Javako itsasora eroritako hegazkinaren kutxa beltzen bila jarraitzen dute Indonesian
Astelehenean Javako itsasora erori zen Lion Air konpainiako hegazkinaren kutxa beltzak bilatzen jarraitzen du Indonesiako bilaketa eta erreskate taldeak. Hegazkin horretan 189 pertsona zihoazen eta, horietatik, zortzi, hegazkin konpainiako langileak ziren.
Budi Karya Indonesiako Garraio ministroak ziurtatu duenez, istripua izan zuen hegazkinak indarrean zituen ziurtagiri guztiak. Halaber, airatu aurretik derrigorrez egin beharreko proba guztiak arazorik gabe gainditu zituela esan du.
Indonesiako itsas salbamenduko ehun kidetik gora ari dira lanean, Tanjun Karawango lurmuturretik 5 itsas milia ekialdera. Astearte honetan, ur azpiko lanetan aritu diren pertsonak, hegazkina ustez erori zen tokitik 18,5 kilometro inguruko zabaleran egin dituzte kutxa beltzen bilaketak, 30 eta 60 metro arteko sakoneran.
“Bilaketa eremua zabalduko dugu bihar”, esan du Indonesiako Garraio ministroak, hegazkinaren zati handienak oraindik topatu ez dituztela aitortu ostean.
Tokiko agintariek baieztatu duenez, hegazkin horretan zihoan haurtxo baten gorpua erreskatatu dute. Azken orduotan hainbat gorpuzki atera dituzte uretatik, eta 34 poltsatan sartu dituzte.
Indonesiako Garraio ministroak jakinarazi duenez, hegaldi horretan soilik bi atzerritar zeuden: italiar bat eta indiar bat.
Hegazkin guztiak berrikustea agindu dute
Lion Air eta Garuda konpainietako Boeing 737 motako hegazkin guztiak berrikustea agindu du Budi Karya Indonesiako Garraio ministroak astearte honetan.
“Ohar bat bidali genien atzo Lion Air eta Garuda konpainietako arduradunei, dagokien berrikuspenak egin ditzaten. Istripua zerk eragin zuen aztertzen ari diren ikertzaileei bidaliko dizkiegu proba horien emaitzak, lagungarri izan daitekeelakoan”, ziurtatu du Indonesiako Garraio ministroak.
Boeing 737 motako hegazkina aireratu eta 13 minutura desagertu zen radarretatik. Pangkal Pinang hiria zuen helmuga. Itsasora erori aurretik, pilotuak Jakarta hiriburura itzultzeko baimena eskatu zuen, baina ez zuen larrialdiko mezurik igorri.
Zure interesekoa izan daiteke
Gutxienez hildako bat Gazan eta Israelek Libanon egindako eraso berriek eskualdearen krisia berpiztu dute
Palestinar bat hil da Israelgo Armadak jaurtitako tiroen ondorioz, Israelek Hamasi su-etena haustea leporatzen dion bitartean eta Libano hegoaldean Hezbolaren posizioak bonbardatzen dituen bitartean.
Gazarako su-etenak bueltan ekarri ditu Gabon ospakizunak Betleemera
Gazako inbasioak Gabon giroa itzali du Betleemen bi urtez, baina, su-etenak, ahula bada ere, ospakizunak bueltan ekarri ditu, kristau tradizionalen arabera, Jesus jaio zen hirira. Zuhaitz handia jarri dute berriro Natibitatearen elizaren inguruan, eta, urteetan egin duten bezala, eskauten desfilea egin dute hiriko kaleetan.
Greta Thunberg atxilotu dute Londresen, kartzelan dauden Palestine Actioneko kideen aldeko protesta batean
Greta Thunberg atxilotu dute Londresen, palestinar preso batzuk babesteko elkarretaratze batean; alegia, Palestine Actioneko zortzi militante gose greban babesteko kontzentrazioan.
Siriako agintariek eta milizia kurduek elkarri leporatzen diote 2 hildako eta hainbat zauritu utzi dituzten erasoen ardura
Bi aldeek elkarri leporatzen diote indar kurduak Siriako Estatuan sartzeko akordioa hautsi izana. Bitartean, liskarrak gero eta ugariagoak dira.
Errusiako Estatu Nagusiko operazio burua hil dute Moskun, bonba-auto batekin egindako atentatu batean
Hasiera batean, Errusiako Instrukzio Batzordeak Ukrainako inteligentziari egotzi dio erasoa.
IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.