Salbuespen-egoera ezartzea onartu du Ukrainako Parlamentuak
Azaroaren 28tik aurrera herrialdeko zati batean salbuespen-egoera ezartzea onartu du gaur Ukrainako Parlamentuak. Gerra-legea 30 egun egongo da indarrean, Itsaso Beltzean Errusiako Armadarekin izandako istiluaren ondotik.
276 diputatuk mozioa babestu dute, beharrezkoak baino 50 gehiagok.
Hilabete batez gerra-legea ezartzeko proposamena egin dio Petro Poroxenko Ukrainako presidenteak bertako Parlamentuari. Horretarako dekretu bat sinatu du Poroxenkok.
Poroxenkok agerraldia egin du Parlamentuan. 30 eguneko gerra-legea planteatu du; hasiera batean, Segurtasun eta Defentsa Kontseilu Nazionalari 60 egunekoa eskatu badio ere.
Hauteskunde-kanpainaren hasierarekin batera ez gertatzeko epea murriztea erabaki du agintariak.
Bestalde, Kercheko itsasartean Errusiak Ukrainako ontziei egindako erasoa “bidegabea” dela esan du gaur NATOk, Kieveko agintariek gertakariaren xehetasunen berri eman ondoren.
“Ukrainako ontziteria eta marinelen aurkako indar militarra erabiltzeko arrazoirik ez dago”, adierazi du Jens Stoltenberg NATOko idazkari nagusiak. NATO-Ukraina Batzordeak ezohiko bilera egin du. Aliantzaren 29 herrialdeetako enbaxadoreak eta Ukrainako homologoa batzarrean izan dira.
Jens Stoltenberg NATOko idazkari nagusia. Argazkia: EFE
Errusiako eta Ukrainako ontziek borroka egin zuten Kerch itsasartean, Itsaso Beltzaren eta Azov itsasoaren artean, igandean.
Ukrainak igandeko “istiluaren informazio zehatza eman die aliatuei”, Stoltenbergek jakitera eman duenez.
“Atzo ikusi genuena oso larria da, Errusiak indar militarra zuzenean erabili zuelako Ukrainaren aurka. Ukrainako ontzien kontra tiro egin zutela ikusi genuen, ontziak eta marinelak konfiskatu eta harrapatu zituzten, eta horietako batzuk zauriturik daude”, erantsi du NATOko ordezkariak.
Stoltenbergen hitzetan, “eskualdean tentsioak gora egin du eta azken urteetan ikusi izan dugun jokabidea baieztatzen da” Errusiaren aldetik, “Ukrainako ekialdea ezegonkortzen jarraitzen duelako”.
“Atzo atzemandako marinelak eta ontziak berehala aske uzteko eskatzen diogu Errusiari; baita lasaitasuna eta moderazioa ere”, azpimarratu du.
“Bere ekintzek ondorioak dituztela ulertu behar du Errusiak, eta horregatik azken urteetan Errusiak Ukrainaren aurka egindakoen aurrean irmo erantzun du NATOk”, gogorarazi du Stoltenbergek. Moskuren aurkako zigor ekonomikoak aipatu ditu NATOko idazkari nagusiak, baita “belaunaldi batean gure defentsak egindako esfortzu handiagoa” ere.
Stoltenbergek esan duenez, Aliantzako Atzerri ministroek datorren astean aztertuko dute krisia, Bruselan.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.