Erresuma Batuak kolpe ekonomiko larria jasango du, hitzartutako 'brexit'ik ez bada
Gobernu britainiarrak eta Ingalaterrako Bankuak egindako aurreikuspenaren arabera, Erresuma Batuko Barne Produktu Gordinak eta librak gainbehera larria jasango dute, herrialde hori aldebiko akordiorik gabe ateratzen bada Europar Batasunetik.
Gobernua eta banku zentrala brexit-aren ondorio ekonomikoak zeintzuk izan daitezkeen ikertzen aritu dira, eta horretarako balizko bi egoera hartu dituzte aintzat: Europar Batasunarekin adostutako irteera bat (Theresa Mayk egindako proposamenean oinarrituta, gutxi gorabehera) eta aldebakarreko irteera drastiko bat.
Txosten horietan bildutako datuak baliatu nahi ditu Theresa May lehen ministro britainiarrak, Bruselarekin egindako akordioa Komunen Ganberak berretsi dezala lortzeko. Abenduaren 11n izango da bozketa.
Gobernu britainiarraren ikerketaren arabera, hitzartutako brexit-ik ezean, Erresuma Batuko Barne Produktu Gordinak % 9,3ko murrizketa izango du 15 urtetan. Irteera adostutakoa balitz, berriz, galera hori % 3,9koa izango litzatekeela dio.
Hortaz, bi kasuetan galduko luke Erresuma Batuak, hazkunde ekonomikoari eutsi arren.
Ingalaterrako Bankuak egindako ikerketaren arabera, akordiorik eta trantsiziorik gabeko brexit-a gauzatuz gero, libraren balioak % 25eko galera izango luke eta inflazioa % 6,5ekoa izango litzateke.
BPGa % 8 jaitsiko litzateke 2023ra bitartean, langabezia-tasa % 7,5era igoko litzateke eta interes-tasek % 5,5eko gorakada izango lukete.
Mayk Bruselarekin adostutako planari dagokionez, Erresuma Batuaren eta Europar Batasunaren etorkizuneko harremanari buruzko xehetasunik ez dutela eta, beraz, egoera ezberdinak irudikatu dituztela zehaztu dute.
Gobernu britainiarrak eta EBk harreman ekonomiko "estua" izanez gero, BPGa datozen bost urteetan % 1,75 haziko litzatekeela aurreikusi du Ingalaterrako Bankuak. Aldiz, harreman hori estua izango ez balitz, BPGak % 0,75eko gainbehera izango lukeela esan dute.
Zure interesekoa izan daiteke
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.