Netanyahuk bi hilean anexionatu nahi du Zisjordaniaren zati bat
Benjamin Netanyahu Israelgo lehen ministroak "konfiantza" du Zisjordania okupatuko hainbat zati bi hilean anexionatzeko moduan izango dela, AEBren bake proposamenaren barruan, estatubatuar talde ebanjeliko bati bidali dion mezu batean esan duenez.
"Duela hiru hilabete, (Donald) Trumpen bake planak Israelen eskubidea aitortu zuen Judea osoaren eta Samariaren (Zisjordania) gainean, eta Trump presidenteak agindu zuen Israelek bertako eta Jordanen ibarreko komunitate juduen gainean duen burujabetasuna aintzat hartuko zuela", esan du Netanyahuk, eta honakoa erantsi du: "Bi hilabete barru, agindu hori beteko delakoan nago eta sionismoaren historiako beste une historiko bat ospatzeko moduan egongo gara".
Mendeurreneko Ituna esaten dioten estatubatuarren planak Zisjordaniako koloniak anexionatzea aurreikusten du eta bat dator Netanyahuren Gobernuaren jarrera askorekin, baina ez du aitortzen Israelen eskubiderik Zisjordania osoaren gainean.
Trumpek agintea hartu zuen arte, Etxe Zuriak palestinar lurralde okupatutzat hartzen zuen Zisjordania, Palestinako Estatua bertan sortu behar zela zioen eta bertako asentamendu juduak ez zituen zilegitzat hartzen.
"Nazioarteko legedia urratzen"
Nazioarteak zorrotz kritikatu du azken egunotan Israelek Zisjordania anexionatzeko helburuan aurrerapauso aldebakarrak egin izan. Frantziak, Erresuma Batuak eta Alemaniak ezbaian jarri dute erabakia, eta bat egin dute, horrela, Nickolay Mladenov Nazio Batuen Erakundeak Ekialde Erdikorako duen arduradunaren hitzekin, horrek asmo hori lurraldeko bakearen aurkako "mehatxu gero eta handiagoa" dela esan eta gero.
Josep Borrell europar diplomaziaren buruak ere anexioak ekarriko lituzkeen arriskuez ohartarazi zuen, "nazioarteko legediaren urraketa serioa" izango zela esan zuen, eta errepikatu zuen Europar Batasunak ez duela aintzat hartzen Israelen subiranotasuna 1967tik aurrera okupatutako lurraldeetan.
Netanyahuk eta Beny Gantz zentristak "Larrialdi Nazionaleko Gobernua" eratzeko astelehenean sinatu zuten hitzarmenak dioenez, uztailaren 1ean iritsiko da Zisjordania anexionatzeko asmoa Parlamentura.
Albiste gehiago mundua
Israelgo Armadak gutxienez 33 pertsona hil ditu, tartean kazetari bat, Gaza Hiriko hondartzaren ondoan
Israelgo ehiza-hegazkinek Al Baqa kafetegiari eraso diote, eta berriz ere sarraskia eragin dute. Ismail Abu Hataben heriotzarekin, 228 kazetari hil ditu dagoeneko Israelek Gazaren aurkako erasoaldi militarra abiatu zuenetik.
TikTok sare sozialak badu eroslea, Trumpen esanetan
Presidente estatubatuarraren hitzetan, "diru asko duen jende-talde" batek erosiko du. Bi aste barru emango dute jakitera, beti ere Txinak operazioa onartzen badu.
NBEren Garapenerako Finantzaketari buruzko Nazioarteko IV. Konferentzia Sevillan egingo da, asteon
Goi-bileraren emaitza nagusia 'Sevillako konpromisoa' deituriko adierazpen politikoa izango da, garapenerako finantzaketari buruzko nazioarteko komunitatearen ibilbide-orria markatuko duen dokumentua. Inaugurazioko osoko bilkuran onartzea aurreikusi da.
G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.
Estatu-hiletak Iranen, Israelek egindako erasoetan hildako pertsonen omenez
Iranek larunbat honetan hasi ditu Israelen erasoetan hildakoak omentzeko estatu-hiletak. Israelek ekainaren 13an hasitako 12 eguneko gerran hildako 627 pertsonetako 60 omendu dituzte gaur; besteak beste, Irango Guardia Iraultzaileko komandante buru Hosein Salami jenerala, Irango Indar Armatuetako Estatu Nagusiko buru Mohamad Hosein Baqeri jenerala eta Mehdi Tehranchi zientzialari nuklearra.
Gazan laguntza NBEk banatzeko eskatu du Guterresek, egungo sistemak "hil" egiten duelako
Gazako agintarien arabera, 500 pertsona baino gehiago hil dira banaketa-zentro horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza-zigorra izan behar", adierazi du Guterresek.