Macron: "Ormuzko itsasartea pixkanaka irekitzeko defentsa-misio bat martxan dago"
Misio hori "herrialde europar eta ez europarrekin" egin beharko litzateke, "behin gatazkaren faserik kritikoena amaitutakoan". Estatuburuak zehaztu duenez, planak "laguntza helburu baketsua" izango luke, eta hainbat ontzi mota "eskoltatzea" izango litzateke bidea, "gasa eta petrolioa" berriro Ormuzetik igaro ahal izateko. Bestetik, G7 herrialdeek ez dute momentuz erreserban daukaten petrolioa askatuko, nahiz eta ez duten baztertzen etorkizunean erabaki hori hartzea.
Emmanuel Macron Frantziako presidenteak astelehen honetan iragarri duenez, Ormuzeko itsasartea "pixkanaka irekitzeko" nazioarteko "defentsa-misio" bat "martxan dago". Izan ere, itsasarte horretatik igarotzen da petrolio gordinaren eta gasaren ehuneko handi bat, baita funtsezko beste produktu batzuk ere.
Macronek zehaztu duenez, zortzi fragata, bi helikoptero-ontzi anfibio eta Frantziako hegazkin-ontzi bat zabalduko dira Mediterraneo ekialdean, eta horrek guztiak Europako beste herrialde batzuk "erakarri eta mobilizatzea" ahalbidetuko du.
Ormuzko itsasartearen inguruan, Frantziako presidenteak zehaztu du "Europako herrialdeekin eta Europakoak ez direnekin" egin beharreko misio hori "gatazkaren fase kritikoena amaitu ondoren" egingo litzatekeela, xehetasun gehiagorik eman gabe.
"Misio hau gure bazkideekin ari gara prestatzen, modu ordenatuan, eta helburu baketsua izango du, laguntzekoa. Gure ekonomiarako eta munduko ekonomiarako funtsezkoa da", adierazi du Macronek.
Horretarako bidea hainbat ontzi mota "eskoltatzea" litzateke, Macronen hitzetan, "gasa eta petrolioa" Ormuzen berriro pasa ahal izateko.
Halaber, Macronek adierazi du Frantziak bi fragata jarriko dituela Ekialdeko Mediterraneoan eta Itsaso Gorrian (Greziak koordinatutako nazioarteko koalizioaren barruan) "nabigazio askatasuna eta segurtasuna" bermatzeko.
"Gure helburua da jarrera defentsibo hutsarekin Iranek erantzun gisa egindako erasoek jotako herrialde guztiengandik gertu egotea, gure sinesgarritasuna ziurtatzea eta eskualdeko gatazka deseskalatzea bultzatzea", gaineratu du.
G7ak itxarotea erabaki du
G7ko herrialdeetako (Estatu Batuak, Kanada, Japonia, Frantzia, Italia, Alemania eta Erresuma Batua) Ekonomia eta Finantza ministroek urgentziazko bilera egin dute, astelehen honetan, Energiaren Nazioarteko Agentziarekin (IEA) batera, petrolioaren salneurriak bortizki gora egin duela ikusita. Gordeta dituzten petrolio-erreserba estrategikoak askatu ala ez ebatzi behar zuten, baina bilera akordiorik gabe amaitu da.
Bileraren ostean, Roland Lescure frantziarrak esan du oraingoz ez dagoela gas eta petrolio "arazorik" Europan eta Estatu Batuetan. "Oraindik ez gaude hor. Beharrezkoa balitz, merkatua egonkortzeko beharrezko tresnak erabiltzea adostu dugu, baita erreserbak askatzeko aukera ere".
Gaur-gaurkoz, G7ko herrialdeek "gertutik jarraituko dute merkatuen gaineko egoera, gure herrialdeen egoera makroekonomikoaren gainekoa eta baita herritarren egunerokoan daukan eragina ere", eta "beharrezko neurri guztiak hartzeko prest" daudela nabarmendu du.
Fatih Birol IEAren zuzendari exekutiboak bileran ohartarazi du Ormuzeko itsasartetik igarotzeko zailtasunez gainera, "petrolio ekoizpena nabarmen murriztu" dela, eta horrek "arrisku oso handiak" sortzen dituela merkatuan. Ildo horretan, esan du aukera guztiak aztertu behar direla hurrengo egunetan.
Zure interesekoa izan daiteke
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".