Imamogluk bigarrenez irabazi ditu Istanbulgo hauteskundeak
Ekrem Imamoglu CHP alderdiko hautagaiak bigarrenez irabazi ditu Istanbulgo udal hauteskundeak. Igande honetan bozak errepikatu dituzte, martxoaren 31ko bozketa baliogabe utzi ondoren. Orduan ere Imamogluk lortu zuen garaipena, baina alde txikiagoarekin. Imamogluren garaipena Recep Tayyip Erdogan Turkiako presidentearentzat porrot politiko garrantzitsua da.
Daily Sabah egunkariak bere webgunean jakitera eman duenez, Imamogluk garaipena lortu du, botoen % 54,03 eskuratuta. Binali Yildirim lehen ministro ohiak (Erdoganen AKP alderdiaren alkategaia) bozen % 45,09 erdietsi ditu.
"Gure tradizio demokratikoa babestu duzue. Herritarrak, eskerrik asko", adierazi du Imamogluk prentsaurrekoan, hauteskundeetako emaitzen berri izan ondoren.
Kanpainaren eta kontu-hartzaileen lana azpimarratu du oposizioko alkategaiak: "Demokraziaren heroiak". Emaitza ofizialak iragarri arte hautestontziak zaintzeari ez uzteko eskatu die Imamogluk, edozein irregulartasun saihesteko.
Erdogan presidentearekin lehenbailehen biltzeko asmoa agertu du Imamogluk. "Erdogan presidentea, estatuburua, hirekin harmonian lan egiteko prest nago, Istanbulek premiaz behar dituen gaietan, hala nola, lurrikarak, metroaren eraikuntza, errefuxiatuak eta gainerakoetan", zerrendatu du.
Bestalde, Yildirimek Imamoglu zoriontzeko agerraldia egin du: "Zorionak, arrakasta opa dizut. Istanbulgo jendearentzako lanean nire laguntza izango duzu", adierazi du.
Imamogluren garaipena ezusteko politikoa da, AKPren udal gobernu etengabeei amaiera emango dielako, 25 urte boterean eman ondoren. Imamoglu oposizioaren eta Turkiako sektore politiko laikoaren ahots nagusia bihurtu da.
Zure interesekoa izan daiteke
Landetako azken sutea kontrolatzea lortu dute, eta ebakuatuetako batzuk etxera itzuli ahal izango dute
Landetako prefekturako idazkari nagusiak ohartarazi duenez, baina, "sua kontrolatua egoteak ez du esan nahi itzalita dagoenik; beraz, oso erne egon behar dugu".
Bere jarrera "defentsiboa" "erasokorra" izango dela esan du Iranek eta "ezustekoak" iragarri ditu
"AEBetako indar erasotzaileetako kide bat harrapatzen edo hiltzen duen edonork 30.000 dolar (21.500 euro inguru) edo 5.000 milioi rial irandar jasoko ditu", iragarri du Hatami generalak IRNA albiste agentziak jasotako adierazpenetan.
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".
Frantziako Konstituzionalak baliogabetu egin du 15 urtez azpikoei sare sozialak erabiltzeko debekua
Epai horren harira, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "testu juridikoki sendoa" presta dezala, epaia bera eta Europako araudia aintzat hartuta, eta erreforma "2027ko udaberria baino lehen" indarrean sartzeko asmoari eusten diola gaineratu du.