Pelosik iragarri du kargutik kentzeko prozesua abiatuko dutela Trumpen aurka
Nancy Pelosi AEBko Behe Ganberako presidenteak iragarri du Kongresuak epaiketa politikoa, impeachment bat (kargutik kentzeko prozesua), abiatuko duela Donald Trump presidentearen aurka, Ukrainari laguntzeko funtsak blokeatu zituela eta Kievi Joe Biden presidenteorde ohia eta bere familia iker zezan presioa egin ziola argitara atera ostean.
"Gaur iragartzen dut Ordezkarien Ganberak ofizialki hasi duela epaiketa politikoaren prozesua", adierazi du Pelosik prentsaurreko batean, Ordezkarien Ganberako kide demokratekin bildu ostean.
"Presidenteari kontuak eskatu behar zaizkio; inor ez dago legearen gainetik", gaineratu du.
Pelosik azpimarratu du Trumpek "traizioa" egin diola "karguaren zinari, segurtasun nazionalari eta hauteskundeei".
Bertako hainbat hedabidek zabaldutako informazioaren arabera, Behe Ganberako 235 legegile demokratetatik 163k dagoeneko publikoki agertu diote atxikimendua epaiketa politikoari, AEBn impeachment deitzen zaion prozesuari.
Ordezkarien Ganberako gehiengo sinplea, 218 boto, beharko litzateke prozedura abian jartzeko, eta aurrerakoiek gehiengoa dute. Hala ere, Senatuaren oniritzia ere behar dute, eta hor errepublikanoek dute gehiengoa, eta gelditu egin dezakete prozedura.
"Sorgin ehiza"
Nazio Batuen Erakundearen egoitzatik egindako adierazpenetan, Trumpek esan du epaiketa politikoa egitea "sorgin ehiza" izango litzatekeela.
"JAZARPENA PRESIDENTEARI!", oihukatu du Trumpek beste txio batean, garai batean, 2016ko hauteskundeetan ustez Errusiak izandako eskuhartzearen harira, hainbatetan erabili zuen esaldia errepikatzen.
"Sinets dezakezue?" galdetu die Trumpek jarraitzaileei, epaiketa politikoaren ardura gehien kritikatzen dituen kongresista demokratei leporatu ondoren: "Pelosi, Nadler, Schiff, eta noski, Maxine Waters!".
Trumpek, NBEren Asanblada Orokorrean, eman zuen lehenengo bertsioa aldatu du, eta baieztatu egin du Ukrainari laguntzeko funtsak blokeatu zituela, baina argudiatu du Frantziari eta Alemaniari presioa egiteko egin zuela, diru gehiago jar zezaten.
Geroago, agintariak iragarri du asteazken honetan bertan zabalduko duela Vladimir Zelenski Ukrainako presidentearekin izan zuen elkarrizketaren "transkripzio osoa" eta "desklasifikatua".
Impeachment
Presidentearen aurkako akusazioetan oinarritutako kargugabetze prozesua da impeachmenta. Britainia Handian bezalaxe, Kongresua da prozesua abian jartzen duena, eta Senatua epaiketa politikoaz arduratzen dena. Presidentea kargutik kentzeko, beharrezkoa da senatarien bi herenak babestea. AEBn 14 epaiketa politiko egin dituzte guztira, baina lau bakarrik amaitu ziren zigorrarekin. Gainera, bi presidente bakarrik (Bill Clinton izan zen bat) epaitu dituzte prozedura horren bitartez, eta biak absolbitu zituzten.
Albiste gehiago mundua
Washingtonek Mosku ostiralean zigortzeko asmoa du, Putinen eta Witkoffen arteko bilera "emankorra" izan dela onartu arren
Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko asmoa kentzeko. Ildo horretan, Trumpek agindu bat sinatu du Indiari % 25eko muga-zergak ezartzeko, Errusiako petrolioa erosteagatik. AEBko agintariak Putinekin bildu nahi du datorren astean.
Sute "ikaragarri" batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.