Europar Batasunak baztertu egin du 'brexit'ari buruzko akordioa berriz negoziatzea
Erresuma Batua Europar Batasunetik (EB) irteteko Londresek eta Bruselak lorturiko akordioa berriz negoziatzea baztertu dute Batasuneko agintariek. Aste honetan Londresko Komunen Ganberan egindako saioan, Irlandako mugarako larrialdi planaren ordez (backstop) "akordio alternatiboak" hitzartzea proposatu zion Theresa Mayk EBri.
"Irteerarako akordioa da posible den bakarra eta onena. Europar Batasunak hori esan zuen azaroan, abenduan eta urtarrilean. Komunen Ganberako eztabaidak eta bozketak ez dute hori aldatzen. Erresuma Batuaren irteerari buruzko akordioa ez da berriz negoziatuko", esan zuen atzo Jean-Claude Juncker Europako Batzordeko presidenteak.
Junckerrek Europako Parlamentuan egindako saioan adierazi duenez, ez Londresek ez Bruselak ez dute Irlandaren eta Ipar Irlandaren artean muga fisikorik egoterik nahi. Ildo horretan, Irlandan muga ekiditeko mekanismoa "segurtasun sarea" dela berretsi du.
Junckerren esanetan, aste honetako Komunen Ganberako saioaren ostean jakina da diputatuak gauza askoren kontra daudela (akordiorik gabeko irteera baten edo backstop delakoaren baten kontra), baina Europar Batasunak ez daki oraindik zeren alde dauden.
Horrela, brexit gogorraren aukera gero eta handiagoa dela azpimarratu du. Giro honetan, Europako Batzordeak neurri berriak onartu ditu, aurten Erasmus programari esker Erresuma Batuan dauden ikasleei beka osorik ziurtatzea, tartean.
Bestalde, Michel Barnier EBko brexiterako negoziazioen buruak Theresa May Erresuma Batuko lehen ministroa kritikatu du, berak EBrekin negoziatutako akordioaren kontra egiteagatik eta akordioa berriro negoziatzearen alde agertzeagatik.
Horrez gain, Theresa Mayk Irlandako mugarako aipatu zituen "akordio alternatibo" horiek zer diren argitzeko eskatu dio.
Albiste gehiago mundua
Gutxienez 200 pertsona atxilotu dituzte Londresen, Palestine Action taldearen aldeko manifestazio batean
Palestine Action taldea legez "erakunde terrorista" gisa sailkatuta dago Erresuma Batuan uztailetik, bertako aireko armadaren base militar batean bi hegazkin bandalizatu ondoren.
Nagasakik minutu bateko isilunearekin gogoratu ditu bonba atomikoaren biktimak, 80 urte geroago
Minutu bateko isilunea egin dute Nagasakin, AEBk bonba nuklearra jaurti zuenetik 80 urte bete direla gogora ekartzeko. 74.000 hildako utzi zituen, Hiroshiman 140.000 pertsona hil eta hiru egunera. Agintari nipondarrek eta bizirik atera zirenek izugarrikerietatik ikasteko eta 1945eko abuztuaren 9ko oroitzapen tragikoa gogoan izateko eskatu dute.
Kiev aintzat izan gabe hartutako erabakiak jaiotzerako "hilda" daudela esan du Zelenskik
Trumpek eta Putinek Ukrainako gerraren amaierari buruz hitz egiteko iragarritako goi-bileran egotea eskatu du Zelenskik, baita Europaren parte-hartzea ere.
Trump eta Putin abuztuaren 15ean bilduko dira, Alaskan, Ukrainako gerrari buruz hitz egiteko
Oraindik ez dago argi Volodimir Zelenski Ukrainako presidenteak ordezkaritzarik izango ote duen akordio bat lortzen saiatzeko hitzordu honetan. Datozen orduetan xehetasun gehiago emango dituztela iradoki du AEBko presidenteak.
Mendi bat erditik moztu dute Txinan 600 metroko altueran dagoen autobide bat eraikitzeko
Guizhou probintzian, ingeniariek mendia zatitu dute autobide moderno bat eraikitzeko. Lehergaiak eta zulatzeko teknika aurreratuak erabili dituzte korridore zabal bat sortzeko.
Alemaniak iragarri du Israel helmuga duen arma esportazioen zati bat eten egingo duela "oraingoz"
Aurrekaririk gabeko erabakia da Alemanian. Bestalde, Herbehereetan atzera bota dituzte ontzi militarren piezak Israelera esportatzeko hiru lizentzia, eta Norvegiak esan du Israelgo inbertsioetan egingo dituzten aldaketak iragarriko dituztela datorren astean.
Hamasek Israeli ohartarazi dio erasoaldia hedatzeak bahituak "sakrifikatzea" esan nahi duela
Israelgo kabineteak Gazako Zerrendan bere erasoaldi militarra zabaltzea erabaki ostean iritsi da talde islamistaren komunikatua. Hamasek ohartarazi duenez, "zibilen aurkako krimen basatiagatik duen erantzukizun legala saihesteko ahalegin zakarra da".
Mugarik Gabeko Medikuek eskatu dute Gazako Fundazio Humanitarioaren banaketa-guneak desegiteko: "Tranpa hilgarriak dira"
Mugarik Gabeko Medikuak (MSF) gobernuz kanpoko erakundearen txosten baten arabera, Gazarako Fundazio Humanitario estatubatuarraren elikagaiak banatzeko zentroak "hilketa orkestratuak eta deshumanizazioa" egiteko lekuak dira, eta horiek ixteko deia egin du. Israelek horren esku utzi zuen Gazan laguntza humanitarioa banatzeko ardura, hainbat hilabetez erabat blokeatuta egon ondoren.
Gaza inbaditzeko plana "berehala gelditzeko" eskatu du NBEk
Nazio Batuen Erakundeko Giza Eskubideetarako goi mandatariak salatu duenez, Netanyahuren erabakia Nazioarteko Justizia Gortearen irizpenaren kontrakoa da.
Gutxienez zazpi pertsona atxilotu dituzte Israelen, Gazako inbasioaren aurkako protestetan
Israelgo agintariek gutxienez zazpi pertsona atxilotu dituzte ostegun honetan Gazako Zerrendan inbasio militarraren aurka egindako manifestazioetan, eta zalditeria eta ur-kanoiak erabili dituzte protesta jendetsuak sakabanatzeko. Jerusalemen, bizirik atera direnen eta bahituta daudenen senideak izan dira protestetan, eta akordio bat eskatu dute horiek askatzeko eta Israelek Palestinako enklabearen kontra egindako erasoaldia amaitzeko, besteak beste.