Koronabirusaren datuak berrikusi ostean 1.290 hildako gehiago zenbatu dituzte Wuhanen
Wuhango osasun agintariek 1.290 hildako gehiago eta beste 325 kasu zenbatu dituzte ostiral honetan, koronabirusaren inguruko datuak berrikusi ondoren. Hala, datu berriak kontuan izanda, Hubei probintziako hiriburuan guztira 50.333 kasu positibo eta 3.869 hildako eragin ditu COVID-19 izenarekin ezagutzen den gaitzaren agerraldiak.
Gorakada nabarmen hori hainbat arrazoirengatik jazo da, besteak beste, ospitale eta osasun zentroetatik kanpo gertatu diren heriotzengatik, Wuhango osasun agintariek azaldu dutenez. Ildo horretatik, orain arte ez dutela hildako horien berri izan nabarmendu dute.
Horrez gain, hirian izandako kasu kopuru handiaren ondorioz, heriotzak erregistratzen zituzten txosten eta gainerako dokumentu asko ez zirela garaiz tramitatzen aitortu dute. Gainera, Wuhango ospitale eta osasun arloko zentro asko ez zeudela herrialdeko informazio epidemikoaren sareari lotuta azaldu dute, eta, hain zuzen ere, horregatik ezin izan zituzten datuak garaiz eman.
Gainerako herrialdeei dagokienez, eta Wuhanen ostiral honetan egindako datuen berrikuspena kontuan hartu gabe, koronabirusarekin kanpotik iritsitako 15 kasu eta bertan kutsatutako 11 kasu baieztatu dituzte azken orduotan Kanton, Heilongjiang, Shandong eta Liaoning probintzietan, Txinako Osasun Ministerioak jakinarazi duenez. Ondorioz, azken egunotan emandako datuekin alderatuta, Txinan izandako kasuen kopuruak zertxobait egin du gora.
Osasun agintariek emandako azken datuen arabera, orain arte 82.367 kasu positibo zenbatu dituzte herrialdean, eta 77.944 herritarri eman diete sendagiria. Ostegunean, gainera, 52 gaixo sendatu dira, eta kasu larrien kopurua 89ra jaitsi da.
Horrela, Txinan, 3.342 pertsona hil dira orain arte koronabirusaren eraginez (ostegun honetan COVID-19ak ez du inor hil). Txinako Osasun Ministerioak emandako datuetan, baina, ez dituzte Wuhango datu berriak kontuan izan.
Bestalde, Txinako Barne Produktu Gordina (BPG) % 6,8 jaitsi da urteko lehen hiruhilekoan, 1976tik Asiako herrialde horretako ekonomian izan den lehen atzeraldia.
Zure interesekoa izan daiteke
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.