Irango Guardia Iraultzailea talde terrorista izendatu du Trumpek
Irango Guardia Iraultzailea talde terrorista izendatzeko erabakia hartu du gaur Donald Trump AEBko presidenteak. Washingtonek beste herrialde bateko soldaduen aurka neurri zorrotz hau hartzen duen lehen aldia da.
“Aurrekaririk gabeko pausoa da (…) Iran ez da bakarrik terrorismoaren babeslea, Guardia Iraultzaileak terrorismoa tresna gisa finantzatzen eta bultzatzen du”, adierazi du Trumpek agiri batean.
1979an Iraultza Islamikoak garaipena erdietsi ondoren, Guardia Iraultzailea sistema teokratikoa babesteko sortu zuten. Irango erakunde militar boteretsuena da, eta herrialdeko sektore ekonomiko zabalak kontrolatzen ditu.
Azken urteetan, Guardia Iraultzailearekin zerikusia duten dozenaka entitate eta afiliatuei zigorrak ezarri dizkiete Ameriketako Estatu Batuek, baina sekula ez dute erakunde militarra zuzenean zigortu. Bidaietan murrizketak eta erakundeari laguntzen diotenen kontrako kargu kriminalak izango ditu ondorio.
Irango Segurtasun Nazionaleko Kontseilu Gorenak berehala erantzun du. Washingtonek Ekialde Erdikoan eta Asiako mendebaldean dituen tropak talde terrorista izendatu ditu Teheranek.
Mohamad Yavad Zarif Irango Atzerri ministroak proposatuta hartu du erabakia Kontseilu Gorenak.
Bestalde, Trumpek erabakia berak eskatu ondoren hartu duela ziurtatu du Benjamin Netanyahu Israelgo lehen ministroak. Horregatik, eskerrak eman dizkio AEBko presidenteari.
“Gure herrialdeen eta eskualdearen intereserako da”, argudiatu du Israelgo buruzagiak. “Irango erregimenaren aurkako neurriak hartzen jarraituko dugu, Israel, AEB eta munduko bakea mehatxatzen ari delako”, azpimarratu du Netanyahuk.
Zure interesekoa izan daiteke
Trumpek esan du ez duela uste AEBk Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.
Hildakoen kopuruak gora egiten jarraitzen du Gazako Zerrendan, su-etena gorabehera
Israelgo armadaren erasoek bost gazatar hil eta bederatzi zauritu dituzte, ostegunetik. Bien bitartean, Palestinaren gorpuen identifikazioa blokeatzen jarraitzen du Israelek, bake akordioan hitzartutakoan betetzea eragotziz.
Bi pertsona gehiago sartu dituzte behin-behinean kartzelan, Louvreko lapurretarekin lotura dutelakoan
Parisko Fiskaltzak ohar baten bidez adierazi duenez, "ikerketa ez da oraindik amaitu", eta bi atxilotu horiek badaezpadako kartzelaldian daude.