Boris Johnsonek 'brexit'a gauzatzeko gehiengo osoa lortu du Erresuma Batuan
Boris Johnson lehen ministro britainiarraren Alderdi Kontserbadoreak brexita gauzatu ahal izateko nahi zuen gehiengo osoa bereganatu du, Erresuma Batuan ostegunean egindako hauteskunde orokorren zenbaketa ofizialaren arabera. Jeremy Corbynen Alderdi Laboristak, aldiz, aurkako emaitza izan du, eta Eskozian Eskoziako Alderdi Nazionalistak gehiengo zabala jaso du. Hala, Europar Batasunak brexitaren gaineko bozketa "ahalik eta lasterren" egitea eskatu dio Parlamentu britainiarrari.
Westminsterreko Parlamentuaren Komunen Ganberako 650 aulkietatik bat bakarrik zenbatu gabe egonik, Alderdi Kontserbadoreak 365 aulki lortu ditu, hau da, 2017ko hauteskundeetan baino 48 gehiago. Alderdi Laboristak 203 ditu (59 galduta), eta Eskoziako Alderdi Nazionalistak (SNP) 48. Alderdi Liberal Demokratak 11 bereganatu ditu, era gainerakoa beste alderdi batzuen artean banatu dute. Nicola Sturgeonen SNP da, hortaz, kontserbadoreekin batera hauteskunde hauetako irabazle nagusia; izan ere, Eskoziak Parlamentuan dituen 59 aulkietatik 52 ere lor litzake alderdi horrek.
Gobernu britainiarraren buruak nabarmendu duenez, bere alderdiak lortutako garaipen honek Erresuma Batuko herritarrek Europar Batasunetik alde egiteko duten "nahia errespetatzea" ekarriko du.
Uxbridge & Ruislip North Ingalaterrako barrutiko bere aulkiari eutsita, Johnsonek adierazi du kontserbadoreek "Erresuma Batua zuzendu eta batzeko agindu sendoa" jaso dutela. Berretsi duenez, gaur bertan hasiko da lanean, "herritarren lehentasunekin; besteak beste, Osasunean eta Hezkuntzan".
Johnson uztailetik da Alderdi Kontserbadorearen liderra. Kanpainan, batez ere, brexita izan du hizpide, eta azpimarratu du garrantzitsua dela zehaztutako egutegia betetzea, hau da, 2020ko urtarrilaren 31n gauzatzea irteera hori.
Corbyn ez da berriro hautagaia izango, eta ez du baztertu dimisioa ematea
Hauteslekuan egindako inkesta argitaratuta, Jeremy Corbyn lider laboristak ez du baztertu dimisioa ematea, eta iragarri du ondorengo hauteskundeetan ez dela berriro bere alderdiko hautagaia izango.
"Zalantzarik gabe, gau etsigarria da hau Alderdi Laboristarentzat", deitoratu du Corbynek hautesleen aurrean. "Ondorengo hauteskunde-kanpainetan, ez naiz berriro izango alderdiaren liderra", iragarri du. Parlamentuan duen aulkiari eustea lortu du, hori bai.
Corbynek "hausnarketa-prozesua" gainbegiratzea hitzeman du, izandako emaitza txarrei konponbidea eman ahal izateko. Konponbide hori zehaztu arte, alderdiaren liderra izaten jarraituko du, 'The Guardian' egunkariak jaso duenez.
BIDEOA | Corbynek iragarri du ez dituela laboristak gidatuko hurrengo hauteskundeetan
Albiste gehiago mundua
Netanyahuk "berehalako" negoziazioak agindu ditu bahituak askatzeko, asmo militarrei uko egin gabe
Negoziazioak agindu dituen egun berean berretsi du Israelgo Armadak "Gazako hiria hartu eta Hamas garaitzeko" aurkeztu dion plana.
Ehunka palestinarrek desplazamenduaren aurkako manifestazioa egin dute Gaza hirian: "Gaza gurea da"
Bart gauean, Benjamin Netanyahu Israelgo lehen ministroak Gaza hiria hartzeko epeak laburtzeko agindu zion Armadari, inbasioaren hasiera aurreratuz. Kalkuluen arabera, milioi bat pertsona inguru bizi dira Gaza hirian, eta gainerako herritarren zati handi bat (2,1 milioi pertsona guztira) Gazako Zerrendaren hegoaldean.
Ukrainiar bat atxilotu eta behin-behinean espetxera bidali dute Italian, Nord Stream gasbideen sabotajean ustez parte hartzeagatik
Karabineroek atxilotu dute 49 urteko gizona Riminin (Italiako ekialdea), Alemaniako Justizia Auzitegi Federalak abuztuaren 18an eman zuen euroagindua betez. Hain zuzen ere, Alemaniara estraditatuko dute aurki.
Zelenskik esan du Putinekin bildu daitekeela Suitzan, Austrian edo Turkian
Ukrainako presidenteak baztertu egin du bilera Moskun egitea, eta Hungarian antolatzea, planteatu bezala, "zaila" izango litzatekeela uste du eta.
Israelek hastear du Gaza Hiria okupatzeko operazioa
Lehen pausoa eman du jada, Israelgo Armadako iturriek baieztatu baitute tropak zabaldu dituztela hiri inguruan. Gainera, Netanyahuren gobernuak 60.000 erreserbista gehiago aktibatu nahi ditu irailetik aurrera. Antonio Guterresek, bien bitartean, ekintza militar horrek Gazan sor lezakeen heriotza eta suntsipenaz ohartarazi du.
Netanyahuk Gazako hiriaren inbasio militarra aurreratzeko agindu du, baina datarik eman gabe
Israelgo Armadako bozeramailearen esanetan, hiriko sarrerak kontrolatzen dituzte eta inguruko auzoetan indarrak pilatu dituzte.
Errusiaren interesak kontuan hartzen ez dituzten Ukrainarentzako segurtasun berme kolektiboak errefusatu ditu Moskuk
Sergei Lavrov Errusiako diplomaziaren buruak Kieverako segurtasun bermeei buruz egindako galderari erantzunez, Moskuk "bidezko interesak irmo eta zorrotz" defendatuko dituela ziurtatu du.
Zisjordanian asentamendu gehiago ezartzeko plana onartu du Israelek, Estatu palestinarraren “iruzurra ezabatzeko”
Palestinako Agintaritzak Nazioarteko Zuzenbidearen beste urraketa bat salatu du, eta zigorrak eta nazioarteko esku-hartzea eskatu ditu.
EITBk Evo Morales elkarrizketatu du
Boliviako presidente ohia hiri hurbilenetik bost ordura bizi da, hiru segurtasun perimetrok babestuta, bere aurkako atxilotze agindua saihesteko. Eneko Zuberogoitia EITBren korrespontsalak haren gotorlekura sartu eta Evo Morales elkarrizketatu ahal izan du.
Poloniako agintariek salatu dute drone militar bat erori dela herrialdearen ekialdean
Defentsa Ministerioak oraindik ezin izan du zehaztu muga zeharkatzea hanka-sartzea izan ote zen edo sabotaje ekintza bat egiteko erabili zuten.