Berriz ere tentsioa Korean
Tentsio giroak gora egin du berriz Estatu Batuen eta Ipar Korearen artean. Ipar korearrek misilekin entseguak egin dituzte ostera ere; Estatu Batuarrek erantzun dute ikatza zeraman merkantzia ontzi ipar korear bat atzemanez.
Ipar Korea Nazio Batuen segurtasun kontseiluak ezarritako zigor ekonomikopean dago, eta zigor horien artean ikatza salerosteko debekua du. Trump eta Kim-ek bi goi bilera egin dituzte, bat Singapurren eta bestea Hanoin.
Badirudi ez direla bereziki gaizki moldatzen, eta Trumpek tweet-ak idatzi izan ditu Kim-i buruz ondo hitz eginez. Baina ez dute bake akordiorik sinatzen oinarrizko gauzetan ezadostasunak dituztelako. Kim-ek dio prest dagoela arma atomikoak egiteari uzteko aurrez Estatu Batuek isunak kentzen badituzte.
Trump-ek aldiz dio lehenengo Ipar Koreak arma nuklearrak deuseztu behar dituela, eta orduan kenduko dituela isunak. Kim-ek hori errendizioa litzatekeela uste du eta misilekin frogak eginez ostera bere indarra erakutsi nahi du.
Bereziki Japonia eta Hego Korearentzat mehatxu diren frogak dira. Hego Korearren ametsa da euren anaia Ipar Korearrekin bake ituna sinatzea, baina ez da posible izango Estatu Batuek eta Ipar koreak tentsio gorakada honekin jarraitzen duten bitartean.
Zure interesekoa izan daiteke
Seguro sozialistak irabazi du Portugalen, hauteskunde presidentzialen bigarren itzulian, botoen % 65,77 lortuta
Ventura ultraeskuindarrak, berriz, botoen % 34,13 lortuko lituzke, botoen % 98 zenbatuta. Herri batzuek hauteskundeak astebete atzeratzea erabaki dute, otsailaren 15era arte, herrialdeak azken bi asteetan jasan dituen denboraleen ondorioz.
Irango auzitegi batek zazpi urte eta erdiko kartzela-zigorra ezarri dio Mohammadi Bakearen Nobel saridunari
Starmerren aholkulari nagusiak dimisioa eman du Epsteinen artxiboen eskandaluagatik
Kabineteko buruak bere gain hartu du Mandelson enbaxadore kargurako izendatu izanaren errua. "Akats bat izan zen. Gure alderdiari, gure herrialdeari eta politikarekiko konfiantzari kalte egin die Mandelsonek", gaineratu du.
Takaichik irabazi ditu hauteskundeak Japonian, eta gehiengoa handitu du
Hauteslekuak itxi osteko lehen kalkuluek 274 eta 328 eserleku artean eman dizkiote lehen ministroaren Alderdi Liberal Demokratikoari, gehiengo absolutua aise gaindituta.
Hauteskunde aurreratuak Japonian, azken urteetako elurte handienaren erdian
Sanae Takaichi lehen ministroak bozak aurreratzea erabaki zuen, Parlamentuan dituen babesak handitzeko asmoz. Inkesten arabera, helburua lortuko du, baina ez dira ohiko hauteskundeak izango, elurraren eraginez ordutegia aldatu behar izan baitute hautesleku batzuetan.
Istiluak izan dira polizien eta manifestarien artean Milanen, Olinpiar Jokoen aurkako protesta jendetsu batean
Poliziak ur-kanoiak eta negar-gasa erabili ditu manifestarien aurka, protestari batzuek agenteei suziriak, bengalak eta bestelako objektuak jaurti ostean. Milaka lagun bildu dira protestetan, Neguko Olinpiar Jokoak hasi eta biharamunean.
Hautagai sozialista faborito dela egingo dute hauteskundeen bigarren itzulia Portugalen igande honetan
Inkesten arabera, Antonio Jose Seguro sozialistak botoen % 67 jasoko ditu, eta Andre Ventura ultraeskuindarrak, berriz, % 32. Ekaitzak Portugalen eragindako hondamendi betean egingo dute hauteskundeen bigarren itzulia.
Trumpek % 25eko muga-zerga ezarri die Irango ondasunak erosten dituzten herrialdeei
Programa nuklearraren inguruan AEB eta Iran zeharka egiten ari diren negoziazioen ostean etorri da erabakia. Asiako herrialdeak adierazi du "hasiera ona" izan direla elkarrizketak.
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.