Johnson: 'Azkenean, iritsi da brexit-a babesteko unea'
Europar Batasunak eta Erresuma Batuak asteon adostutako akordioa bozkatuko du gaur arratsaldean Komunen Ganberak, ezohiko bilkuran. Goizean hasi da saioa, Boris Johnson lehen ministroaren hitzaldiarekin. Itxaropentsu agertu da buruzagi kontserbadorea, "azkenean, brexita" aurrera aterako delakoan. "Iritsi da momentua. Azkenean, brexita babestuko du Komunen Ganbera honek", esan du.
Haustura adostua gauzatzeko akordioa iragarri zuten Jean-Claude Juncker Europar Batzordeko presidenteak eta Johnsonen Gobernuak joan den ostegunean, eta gaur Parlamentuaren babesa behar du Johnsonek, akordio hori aurrera atera ahal izateko. Herrialdea "batzeko" eta Europarekin "harreman berriak ezartzeko" ordua dela nabarmendu du bere hitzaldian.
Herritarrak "nekatuta" daudela uste du lehen ministroak, eta prozesua luzatzeak ez diola inori onik egingo gaineratu du. "Brexita gehiago luzatzeak kostu handia izango luke, eta herritarren konfiantza galduko genuke denok", adierazi du.
2016an erreferenduma egin zenetik, "familiak banatu eta harremanak gaiztotu" egin direla esan du Johnsonek.
Theresa May Erresuma Batuko lehen ministro ohiak adostu zuen akordioarekin alderatuta, Ipar Irlandako mugari buruzko atala da aldaketa ia bakarra. Gainerakoan, bi akordioen testuak oso antzekoak dira.
Corbyn, kritiko
Jeremy Corbyn buruzagi laboristak, bestalde, gogor kritikatu du Johnsonek eta Junckerrek asteon adostutakoan, eta diputatu britainarrak "ez engainatzeko" eskatu du.
"Gobernu kontserbadore hau ez da fidatzekoa, ez gaitzatela engainatu akordio honekin", esan du Corbynek.
Johnsonek adostutako testua aurrekoa baino "okerragoa" dela ziurtatu du, eta, besteak beste, "milaka britainiarren lanpostuak kolokan" daudela azpimarratu du.
Zure interesekoa izan daiteke
Fung-wong supertifoiak bi hildako utzi ditu Filipinetan eta Taiwanera bidean da
Gutxienez bi pertsona hil dira eta milioi bat baino gehiago ebakuatu dituzte Filipinetan, 'Fung-wong' supertifoiaren ondorioz. Azken orduetan indarra galdu du eta Hegoaldeko Txinako itsasoan sartu da. Hala ere, adituen ustez, berriro indartu egin daiteke Taiwanera iritsi baino aurretik.
Nicolas Sarkozy aske dago, baldintzapeko neurriekin
Frantziako presidente ohia kartzelatik irtengo da, 20 eguneko espetxealdiaren ostean. Auzitegiak hainbat neurri ezarri dizkio, eta, besteak beste, ezin izango du Frantziatik irten.
Zergatik da garrantzitsua COP30 klima-aldaketari buzurko goi-bilera?
Munduko tenperaturak 1,5 graduko igoeraren langa gainditu zuen 2024an, lehen aldiz, eta geroztik egingo den klimaren inguruko aurreneko goi-bilera da aurtengoa. Azaroaren 10etik 21era egingo da COP30 goi-bilera, Brasilgo Amazonian.
Gobernu federala berriz irekitzeko akordioa lortu dute AEBko Senatuan, bost astez itxita egon ostean
Zortzi senatari demokratak errepublikanoekin bat egin dute neurria desblokeatzeko. Horri esker, 4.000 langile federal baino gehiago itzuliko dira lanera, eta Administrazioa finantzatuko dute 2026ko urtarrilera arte.
Estatu Batuek eta Errusiak gerra hotz nuklearra berpiztu dute: proba nuklearren helburuak eta arma nuklearrak dituzten herrialdeak
Trumpek bezala Putinek ere mehatxu nuklearra hauspotu dute, hiru hamarkada baino gehiagoko barealdiaren ondoren. Errusiak 1990. urtean egin zituen, azkenekoz, proba nuklearrak, eta Ameriketako Estatu Batuek, 1992an.
Zergatik daramatza itxita Estatu Batuetako Gobernuak 40 egun? Itxiera historikoaren gakoak
Estatu Batuetako Gobernu federalaren itxierak 40 eguneko marka historikoa egin du. Ehunka mila langile publiko soldatarik gabe eta oinarrizko zerbitzuak bertan behera utzi ditu, laguntza sozialak ordaindu gabe laga ditu eta aire-trafikoa kolapsatzea eragin du.
BBCko zuzendari nagusiak dimisioa eman du Trumpi buruzko dokumental baten inguruko polemikaren harira
'The Daily Telegraph' egunkariak asteartean argitaratu zituen barne dokumentu batzuen arabera, 'Panorama' izeneko dokumentalak ikusentzuleak engainatu ahal izan zituen Trumpen hitzaldi bat manipulatuz. Aurrez, Gazako genozidioaren inguruko trataeragatik ere jomugan zuen BBCko zuzendaritza Britainia Handiko eskuinak.
Astelehenean ekingo diote COP30ari Brasilen, negazionismoaren olatua geldiarazteko helburuarekin
NBEaren goi bileraren helburu nagusia 10 urte bete berri dituen Parisko Akordioa berrestea izango da; alegia, industria aurreko mailarekin alderatuta, planetaren berotzea 1,5 gradura mugatzea.
Hasi da CELAC-UE goi-bilera
Bederatzi estatuburu eta gobernuburu bildu dira igande honetan Latinoamerikako eta Karibeko Estatuen Erkidegoaren eta Europar Batasunaren arteko IV. goi-bileran.
'Fung-wong' supertifoiak lurra jo du Luzon uhartean, Filipinetako iparraldean
Tifoi handi horrek orduko 185 kilometroko haize-boladak eragin ditu, eta toki batzuetan orduko 230 kilometroko haize-boladak utzi ditu. Ia milioi bat pertsona ebakuatu dituzte, eta uholde handiak eragin ditu.