Larrialdi egoera ezarri dute Japonian, hilabeterako
Shinzo Abe Japoniako lehen ministroak alarma egoera ezarri du gaur, asteartearekin, hilabeterako, Tokion, Osakan eta herrialdeko bost eskualde gehiagotan, koronabirusa zabaltzea ekiditeko, NHK telebista kate publikoak jakinarazi duenez.
Abek esana zuen Asiako herrialdearen historian aurrekaririk ez duen urrats hori eman behar zutela, covid-19ak eragin dien heriotza eta kutsatzeen kopurua nabarmen handitu delako, batik bat Tokion, Osakan eta beste hiri handi eta populatu batzuetan.
Tokian tokiko agintariek, beraz, erabaki ahalko dute eskolak eta beste espazio publiko batzuk itxiko ote dituzten edo koarentenak ezarriko dituzten, nahiz eta lehen ministroak astelehenean esan zuen adituek ez dutela uste erabateko itxialdia beharrezkoa denik. Halaber, garraio publikoak martxan jarraituko duela baieztatu zuen, eta Gobernua jarduera ekonomiko eta sozialei ahalik eta luzaroen eusten saiatuko dela erantsi.
Azken 24 orduetan, Japonian bederatzi pertsona kutsatu gehiago zenbatu dituzte eta 4.108 kasu pilatu dituzte dagoeneko; gainera, guztira, 97 pertsona hil dira. Tokioko eskualdean, 1.116 kasu zenbatu dituzte, 428 Osakan, 278 Txiban, 271 Kanagawan, 239 Aitxin eta 209 Hyogon.
Albiste gehiago mundua
Trump eta Putin abuztuaren 15ean bilduko dira, Alaskan, Ukrainako gerrari buruz hitz egiteko
Oraindik ez dago argi Volodimir Zelenski Ukrainako presidenteak ordezkaritzarik izango ote duen akordio bat lortzen saiatzeko hitzordu honetan. Datozen orduetan xehetasun gehiago emango dituztela iradoki du AEBko presidenteak.
Txinak mendi bat erditik moztu du 600 metroko altueran dagoen autobidea eraikitzeko
Guizhou probintzian ingeniariek mendia zatitu dute autobide moderno bat eraikitzeko. Lehergaiak eta zulaketa-teknika aurreratuak erabili dituzte korridore zabal bat sortzeko.
Alemaniak iragarri du Israel helmuga duen arma esportazioen zati bat eten egingo duela "oraingoz"
Aurrekaririk gabeko erabakia da Alemanian. Bestalde, Herbehereetan atzera bota dituzte ontzi militarren piezak Israelera esportatzeko hiru lizentzia, eta Norvegiak esan du Israelgo inbertsioetan egingo dituzten aldaketak iragarriko dituztela datorren astean.
Hamasek Israeli ohartarazi dio erasoaldia hedatzeak bahituak "sakrifikatzea" esan nahi duela
Israelgo kabineteak Gazako Zerrendan bere erasoaldi militarra zabaltzea erabaki ostean iritsi da talde islamistaren komunikatua. Hamasek ohartarazi duenez, "zibilen aurkako krimen basatiagatik duen erantzukizun legala saihesteko ahalegin zakarra da".
Mugarik Gabeko Medikuek eskatu dute Gazako Fundazio Humanitarioaren banaketa-guneak desegiteko: "Tranpa hilgarriak dira"
Mugarik Gabeko Medikuak (MSF) gobernuz kanpoko erakundearen txosten baten arabera, Gazarako Fundazio Humanitario estatubatuarraren elikagaiak banatzeko zentroak "hilketa orkestratuak eta deshumanizazioa" egiteko lekuak dira, eta horiek ixteko deia egin du. Israelek horren esku utzi zuen Gazan laguntza humanitarioa banatzeko ardura, hainbat hilabetez erabat blokeatuta egon ondoren.
Gaza inbaditzeko plana "berehala gelditzeko" eskatu du NBEk
Nazio Batuen Erakundeko Giza Eskubideetarako goi mandatariak salatu duenez, Netanyahuren erabakia Nazioarteko Justizia Gortearen irizpenaren kontrakoa da.
Gutxienez zazpi pertsona atxilotu dituzte Israelen, Gazako inbasioaren aurkako protestetan
Israelgo agintariek gutxienez zazpi pertsona atxilotu dituzte ostegun honetan Gazako Zerrendan inbasio militarraren aurka egindako manifestazioetan, eta zalditeria eta ur-kanoiak erabili dituzte protesta jendetsuak sakabanatzeko. Jerusalemen, bizirik atera direnen eta bahituta daudenen senideak izan dira protestetan, eta akordio bat eskatu dute horiek askatzeko eta Israelek Palestinako enklabearen kontra egindako erasoaldia amaitzeko, besteak beste.
Gaza Hiria okupatzeko Netanyahuren plan militarra onartu du Israelgo Gobernuak
Gainera, inbasioa amaitzeko bost printzipio proposatu ditu: besteak beste, zerrenda desmilitarizatzea eta "administrazio zibil alternatibo" baten gobernua ezartzea.
Corbieres mendiguneko sute handia kontrolpean dute, baina ez dute itzali
Asteartean piztu zen, eta pertsona bat hil du: sugarrek setiatuta bere etxea uzteari uko egin zion emakume bat. Sutea 1949. urtetik Frantzian izan den larriena da.
Hamas: "Netanyahu gerra kriminalak nahi duena genozidio estrategiarekin aurrera jarraitzea da"
"Netanyahuk erasoa zabaltzeko dituen asmoek, zalantzarik gabe, gatibuak gainetik kendu eta sakrifikatu nahi dituela berresten dute, bere interes pertsonalak eta muturreko agenda ideologikoa asetzeko", ohartarazi du erakunde palestinarrak.