Israelek eta AEBk otsailaren 28an Irani egindako erasoaldi militarrak eta ondoren errepublika islamiarrak Ekialde Hurbileko 15 herrialderi eman zien erantzuna. Iranek 1.200 hildako eta 12.000 zauritu zenbatu ditu dagoeneko, eta Libanon 400 hildako baino gehiago izan dira. Persiako golkoko 12 herrialdek Khameneiren erregimenaren erasoak salatu dituzte.
Trumpek dio Irango gerra "ia amaituta" dagoela
Halaber, buruzagi errepublikanoak ziurtatu du Ormuzeko itsasartea zabalik dagoela, eta ontziak hasi direla bertatik igarotzen. Pasabide horren kontrola hartzea aztertzen ari dela gaineratu du.
Persiar golkoa, erabat paralizatuta
Ekialde Hurbileko gerrak aurrera jarraitzen du, eta Iranek, oraingoz, ez du neke zantzurik ematen. Golkoko herrialdeak Israelen eta AEBren aliatu diren inguruko herrialdeen aurkako erasoekin jarraitzen du, krisi ekonomiko globala sortzeko helburuarekin.
Martin Izagirre, Ormuzen blokeatutako gas-ontzi bateko ofiziala: "Tentsioa oso handia da, eztandak entzuten ditugu"
Martin Izagirrek 26 urte ditu, gas-ontzi bateko bigarren ofiziala da egun eta, dagoeneko, 50 aldiz zeharkatu du Ormuzeko itsasartea. Otsailaren 26tik, bere ontzia Persiar golkoan dago ainguratuta, Iraken parean. Iranen erasoengatik Ormuz itxi zenetik, itsasartea blokeatuta dago, eta milaka ontzi daude harrapatuta alde bietan. Izagirrek egoera nola bizitzen ari diren azaldu dio ETBri.
Macron: "Ormuzko itsasartea pixkanaka irekitzeko defentsa-misio bat martxan dago"
Misio hori "herrialde europar eta ez europarrekin" egin beharko litzateke, "behin gatazkaren faserik kritikoena amaitutakoan". Estatuburuak zehaztu duenez, planak "laguntza helburu baketsua" izango luke, eta hainbat ontzi mota "eskoltatzea" izango litzateke bidea, "gasa eta petrolioa" berriro Ormuzetik igaro ahal izateko. Bestetik, G7 herrialdeek ez dute momentuz erreserban daukaten petrolioa askatuko, nahiz eta ez duten baztertzen etorkizunean erabaki hori hartzea.
EBk ez du Mojtaba Khameneiren izendapenari buruzko iritzirik eman, eta Txinak eta Errusiak onartezintzat jo dute haren aurkako ezein eraso
Trumpek, berriz, azpimarratu du ez dagoela pozik hautuarekin. The New York Post egunkari estatubatuarrari egindako adierazpenetan, baieztatu du ez datorrela bat Adituen Batzordeak hartutako erabakiarekin. Edonola ere, ez du aurreratu buruzagi berria AEBren erasoaldiaren jomugan den ala ez.
Industria kimikoaren eta droga-trafikatzaileen arteko loturak baimentzea leporatu dio AEBk Txinari
Iaz 80.000 pertsona inguru hil ziren AEBn drogekin lotutako gaindosi eta intoxikazioengatik; horietako asko, kokaina eta metanfetamina fentaniloarekin nahastuta kontsumitzeagatik.