Lula Da Silva espetxeratzea agindu zuen epailea izango da Brasilgo Justizia ministroa
Sergio Moro epaile federalak onartu egin du Jair Bolsonaro Brasilgo presidente hautetsiaren gobernuko Justizia ministroa izatea. Bera izan zen Lula da Silva presidente ohia espetxeratzea agindu zuena, ustelkeria delituak eta dirua zuritzea leporatuta.
Justizia Ministerioko buru izatea onartu aurretik, Rio de Janeiron ordubetez egon da bilduta Bolsonaro ultraeskuindarrarekin, tokiko hedabideek jakitera eman dutenez.
“Berarekin bakarrik izandako bilera batean Justizia ministro gisa egin beharreko zereginen inguruan hitz egin dugu, eta ohore handiz onartu dut egindako proposamena”, esan du Morok ohar batean.
Bolsonarok, berriz, Twitter bidez idatzitako mezu batean baieztatu du albistea. “Konstituzioa eta legeak errespetatuz, ustelkeriarekin eta antolatutako krimenarekin amaitzeko egindako proposamenak ardatz izango ditugu”, azpimarratu du.
Dena dela, epaile federalaren erabakia ez dio ezustean harrapatu Brasilgo presidente hautetsiari. Izan ere, joan den asteartean Bolsonarok publikoki luzatu zion Justizia Ministerioko buru izatea. Orduan, ohar bat kaleratu zuen, “zintzoa” zela esanez.
Bolsonarok Jerusalemera lekualdatuko du Brasilek Israelen duen enbaxada
Bolsonarok berak ostegun honetan baieztatu duenez, Gobernua osatzen duenean Brasilek Israelen duen enbaxada Tel Avivetik Jerusalemera lekualdatuko du. Donald Trump Amerikako Estatu Batuetako (AEB) presidenteak gauza bera egin zuen maiatzean, nazioarteko agintariek emandako irizpideari kasurik egin gabe.
“Israel Estatu burujabea da. Herrialde horrek haren hiriburua Jerusalem dela esaten badu, erabakia errespetatuko dugu”, esan du ‘Israel Hayom’ aldizkari hebrearrean egindako elkarrizketa batean. Hauteskunde kanpainan zehar egindako proposamen nagusien artean zegoen lekualdaketa hori.
Zure interesekoa izan daiteke
Israelek eta Estatu Batuek eraso egin diote Iranek eta Qatarrek partekatzen duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, egoera are gehiago zailduko dutenak eta mundu guztiari eragin diezaioketenak.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.