Alderdi Laboristak Erresuma Batuko hauteskundeak aurreratzea babestuko du
Alderdi Laboristako lider Jeremy Corbynek Erresuma Batuko hauteskunde orokorrak aurreratzea babestuko du; izan ere, astearte honetan bere alderdiko kide batzuei esan dienez, akordiorik gabeko balizko brexita baztertuta geratu da, eta horixe eskatzen zuen Corbynek hauteskunde-deialdi horri baiezkoa emateko.
Gaur, asteartea, Komunen Ganberan, Boris Johnson lehen ministroak hauteskundeak abenduaren 12rako deitzea baimenduko liokeen lege-proiektua aurkeztuko du; aurkezpen hori entzun aurretik batu da Corbyn hainbat diputatu laboristari.
Astelehen gauean, Johnsonek ez zuen lortu hauteskundeak aurreratzea, ez baitzuen erdietsi Ganberaren bi herenen babesa, legeak eskatzen duen moduan. Hortaz, gaur, "lege labur bat" babestuko du, eta horrek gehiengo sinplearen babesa behar du, ez besterik.
"Behin eta berriz esan izan dut hauteskundeetarako prest gaudela, eta gure babesak baldintza hori behar zuela, alegia, akordiorik gabeko brexita baztertzea", esan du Corbynek astearte honetako bileran sartu aurretik, haren bulegoak ohar batean adierazi duenez.
"Orain, Europar Batasunaren aldetik, entzun dugu urtarrilaren 31ra arte baieztatuta dagoela 50. Artikuluaren luzapena; beraz, ondorengo hiru hilabeteotan, gure baldintza, hau da, akordiorik eza eztabaidatik ateratzea, bete egin da", esan du oposizioaren liderrak.
"Hemendik aurrera, gure herrialdeak inoiz ikusi duen anbizio handiko kanpainarik erradikalena abiatuko dugu", iragarri du, Johnsonek nahi duen aurrerapenari oniritzia emanda.
Luzapena, urtarrilaren 31ra arte
Europar Batasunak astelehenean baieztatu duenez, luzapena eman dio Erresuma Batuari, 2020ko urtarrilaren 31ra arte. Lehen ministroak gutun bidez egindako eskaria aztertuta adostu zuen erabakia. Johnsonek, baina, ez zuen sinatu gutuna.
Alderdi Laboristaren oinarriak biltzen dituen "Momentum" taldeak, bere aldetik, Twitterren zehaztu du alderdiak "ofizialki" babestuko dituela hauteskundeak: "Hau da bizitza osoko aukera, Alderdi Kontserbadoreak sortutako nahaspilari amaiera emateko, eta milioika laguni itxaropena berriro emateko. Egin dezagun".
Aurreikuspena da Johnsonen lege-proiektua eguerditik aurrera eztabaidatzea diputatuek; gero, bozketa egingo dute. Gobernuak espero du legeak aste honetan gainditzea beharrezko tramite guztiak.
Johnsonen asmoa zen Erresuma Batua urriaren 31n ateratzea Europar Batasunetik, eta esana zuen nahiago zuela "zanga batean hilda egon" Europar Batasunari brexita atzeratzeko eskatu baino.
Albiste gehiago mundua
Txinan gero eta komunitate gehiago daude emakumeentzat bakarrik
Txinan goraldian daude elkarrekin bizitzea erabakitzen duten emakumeen komunitateak, familia tradizional bat eraiki beharrean. Beren burua zaintzeko libre bizitzea aldarrikatzen dute emakume horiek.
Kanadak AEBren aurka errepresalia gisa ezarritako muga-zergen zati bat kenduko du, Trumpekin akordioa errazteko
Gaia gertutik jarraitzen duten iturrien arabera, Carneyk % 25eko zergak kenduko ditu AEBk, Mexikok eta Kanadak sinatutako USMCA merkataritza libreko hiruko akordioaren estandarrak betetzen dituzten Estatu Batuetako merkantzientzat. Hala ere, Ottawak % 25eko muga-zergak mantenduko ditu altzairu eta aluminioarentzat, baita autoentzat ere.
Nord Stream gasbidearen sabotajeagatik Italian atxilotutako ukrainarrak Alemaniara estraditatzea errefusatu du
Gainera, akusatuak ukatu egin ditu Alemaniako justiziak egozten dizkion delituak.
NBEk Gazako gosetea izendatu izanaren gakoak
Azken asteetan, goseak eragindako berrehun heriotza baino gehiago erregistratu dira, martxoaren hasieratik Israelgo Gobernuak elikadura-laguntza eta oinarrizko beste hornidura batzuk blokeatu izanaren ondorioz. Hala ere, NBEk gosete egoera bat ofizialki deklaratu ahal izateko, zenbait baldintza bete behar dira.
NBEk ofizialki gosete egoera deklaratu du Gazan
Ehunka mila pertsona gose larrian daude eta krisia datozen asteetan areagotu egingo omen da.
Epaile batek debekatu egin du Alligator Alcatraz atxiloketa-zentroan migratzaile gehiago sartzea
Floridako Gobernuak Kathleen Williams magistratuaren epaia apelatuko duela iragarri du, deportazioak egiten jarraituko dutela ohartarazteaz gain.
Trumpek 450 bat milioi dolarreko isuna saihestu du apelazioan, iruzur egitea leporatuta zigortu ostean
Alabaina, Trump Erakundearen "enpresa-kultura mugatzeko" ezarritako kautelazko neurriak mantendu dituzte magistratuek. Ondarea puzteaz akusatuta dago, mailegu mesedegarriak eta bestelako finantza-onura batzuk lortzeko helburuarekin.
Gutxienez 18 hildako eta dozenaka zauritu Kolonbian izandako bi atentatutan
Gustavo Petro Kolonbiako presidenteak FARCeko talde disidenteetako bati —Erdialdeko Estatu Nagusia (EMC)— leporatu dio atentatuen erantzukizuna. Halaber, iragarri du talde hori talde terroristen zerrendan sartuko duela.
Netanyahuk "berehalako" negoziazioak agindu ditu bahituak askatzeko, asmo militarrei uko egin gabe
Negoziazioak agindu dituen egun berean berretsi du Israelgo Armadak "Gazako hiria hartu eta Hamas garaitzeko" aurkeztu dion plana.
Ehunka palestinarrek desplazamenduaren aurkako manifestazioa egin dute Gaza hirian: "Gaza gurea da"
Bart gauean, Benjamin Netanyahu Israelgo lehen ministroak Gaza hiria hartzeko epeak laburtzeko agindu zion Armadari, inbasioaren hasiera aurreratuz. Kalkuluen arabera, milioi bat pertsona inguru bizi dira Gaza hirian, eta gainerako herritarren zati handi bat (2,1 milioi pertsona guztira) Gazako Zerrendaren hegoaldean.