Sei pertsona hil dira Danimarkako zubi batean jazotako tren istripu batean
Gutxienez sei pertsona hil eta 16 zauritu dira gaur Danimarkan Gran Belt itsasarteko zubian jazotako tren istripu batean, Danimarkako tren konpainiaren arabera. Alfrida denboraleak gogor jo du herrialde eskandinaviarra, eta horrekin lotura izan omen du ezbeharrak.
Lehen datuen arabera, haize bolada gogorrek tren baten merkantziaren zati bat airean eraman dute, eta horietako batzuk trenbidera. Une horretan, bidaiarien tren bat pasatu da kontrako noranzkoan. Trenean 131 bidaiari eta hiru langile zihoazen. Zauritu ez diren pertsonak inguruko kiroldegi batera eraman dituzte, arreta psikologikoa jaso dezaten. Zauritutako 17 lagunak Odenseko Ospitalera eraman dituzte, baina inor ez dago larri.
Danimarkako agintariek zubiko zirkulazio guztia eten dute. Gran Belteko zubiak Selandia —Danimarkako lehen uhartea— eta Fiona —bigarren uhartea— lotzen ditu, eta herrialdeko komunikazio bide nagusietako bat da.
Danimarkako Poliziak goizean eman duen prentsaurrekoan ez du hildako edo zauritutakoen kopururik eman nahi izan. "Oso istripu larria izan da, hainbat pertsona hil dira. Oraingoz, zoritxarrez, ezin dugu datu gehiagorik eman", nabarmendu dute.
Arne Gram Fionako poliziaburuak ez du istripua zerk eragin duen zehaztu nahi izan: "Ikerketak argituko du hori".
Horrela geratu da bidaiaren trena istripuaren ostean. Argazkia: EFE:
Alfrida denboraleak kalte ugari egin ditu Danimarkan, eta alerta dago ezarrita. Haize bolada gogorren ondorioz, zuhaitzak jausi dira errepideetara eta trenbideetara, eta ibaiek gainezka egin dute hainbat lekutan.
Sund itsasarteko zubia ere —Kopenhage Malmoerekin (Suedia) lotzen duena— itxita egon da ordu luzez. Suedian 100.000 herritar geratu dira argindar barik, denboralea dela eta.
Zure interesekoa izan daiteke
Gutxienez 32 hildako eta 700 zauritu Venezuelan izandako 7,2 eta 7,5 graduko bi lurrikaren ondorioz
Venezuelako agintariek larrialdi egoera ezarri dute herrialdearen ipar-mendebaldean izandako bi lurrikara bortitzen ostean. Larrialdi-taldeek lanean jarraitzen dute lek batzuetara heltzea oso zaila izaten ari baita.
Europa itolarrian, beroaren ondorioz
Kontinenteak egunak daramatza ezohiko tenperatura altuak jasaten. Beroari bereziki aurre egiteko egokituta ez dauden herrialdeak dira gehienak eta herritarrak ahal duten moduan ari dira egun hauek igarotzen. Okerrena, gainera, etortzeko dago herrialde horietan.
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.
Trumpen mehatxu berrien ostean, Iranek iragarri du eten egin dituela AEBrekiko negoziazioak, baina Qatarrek dio aurrera jarraitzen dutela
JD Vance AEBko presidenteordea ari da bilera horietan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.