Huaweiko finantza-zuzendaria atxilotu dute Kanadan, AEBk eskatuta
Kanadako agintariek Huawei txinatar erraldoi elektronikoko finantza-zuzendari Wanzhou Meng atxilotu dute, Ameriketako Estatu Batuetara estraditatzea xede, Washingtonek Irani ezarritako zigorrak ustez bortxatu izateagatik; hala eman du jakitera Kanadako Gobernuak, ostegun honetan, ohar baten bidez.
Kanadiako Justizia Ministerioak zabaldu duenez, Wanzhou Meng, 46 urtekoa bera, Vancouverren atxilotu zuten, hilaren 1ean, eta auziaren xehetasunak sekretuan daudela, epaileak hala aginduta.
Ostiralean, bista egingo dute; bertan, zehaztuko dute konpainiako sortzailearen alaba den Huaweiko exekutiboa, AEBrako estradizioaz eztabaidatzen ari diren bitartean, fidantzapeko askatasunean utziko duten ala ez.
'The Globe and Mail' egunkariak adierazi duenez, atxiloketa eta estradizioa AEBko agintariek eskatu dute; izan ere, Wanzhouk, ustez, bortxatu ditu Ameriketako Estatu Batuek Irani ezarritako zigor ekonomikoak.
Atxilotutako exekutiboa 2011tik da Huaweiko finantza-zuzendaria, eta enpresako administrazio-kontseiluko presidenteordea da, gainera.
Huawei, AEBko "segurtasun nazionalerako mehatxua"
1987an sortu zuten Huawei, eta, egun, telekomunikazio-ekipoko fabrikatzailerik handiena da, mundu-mailan; halaber, telefono mugikorretako fabrikatzailerik nagusienetakoa da.
AEBko agintariek ohartarazi dute Huawei mehatxua dela segurtasun nazionalerako; izan ere, ustez, loturak ditu Txinako Gobernuarekin eta azken horren segurtasun-zerbitzuekin.
2011tik, Washingtonek erabakita du ez erostea Huaweik ekoiztutako zerbitzaririk; gainera, aurtengo maiatzean, Pentagonoak debekatu zuen txinatar fabrikatzailearen telefonoak saltzea bere baseetan.
Hainbat senatari estatubatuarrek eskatu zioten Kanadako Gobernuari ez erabiltzeko Huaweiren ekiporik herrialdeko telekomunikazio-sareetan; izan ere, beldur ziren, ekipo horiek Txinako Gobernuak espiatzeko baliatu ahal zituelako, haien iritziz.
Albiste gehiago mundua
Tropa ukrainarrak Ukrainan bertan prestatzearen alde agertu da Europar Batasuna, balizko su-eten batean
Europar Batasuna eta EBko estatu kideak Ukrainako Armadaren formatzaile handienak dira, eta 80.000 soldadutik gora formatu dituzte orain arte EBko herrialdeetan.
NBEko Batzar Nagusiari begira, AEBk agintari palestinarrei emandako bisak baliogabetuko ditu
AEBko Gobernuak iragarri du Palestinak Nazio Batuen aurrean duen misio iraunkorreko kideak salbuetsiko dituela.
Frantziako sindikatuek greba deitu dute irailaren 18an Bayrouren aurrekontuen aurka
Zentral handiek "gauzak aldatzeko eta aurrerapausoak emateko mobilizazio masiboak" eskatu dizkiete langileei. Bayrouk konfiantza mozio bati aurre egin beharko dio irailaren 8an; oposizioak (gehiengo absolutua) aurka bozkatuko duela aurreratu du.
Europak Ukrainaren gaineko koordinazioa areagotu du Kieven aurkako erasoaren ostean
Zelenskik eta Von der Leyenek bide diplomatiko bikoitza bideratuko dute, Europar Batasuna laguntza militar eta mugetarako neurri berriak prestatzen ari den bitartean.
Errusiak 18 pertsona hil ditu, tartean hiru adingabe, droneekin eta misilekin Kieven egindako erasoetan
50 pertsona zauritu dira, eta erasoek etxebizitza-eraikinak, merkataritza-gune bat, haurtzaindegi bat, erredakzio bat eta EBk Ukrainan duen ordezkaritzaren eraikina kaltetu dituzte.
Gazako Zerrendako Gobernuak ohartarazi du hegoaldea "gainpopulatuta" dagoela
"Gazako hiria okupatzeak krisi humanitario bat sortzea du helburu, ia 700 eguneko genozidioak iraun duen tragediari gehituta", azpimarratu du Gazako Gobernuak.
Kazetarien protesta Londresen, Israelek Gazan kazetarien aurka egindako erasoak gaitzesteko
Azken orduetan Israelen bonbardaketen ondorioz bost kazetari hil direla salatu dute, eta guztira orain arte 200 baino gehiago hil direla gogorarazi dute. Gainera, gutuna igorri diote Starmer lehen ministroari, kazetarien segurtasuna bermatzeko behar diren neurriak hartzeko eskatuz.
Alemania derrigorrezko soldadutza berreskuratzear da
Alemaniako Gobernuak borondatezko erreklutamendu sistema berria aurkeztu du. Hala ere, ez dute baztertu derrigorrezko soldaduska ezartzea —2011n kendu zuten—, sistema berriaren bidez ez badute soldadu nahikorik lortzen.
Harrika hartu dute Milei Buenos Airesen, hauteskunde-ekitaldi batean
Eraso egin zioten Javier Milei Argentinako presidenteari, hauteskunde karabanan zebilela, Lomas de Zamora herrian; oposizio peronistaren "gotorlekuan", alegia. Manifestariek harriak eta beste objektu batzuk jaurti zizkioten presidenteari.
Global Sumud Flotilla, Palestinaren alde ontziak mundu osoan mugiaraziko dituen ekimena
Ekimenak dozenaka itsasontzi, 44 herrialde eta milaka boluntario biltzen ditu Israelek Gazan egiten ari den blokeoa salatzeko eta "giza eskubideak defendatzen dituzten" portuak aldarrikatzeko.