Italian behera egin dute kutsatutakoen kasuek, 21.000 hildakoak gainditu diren arren
Italian koronabirusagatik hil diren pertsonak 21.067 dira, astearte honetako datuen arabera. Azken 24 orduetan 602 pertsona zendu dira, eta hildakoen zifrak gora egin du hirugarren egunez jarraian. Hala ere, kutsatutakoen eta ospitaleratutakoen kasuek beheranzko joera erakusten jarraitzen dute.
Otsailaren 21ean Codogno (Lombardia) herrian lehen koronabirus kasua erregistratu zenetik, astearte honetan astelehenean baino 2.972 positibo antzeman dituzte, nahiz eta martxoaren 13tik erregistratzen den datu baxuena den. Igoera honen eraginez, guztira 162.488 pertsona daude kutsatuta, COVID-19aren hedapenean murrizketa igartzen delarik. Horietatik 37.130ek gaixotasuna gainditu dute, Angelo Borrelli Babes Zibileko buruzagiak egunero eskaintzen duen buletinak dioenez.
Koronabirusagatik positibo eman duten pertsonak 104.291 dira, 675ean gora egin duelarik asteleheneko datuekin alderatuta, test gutxiago egin diren arren. Larrialdia hasi zenetik, guztira 1.073.689 test egin dira, 26.779 azken 24 orduetan, aurreko egunetan baino gutxiago.
Batez ere, deigarria da ospitaleek jasaten duten presioaren beherakada. Izan ere, 73.094 pertsona daude sintoma arinekin isolatuta daude euren etxeetan, guztizkoaren %70, 28.011 ospitaleratuta eta 3.186 zainketa berezietan, astelehenean baino 74 pertsona gutxiago.
Lombardiako egoera
Lombardian hobera egin du egoerak. Azken 24 orduetan 241 pertsona zendu dira, guztira 11.142 direlarik hildakoak, baina astelehenean baino 280 herritar gutxiago hil dira. Positibo kasu berriak 1.012 dira, astelehenean baino 1.262 gutxiago, guztira 61.326 direlarik.
Azken 24 orduetan, Lombardian 49 pertsona ospitaleratu dituzte koronabirusagatik. Gaur egun, eskualdeko ospitaleetan ingresatuta daude 12.077 pertsona, horietatik 1.122 zainketa berezietan (astelehenean baino 21 gutxiago), Giulio Gallera Osasun kontseilariak jakinarazi duenez.
Milango probintzian, aldiz, 189 kutsatutako gehiago daude astearte honetan, asteleheneko 481etatik urrun. "Milan hiri handia eta garrantzitsua da. Kutsatzea Bergamon ala Brescian bezala gertatu zen bezala hedatu zitekeen, horrek gure osasun-sistema itoko zukeelarik, baina ez da halakorik gertatu", azaldu du Gallerak. Lombardiak liburu-denda eta paper-denda bezalako negozioak ez irekitzea eskertu du Gallerak.
Bestalde, Italiako Medikuen Elkargoak jakinarazi du, astearte honetan beste lau mediku hil direla, ondorioz, 116 direlarik koronabirusagatik zendu diren medikuak.
Zure interesekoa izan daiteke
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik preso politikoak hartzen ditu barne -chavismoa boterera iritsi zenetik honakoak-, eta giza eskubideen urraketa larriengatik auzipetuak edo zigortuak daudenak kanpo uzten ditu. Orain kontsulta prozesua zabalduko da eta, ondoren, bigarren eztabaida batean onartu beharko da.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.