EBk gogor erantzungo die AEBko muga-zergei, Frantziaren arabera
Bruno Le Maire Frantziako Ekonomia eta Finantza ministroak astearte honetan esan duenez, Europar Batasuna (EB) gogor erantzuteko prest dago, baldin eta Ameriketako Estatu Batuek % 100eko muga-zergak ezartzen badizkiete Frantziako zenbait produkturi, Frantziak onartutako teknologia-tasari erantzunez.
Ekonomiako arduradunaren arabera, Europako Batzordearekin harremanetan jarri zen atzo (astelehena), zigor berrien aurrean erantzun "irmoa" emango dutela bermatzeko.
Le Mairek onartezintzat jo du Washingtonen iragarpena: 2.400 milioi dolarreko zergak jarriko dizkie Frantziako zenbait produkturi, Frantziako Gobernuak teknologia enpresa handiei (Google eta Facebook, besteak beste) zerbitzu digitalen gaineko tasa bat jartzeko erabakiari erantzunez.
"Onartezina da, ez dago aliatu baten mailan, eta ez da Estatu Batuek izan beharko lukeen jokabidea bere aliatu nagusietako batekin, Frantziarekin, eta, modu orokorragoan, Europarekin", kritikatu du.
Le Maireren ustez, mundu digitalaren erraldoiak zigortu nahi duen proiektua ez da diskriminatzailea, beste herrialde batzuetako enpresei ere zuzentzen zaielako, Txinari kasu, eta "justizia fiskala berrezartzea" duelako xede.
"Ekonomia Lankidetza eta Garapenerako Antolakundearen mahai gainean dagoen nazioarteko zerga-ezarpeneko proiektu bat dago, Frantziak baiezkoa eman diona, eta Estatu Batuetako aldarrikapen eta itxaropen guztiak kontuan hartu dituena", esan du.
Horren iritziz, AEBko Gobernuak nazioarteko plan hori onartzen ez badu, abuztuaren amaieran Biarritzen G7aren goi-bileran hartutako konpromisoari muzin egingo lioke, gai digitalari nazioarteko irtenbiderik aurkitu nahi ez diolako.
Trumpek zigorrekin erantzun dio Frantziari
AEBko Gobernuak atzo iragarri zuenez, Frantziako 63 produktu-kategoriari zergak ezarriko dizkie, Emmanuel Macronen Exekutiboak AEBko teknologia enpresa handien (Google eta Facebook, esaterako) zerbitzu digitalen diru-sarreren gaineko tasa bat ezarri ostean.
Zerrenda horretan, hainbat gazta mota, poltsak, ardo aparduna eta makillajeko hainbat produktu daude.
Uztailean Frantziak GAFA tasa (Google, Apple, Facebook eta Amazon konpainiei eragiten die) ofizialki aldarrikatu eta hilabete batzuetara iritsi da Donald Trumpen Gobernuaren neurria. Tasa horren arabera, negozio digitalaren fakturazioaren % 3ko zerga ezarri behar zaie Frantzian enpresa horiei, internauta frantziarrei esker lortzen dituzten irabaziengatik zergak ordaintzera behartzeko.
Urtean mundu mailan 750 milioi eurotik gorako diru-sarrerak dituzten konpainiei eragiten die Frantziako zergak, eta 30 bat enpresa izan litezke kaltetuak, gehienak estatubatuarrak, nahiz eta zerrendan txinatarrak, britainiarrak eta alemaniarrak ere sartzen diren.
Aurreikuspenen arabera, Trump eta Macron aste honetan bilduko dira Londresen, NATOren goi-bileraren baitan, eta, besteak beste, Washingtonek teknologien tasari emandako erantzuna aztertuko dute.
Albiste gehiago mundua
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.
Gizon bat espetxeratu dute Frantzian, emaztea mozkortzea egotzita, beste gizon batzuekin sexu-harremanak izatera behartzeko
62 urteko gizonezkoari emaztearen baimenik gabe topaketak antolatzea leporatzen diote, Gisele Pelicoten kasuaren eskandalua gogorarazten duen kasu batean.
60.000 pertsona inguru manifestatu dira Tel Aviven, Gazan bahituen bideoak zabaldu ostean
Gazako gatibuak Israelera bueltan eramango dituen su-eten akordio bat eskatu dute, ohi baino jende gehiagorekin egindako protesta jendetsuan, horien bideo batzuk zabaldu ostean. Bideo horietan, bahituek muturreko argaltasuna erakusten dute eta akordio bat eskatzen diete agintariei. Israelek 104 pertsona hil ditu azken orduotan Gazako Zerrendan.
Hamasek dio ez dela desarmatuko Estatu palestinar bat ezarri arte
Horrela erantzuten dio Steve Witkoff AEBk Ekialde Hurbilean duen mandatariari, talde islamista armak uzteko prest zegoela esan ondoren.