Akordiorik gabeko 'brexit' baten kontrakoak Parlamentuan gelditzen saiatuko dira
Akordiorik gabeko brexit baten kontra dauden diputatuek lege proposamena aurkeztu dute aste honetan egoera hori eragozteko, Keir Starmer Alderdi Laboristaren brexit-erako bozeramaileak iragarri duenez.
Helburua Johnsonek "EBtik akordiorik gabe ateratzea" eragoztea da, Starmerrek azaldu duenez. Ez ditu proposamenari buruzko xehetasun gehiago eman. "Proposamen honek bermatu nahi du akordiorik gabe joango ez garela, eta horrek luzapen bat beharko du. Luzapen horren luzaera bigarren mailakoa da, egia esateko. Sinpleki, akordiorik gabe joatea eragotzi behar dugu", esan du.
Starmerrek iragarritako proposamenak ez du ziurtatuta Parlamentuan onartuko denik, alderdi guztietan aldeko zein kontrako jarrerak daudelako.
Michael Gove ministroak erantzun dio ezin dutela lege berria beteko dutenik hitzeman, edukia ezagutzeko itxarotea eskatu duen arren. "Ikusiko dugu zer motatako legea den", esan du, eta azpimarratu du Gobernua ez dela "akordiorik egon ez dadin errazteko ezer egiten ari".
Starmerrek Goveren "lotsagabekeria" kritikatu du. "Ministro batek Gobernuak legea beteko duenik ez baieztatzea lotsagabekeria da. Lehen ministroak zerbait esan behar du berehala. Inongo gobernurik ez dago legearen gainean", azpimarratu du Twitterren.
EBtik akordiorik gabe irteteari dagokionez, Govek onartu du "zenbait" jakiren "prezioek gora egin" lezaketela, baina beste produktuenek "behera egingo dute", eta azpimarratu du urriaren 31an Erresuma Batuaren eta Europar Batasunaren arteko pertsonen zirkulazio askea "orain ezagutzen dugun bezala" bukatuko dela.
Boris Johnsonen Gobernuak EB urriaren 31n uztearen konpromisoa hartu du, akordioarekin ala gabe. Horrela Bruselari presioa sartu nahi dio. Momentuz, EBk ez du berriz akordioa negoziatu nahi, eta Theresa Mayren Gobernuak onartutakoa defendatzen du.
Mayk ez zuen lortu Parlamentuak akordioaren alde egitea, Ipar Irlanda eta Irlandako Errepublikaren arteko muga irekita dagoen bitartean Erresuma Batuak EBren araudia betetzen jarraituko duela bermatzen duen backstop edo larrialdi planaren inguruko desadostasunengatik.
Albiste gehiago mundua
Corbieres mendiguneko sute handia egonkortzea lortu dute, Frantziako hegoaldean
Asteartean piztu zen, eta pertsona bat hil du, sugarrek setiatuta bere etxea uzteari uko egin zion emakume bat. Sutea 1949. urtetik Frantziak jasan duen larriena da.
Hamas: "Netanyahu gerra kriminalak nahi duena genozidio estrategiarekin aurrera jarraitzea da"
"Netanyahuk erasoa zabaltzeko dituen asmoek, zalantzarik gabe, gatibuak gainetik kendu eta sakrifikatu nahi dituela berresten dute, bere interes pertsonalak eta muturreko agenda ideologikoa asetzeko", ohartarazi du erakunde palestinarrak.
Netanyahuk esan du ez dutela Gaza anexionatuko, baina lurralde palestinarraren erabateko kontrola bereganatuko dutela
Israelgo lehen ministroaren esanetan, "segurtasunagatik" egiten dute, eta "geroago" gobernua "indar arabiarren" esku utziko luketela.
Frantziako hegoaldean piztutako suteak jadanik "ez du aurrera egiten", baina oraindik ez dago kontrolpean
Corbieres mendigunean asteartean piztutako sutea 1949. urtetik Frantziako Estatuan izan den handiena da, 16.000 hektarea baino gehiago kiskali baititu. Christian Pouget Aude departamenduko prefetak ohartarazi du oraindik ikusteke dagoela hektarea horietatik zenbat diren nekazal lursailak. "Uste dugu 900 hektarea inguru direla", esan du, lehen estimazio batean.
Arabiar Emirerri Batuek bi buruzagien arteko bilera hartzea proposatu dio Putinek Trumpi
Bestalde, Errusiako presidentea prest agertu da Zelenskirekin batzartzeko. "Askotan esan dut ez dudala ezer kontra", adierazi du Putinek, baina gaineratu du "baldintza batzuk" sortu behar direla bilera hori egiteko, eta, bere ustez, hori betetzetik "urrun" daude.
Netanyahuk Gaza osorik bereganatu eta milioi bat palestinar inguru lekualdatu nahi ditu bost hilabetean
Israelgo lehen ministroak Segurtasun kabinetea bilduko du gaur arratsaldean, Gaza erabat okupatzeko duen asmoaz jarduteko, eta Jerusalem egunkariak dagoeneko xehetu du bileran aztertuko duten proposamenetako bat.
Trumpen muga-zerga berriak indarrean sartuta, hauspotu egin da gerra komertziala
Gaurtik, oro har, % 15eko muga-zergak ezarriko dira Estatu Batuen merkataritza-bazkide gehienen produktuen gainean, tartean, Europar Batasunekoen gainean.
Putin eta Trump datozen egunetan bilduko dira, Kremlinen arabera
AEBko presidenteak, bestalde, esan du azken bileran ez zela "aurrerapauso erabakigarririk" eman, eta adierazi du Errusiak ez duela amore eman.
Albiste izango dira: Trumpen muga-zergak, alertak beroagatik eta Edurne eta Zeledon Txikiren jaitsiera
Gaurkoan albiste izango direnen laburpena, bi hitzetan.
Washingtonek Mosku zigortzeko asmoa du, Putinen eta Witkoffen arteko bilera "emankorra" izan dela onartu arren
Zigorra ostiralean bertan ezartzekotan dago Trump. Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko inoren asmoa kentzeko. Ildo horretan, Trumpek agindu bat sinatu du Indiako produktuen gainean % 25eko muga-zergak ezartzeko, Errusiako petrolioa erosten du eta. AEBko agintariak Putinekin datorren astean biltzeko asmoa du.