Londresek ukatu egin du Eskozian beste erreferendum bat egitea
Boris Johnson Erresuma Batuko lehen ministroak ukatu egin du Nicola Sturgeon Eskoziako gobernuburuak egindako erreferendum eskaera. Johnsonek argudiatu du 2014an bozkatu zutela eskoziarrek, eta Erresuma Batutik ateratzea errefusatu zutela.
"Ezin dut onartu independentzia erreferendumetara eramango gaituen eskumen gehiago ematea", adierazi dio Johnsonek Sturgeoni gutun batean.
Sturgeonek urte amaieran egin zuen eskaera formala, abenduaren 12ko hauteskundeen ostean. Erreferenduma aurten bertan egite aldera, kontsulta antolatzeko eskumenak emateko eskatu zion Eskoziako ministro nagusiak Johnsoni.
Johnsonek gutunean adierazi duenez, aurreko erreferenduma egin zutenean, 2014an, Sturgeon Eskoziako Gobernuko "bigarrena" zen, eta berak eta Alex Salmond ministro nagusi ohiak "hitzeman" zuten erreferendumarekin gaia itxiko zutela "belaunaldi batez gutxienez".
Erreferendum hartan % 55a agertu zen Erresuma Batuan geratzearen alde, eta % 44, kontra.
Eskoziako Alderdi Nazionalistak (SNP), Sturgeon buru duenak, uste du Europar Batasunetik ateratzeak egoera aldatzen duela 2014aren aldean, eta beste erreferendum bat egiteko beharra areagotzen duela, eskoziarren gehiengoa 'brexit'aren aurka baitago.
Gainera, Sturgeonek azpimarratu du azken hauteskunde orokorretan SNPk 59 eserlekuetako 48 eskuratu zituela, eta horrek eskaera indartzen duela.
Zure interesekoa izan daiteke
Gabonetako meza San Pedroko basilikara itzuli da 30 urte baino gehiagoren ondoren
Leon XIV.ak Aita Santu gisa eman duen lehen Gabonetako mezaren buru izan da, eta agertoki historiko bat berreskuratu du: San Pedro basilika, 1994tik liturgia hori egiten ez zen lekua. Aita Santuak Gazako sufrimendua eta munduan dauden errefuxiatuena ekarri ditu gogora bere homilian.
Gutxienez hildako bat Gazan eta Israelek Libanon egindako eraso berriek eskualdearen krisia berpiztu dute
Palestinar bat hil da Israelgo Armadak jaurtitako tiroen ondorioz, Israelek Hamasi su-etena haustea leporatzen dion bitartean eta Libano hegoaldean Hezbolaren posizioak bonbardatzen dituen bitartean.
Gazarako su-etenak bueltan ekarri ditu Gabon ospakizunak Betleemera
Gazako inbasioak Gabon giroa itzali du Betleemen bi urtez, baina, su-etenak, ahula bada ere, ospakizunak bueltan ekarri ditu, kristau tradizionalen arabera, Jesus jaio zen hirira. Zuhaitz handia jarri dute berriro Natibitatearen elizaren inguruan, eta, urteetan egin duten bezala, eskauten desfilea egin dute hiriko kaleetan.
Greta Thunberg atxilotu dute Londresen, kartzelan dauden Palestine Actioneko kideen aldeko protesta batean
Greta Thunberg atxilotu dute Londresen, palestinar preso batzuk babesteko elkarretaratze batean; alegia, Palestine Actioneko zortzi militante gose greban babesteko kontzentrazioan.
Siriako agintariek eta milizia kurduek elkarri leporatzen diote 2 hildako eta hainbat zauritu utzi dituzten erasoen ardura
Bi aldeek elkarri leporatzen diote indar kurduak Siriako Estatuan sartzeko akordioa hautsi izana. Bitartean, liskarrak gero eta ugariagoak dira.
Errusiako Estatu Nagusiko operazio burua hil dute Moskun, bonba-auto batekin egindako atentatu batean
Hasiera batean, Errusiako Instrukzio Batzordeak Ukrainako inteligentziari egotzi dio erasoa.
IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.