Europako herrialderen batek lehorreratzeko baimena noiz emango zain dago 'Aita Mari'
Maltako Gobernuak ez dio Aita Mari ontziari hango portuan lehorreratzeko baimenik eman, Itsas Salbamendu Humanitarioa (SMH) gobernuz kanpoko erakundeak astearte honetan jakinarazi duenez. Ontziak 43 migratzaile erreskatatu zituen atzo Mediterraneo erdialdean, Maltako uretatik gertu. Europako herrialde batek lehorreratzeko baimena noiz emango zain jarraitzen du ordutik.
"Maltak portu seguru batean lehorreratzea edo atzo erreskatatutako 43 pertsonak leku seguru batera eramateko koordinazioa ukatu digu. Eguraldiak okerrera egin du, eta gizaki horiek egun gehiegi daramatzate itsasoan, Europa saiheska begira dagoen bitartean", idatzi du erakundeak sare sozialetan.
Gobernuz kanpoko erakundeak atzo jakinarazi zuen Aita Mari ontziak 47 migratzaile zeramatzan txalupa bat topatu zuela, baina, handik denbora gutxira, erreskatatu dituztenak 43 direla zehaztu zuen, horien artean haurdun dagoen emakume bat. Txalupa horrek lau egun zeramatzan Mediterraneo erdialdean noraezean.
Aita Mari Sirakusako (Sizilia, hegoaldea) portutik Pasaiarantz (Gipuzkoa) abiatu zen igandean, baina txalupa bat noraezean zegoela jakinarazi zioten. Hala, bertan zihoazen migratzaileak erreskatatu zituzten, Maltak ontziratzeko baimena eman ondoren.
Astelehenean, Itsas Salbamendu Humanitarioak Twitterren idatzi zuenez, "Europak pandemia bat pairatzen duen egoera honetan, baliteke bere herritarrek ulertzea zergatik 43 pertsona horiek ihes egin duten, euren etxea eta bizitza atzean utzita".
"43 lagunek bakean egingo dute lo gure estalkian, lau egunez patera batean egon ondoren. Eskerrik asko zuen babesarekin eta zuen eguneroko borrokarekin erreskate hau ahalbidetu duzuen herritar guztioi", gaineratu zuen beste mezu batean.
Maltak eta Italiak argi utzi dute portuak itxita izango dituztela migratzaileen ontziak iristen direnean.
Zure interesekoa izan daiteke
Landa-sarbideak kontrola ditzala eskatu dio Irungo alkateak Eusko Jaurlaritzari, trafikoa areagotzen ari delako
Datozen egunetan joan den asteko auto-ilarak errepikatuko direlakoan, Cristina Laborda alkateak "salbuespenezko neurriak" eskatu ditu.
Portu Zaharreko jaietan gutxienez hiru sexu-eraso salatu direla jakinarazi du Algortako Mugimendu Feministak
Uztailaren amaieran ospatu ziren San Inazio jaietan ere beste eraso bat izan zela gogoratu dute Getxoko feministek ohar batean.
ENBAk plan bat eskatu du baserri guztiak urez hornitu ahal izateko
Xabier Iraola nekazarien sindikatuko bozeramaileak zehaztu duenez, 5.000 baserri inguru daude Araban, Bizkaian eta Gipuzkoan ur-hornidurako sare publikotik kanpo. Udako lehorteen ondorioz, gero eta gehiago pairatzen dute ur-falta.
4,7ko beste lurrikara batek Granada astindu du, hiru zauritu eta Alhambra itxita utzita
Granadan 4,7ko indarreko beste lurrikara bat izan dute, eta hiru pertsona arin zauritu dira, tartean adin txikiko bat. Granadako Gojar herrian egon da epizentroa, baina Andaluziako beste lurraldeetan ere igarri da. Granadako monumentuak itxi egin behar izan dituzte badaezpada, Alhambra bera ere bai.
Epaileak 24 urteko espetxe-zigorra ezarri dio Nelson David Morenori, Bilbon 73 urteko gizon bat hiltzeagatik
Epaileak 22 urteko zigorra ezarri dio hilketa astunduagatik, eta beste bi urtekoa iruzur informatikoagatik. Laugarren kondena du, eta ikertzaileek uste dute 2021eko udazkenean hildako zazpi gizon homosexualen heriotzekin zerikusia duela.
Suhiltzaileak Urzainkin piztutako baso-sutea itzaltzeko lanean ari dira
Baso suteetarako Babes Zibileko Plan Bereziaren bigarren egoera operatiboa aktibatu du Nafarroako Gobernuak, ostiralean piztu zen sutea berpiztu ostean.
Llantenoko sutea egonkortuta dute eta zaintza- eta hozte-lanetan ari dira suhiltzaileak
Egoerak onera egin duen arren, puntu beroak daude oraindik eta lanean jarraitzen dute Gasteizko eta Espejoko suhiltzaileek. Aiarako Udalak herritarrei eskatu die ez gerturatzeko sute-eremura, suhiltzaileen lana ez oztopatzeko.
Eguzki eklipsearen ondoren, beste bat dator: ilargiarena, partziala, hilaren 28an
Joan den abuztuaren 12ko eguzki-eklipse osoaren ondoren, zeruak fenomeno astronomiko berri bat eskainiko du: abuztuaren 28ko gauean ilargiaren eklipse partziala ikusiko da, eta ilargiaren diskoaren % 93 estaliko du, gutxi gorabehera. Begi hutsez ikusi ahal izango da, instrumentazio berezirik gabe.
Jacan oporretan dauden euskaldunak boluntarioen taldeetan antolatu dira sua herrira irits ez dadin
Huescako sutea itzaltzen saiatzeko boluntaro taldeak antolatu dira. Horietako asko, euskaldunak dira. Jakan etxebizitza duten gipuzkoar eta nafarrak. Sugarrak kontrolatzeko bidean dira suhiltzaileak, baina beraiek ere bere aletxoa jarri nahi dute. Sasi, zuhaitz eta adar; sua indartu dezakeen erregaia kentzen.
Imsersok iazko formula bera erabiliko du 2026-2027 denboraldian: bidaiak 50 eurotan eta maskotarekin bidaiatzeko aukera
Ia 900.000 plaza eskainiko dira orotara, eta horietatik 7.400 baliabide gutxien dituzten pentsiodunentzat erreserbatu dira, 50 euroko prezioan. Bidaiak irailaren 14tik 15era bitartean merkaturatuko dira.