Hungaria zigortu nahi du Europako Parlamentuak, zuzenbidezko estatua mehatxatzeagatik
Europako Parlamentuko osoko bilkurak lehenengo urratsa egin du gaur Viktor Orbanen gobernua zigortzeko prozesuan. Hain zuzen ere, zuzenbidezko estatua mehatxatzeagatik zigortu nahi dute Hungaria. Esan bezala, bozketa aurrera atera da, Europako Alderdi Popularrak bere eurodiputatuei bozkatzeko askatasun osoa eman dielako.
Hartara, Europar Batasunaren Itunaren 7. artikulua aplikatzea galdegin dute, eta Kontseiluaren erabaki-hartzean Hungaria boto eskubiderik gabe utz lezake horrek.
Lehenengo aldia da Europako Parlamentuak urrats hori ematen duena. Dena dela, "botoi nuklearra" eraginkorra izateko, beharrezkoa da bertako kide diren estatu guztiek aho batez hartzea erabakia. Hala balitz, posible litzateke Budapesten aurkako zigorra ezartzea.
Aldeko 448 boto, kontrako 197 eta 48 abstentzio izan ditu bozketak. Txostenak Hungarian izandako ustelkeria kasuak jasotzen ditu: botere judizialari askatasunez jokatzeko aukera ez ematea, errefuxiatuei asilo eskubidea murriztea eta adierazpen eta informazio askatasuna arriskuan jartzea, besteak beste. Hala, gutxienez, botoen bi heren eta 376 aldeko boto (gehiengo osoa) batu behar zituen testuak, prozesu horrekin aurrera jarraitu ahal izateko.
Espainiako PPren ordezkaritza abstenitu egin da, Parlamentuko iturriek zabaldutako informazioaren arabera. Izan ere, "PPk ez zituen Orbanen erabaki polemikoak babestu nahi, ezta Europako Parlamentua bertako estatu kideen Justizia epaitegi bihurtzea ere", argudiatu dute iturriek
Zure interesekoa izan daiteke
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.
NATOk Trumpi erantzun dio aliatuek laguntza eskaini diotela Ormuzerako
AEBko presidenteak ohartarazi zuen Aliantzak “oso etorkizun makurra” izango duela aliatuek itsasartea desblokeatzen laguntzen ez badute. Erresuma Batuak adierazi du “plan kolektibo bat” lantzen ari dela eremurako, eta EBk Atzerri ministroak bildu ditu auzia aztertzeko.