Turkiak Siriako hainbat jomugari eraso die, Idliben 33 militar hil ostean
Turkiako Armadak hainbat bonbardaketa egin ditu ostiral goizaldean Siriako Armadaren hainbat jomugaren aurka, duela egun batzuk Siriako ipar-mendebaldeko Idlib probintzian 33 militar turkiar hil ondoren Damaskok agindutako eraso batean. Bonbardaketa horiek izan dira Turkiak Siriari emandako erantzuna. Siriako Armadak ez du biktimen berri eman, oraingoz, eta Turkiak erasoak egiten jarraituko duela iragarri du.
Daily Sabah turkiar egunkariak emandako informazioen arabera, erasoak probintzia hauetan egin dituzte: Alepo (Siria iparraldea), Hama (Siria erdialdea) eta Latakia (Siria mendebaldea).
Turkiako Armadak, halaber, artilleria erabili du Idliben bertan, Siriako jomuga militarren aurka. Siriak ez du biktimen berri eman, oraingoz.
Fahretin Altun Turkiako Presidentetzaren Komunikazio zuzendariak nabarmendu duenez, "heroiak diren soldaduen odola ez da alferrikakoa izango", eta Sirian operazio militarrak egiten jarraituko dutela gaineratu du, "gure banderarantz luzatutako eskuak hautsi arte".
"Gure soldaduen aurkako erasoa agindu duen erregimen ez-legitimoari erantzuna ematea erabaki dugu", adierazi du, eta, halaber, "ardurak betetzeko" eskatu die Nursultango Prozesuan dauden kideei, alegia, Turkiari, Errusiari eta Irani.
Bestalde, Idliben ez izateko "soilik begiraleak" esan die Altunek herrialdeei, eta Ruandan eta Bosnia-Herzegovinan gertatutakoa aipatu ditu, Anatolia albiste-agentziak zabaldutakoaren arabera.
Baxar al-Assad Siriako presidentearen erregimenaren elementu guztiak, "jomuga etsaiak"
Omer Celik Gobernuan dagoen Justizia eta Demokrazia Alderdiaren bozeramailearen esanetan, Turkiak "etsai" eta "jomuga" bezala hartuko ditu hemendik aurrera Baxar al-Assad Siriako presidentearen erregimenaren elementu guztiak.
Devlet Bahceli Turkiako Ekintza Nazionalistaren Alderdiko liderrak, bere aldetik, esan du "lur- eta aire-operazioak" segituan gauzatu behar direla Idliben, eta Gobernua babestu du.
Recep Tayyip Erdogan Turkiako presidenteak premiazko segurtasun-bilera deitu zuen duela egun batzuk, Siriako Idlib probintzian 33 militar turkiar hil ostean. Siriako Indar Armatuen eraso batean hil ziren Turkiako militar horiek guztiak.
Turkiako Hatay probintziako gobernadoreak, Rahmi Doganek, bederatzi militarren heriotza baieztatu zuen hasiera batean, baina hildakoen kopuru hori igo zuen gerora; lehenik, 29ra, eta, azkenean, 33ra. Hain zuzen, Damasko Turkiak babesten dituen Idlibeko matxinoen aurkako erasoak ari da gauzatzen; 33 hildakoez gain, 36 militar zauritu ziren Siriaren erasoan. "Zauritu batzuk egoera kritikoan daude, ospitalean", esan du Doganek, Anatolia albiste-agentziari egindako adierazpenetan.
Albiste gehiago mundua
Miguel Uribe senatariaren aurkako atentatuaren ustezko egile intelektuala atxilotu dute
"Hilketa saiakera, armak legez kanpo eramatea eta delituak egiteko adingabeak erabiltzea" egotzita atxilotu dute atentatuaren ustezko egile intelektuala.
Paristarrak eta turistak Sena ibaian bainatzen hasi dira berriro
Mende bat geroago, paristarrak eta turistak Sena ibaian bainatzen hasi dira, berriro, Eiffel dorretik gertu. Uztailaren 5a eta abuztuaren 31 bitartean izango da bertan bainatzeko aukera, eta hiru gune egokitu dituzte horretarako: hirigune historikoaren parean (udaletxe ondoan), mendebaldean Eiffel dorrera begira eta hego-ekialdean, Bercyn. Parisko Olinpiar Jokoak eta Paralinpiar Jokoak izan eta urtebetera heldu da albistea, duela urtebete, hainbat gorabeheraren ondorioz, uraren kalitatea zalantzan jarri ostean.
Uholdeek gutxienez 25 hildako eta dozenaka desagertu utzi dituzte Texasen
Guadalupe ibaiak gainez egin du, Texas erdigune-hegoaldean, eta 25 heriotzaz gain, ugari dira desagertutako pertsonak, neskentzako udaleko kristau batean parte hartzen ari ziren 23 adingabe tartean. Hondamendia handia da Bandera, Cope, Comal, Concho, Gillespie, Kendall, Kerr, Kimble, Llano, Mason, McCullouch, Menard, San Saba eta Tom Green eskualdeetan.
Hamasek erantzun "positiboa" eman dio AEBren Gazarako su-eten proposamenari
"Hamasen erantzuna positiboa da, eta uste dut lagungarria izan beharko litzatekeela akordio batera iristeko", adierazi du Reutersek aipatutako ofizial palestinar batek. Donald Trumpen proposamenak 60 eguneko su-etena planteatzen du, 21 hilabetean Israelek 57.200 palestinar hil ostean.
Ukrainaren aireko gaitasunak indartzeko akordioa itxi du Zelenskik Trumpekin, AEBk Patriot misilen bidalketa bertan behera utzi ostean
"Elkarrekin lan egingo dugu gure zeruaren babesa indartzeko", esan du Ukrainako presidenteak AEBkoarekin telefonoz hitz egin ostean.
45 pertsona zauritu dira, horietako bi larri, Erromako gasolindegi batean izandako leherketan
Eztanda Casilino inguruan izan da, zisterna-kamioi batetik petrolio-gas likidotua deskargatzen ari zirenean. Italiako agintariek zehaztu dutenez, zaurituak 24 zibil, hamaika polizia, sei suhiltzaile, larrialdietako hiru langile eta karabinero bat dira.
Ipar Koreak Wonsan hiriko gune turistiko erraldoia inauguratu du
Kim Jong-un liderrak Asiako herrialde hermetikoan turismoa sustatzeko hainbat urtez bultzatutako funtsezko proiektua da. Uztailaren 1ean ateak ireki zituen gune turistikoak 20.000 bisitari hartzeko gaitasuna du.
Hamasek gaur erantzungo dio Gazarako su-eten proposamenari
Erresistentzia Islamikorako Mugimendua "pozik" agertu da Gazarako azken su-eten proposamenarekin, besteak beste, negoziazioek irauten duten bitartean borrokara ez itzultzeko "bermeak" jasotzen dituelakoan.
AEBko kongresuak Trumpen zerga-plan "handi eta ederra" onartu du
Zerga-plan berriak azken urteetako zerga-murrizketarik handienetakoa egingo du AEBn. Gizarte-programetan murrizketa handiak aurreikusten ditu, eta defizit federala nabarmen handituko da hurrengo hamarkadan.
Iranek IAEAren ikuskapenak eragotziko ditu, Israelek eta AEBk bere instalazio nuklearren aurka egindako erasoen ostean
Erabakia Teheranek NBEren agentziari Israelek eta AEBek bere instalazio atomiko nagusien aurka egindako erasoak "bultzatu" izana egotzi ostean etorri da. Adituen arabera, neurria eraso israeldarrek eta estatubatuarrek utzitako ondorio garrantzitsuena da.