361 pertsona hil dira Txinan koronabirusak jota
Txinako Osasun Batzorde Nazionalak jakinarazi duenez, 361 pertsona hil dira jada koronabirusak jota, azken 24 orduetan zendutako 57ak barne. Txinako osasun agintarien arabera, kutsatutakoen kopuruak ere gora egin du: 2.829 izatetik 17.205 izatera igo da.
Wuhanen (Hubei eskualdea), koronabirusa lehertu zen hirian, 350 pertsona hil dira; gainerakoak Txinako beste hiri batzuetan zendu dira. Txinatik kanpo pertsona bakarra hil da: Filipinetan.
Munduko Osasun Erakundeak (MOE) nazioarteko osasun larrialdia ezarri zuen urtarrilaren 31n. Ordudanik, Txinatik joandako bidaiariei sarbidea debekatu diete hainbat herrialdetan, hala nola Zeelanda Berrian, Australian, Iranen, Errusian, Pakistanen eta Bangladeshen.
Wuhan bera erabat itxita dago, eta gaur zabalduko dute hiri horretan Huoshenshango ospitalea. Txinako Gobernuak herrialdearen "miraria"ren ikur eta propaganda tresna bikainena bihurtu du erietxea. Izan ere, 10 egun eskasetan eraiki dute. 1.000 lagunentzako tokia du, eta 1.400 osasun beharginek egingo dute lan bertan. Kolapsatuta dauden hiriko beste erietxeen zama arinduko dute horrekin.
Bideoa | Wuhango ospitale berriak gaur irekiko ditu ateak
Trumpek ateak itxi dizkie Txinatik joandakoei
Donald Trump AEBko presidenteak harro nabarmendu du Txinatik heldutako bidaiariei ateak itxi dizkiela. "Finean, neurriak hartu ditugu Txinatik datorren inor sar ez dadin", esan du elkarrizketa batean.
"Laguntza eskaini diogu Txinari, horretan munduko onenak gara. Baina ezin diegu Txinatik datozen milaka lagun horiei sartzen utzi, koronabirusak jota egon daitezkeelako", adierazi du.
Orain arte, bederatzi kasu atzeman dituzte AEBn: bat, ekialdeko kostaldean (Massachusetts); bost, mendebaldekoan (Kalifornia eta Washington); beste bi Illinoisen, eta bat, Arizonan.
Zure interesekoa izan daiteke
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.