Grezia: Aldaketa ala iraganera itzulera?

Greziako hauteskundeen emaitzarekin amaitzen da Europar Batasunean ezkerra eta ezkerraren arteko gobernu baten lehen saiakera. Zaila da Syriza eta Alexis Tsiprasen gobernuaren balantze bat egitea. Beraien asmoak onak ziren eta baita indarrean jarritako neurri batzuk ere. Tsiprasen akatsa izan da greziarrei sinistaraztea lortu zezaketela ezinezkoa zena: dohainik jasotzea Europar Batasunaren finantza-laguntza eta aldi berean finantza-laguntza horren baldintzak ez betetzea. Erreferendum batera deitu zituen greziarrak Bruselari desafioa babesteko, eta greziarrek baietz esan zioten, aurrera egiteko, borrokatzeko. Baina hurrengo egunean Tsiprasek amore eman zuen eta hirugarren erreskatea eskatu.

Azken emaitza ikusita, argi dagoena da Tsipras ez zela erratu: Grezia gaur egun putzutik ateratzen ari da, zailtasun handiekin, baina ari da ateratzen. Baina greziarren zati batek ez dio barkatu eta erabaki dute betikoei, hau da, Demokrazia Berria eskuineko alderdiari, aukera bat ematea. Kyriakos Mitsotakisek, hauteskundeetako garaileak, zergak jaitsiko dituela agindu du, zorra murriztu, Bruselarekin birnegoziatu eta soldatetan eta pentsioetan ez duela murrizketa gehiagorik egingo esan die. Hori Tsiprasek agindu izan balu, populista izatea egotziko zioten.