MOEk ohartarazi duenez, Covid-19a "baliteke inoiz ez joatea"
Munduko Osasun Erakundeak (MOE) ohartarazi duenez, koronabirus berria "baliteke inoiz ez joatea" eta "beste birus endemiko bat bihurtzea, GIBa bezala".
Hala adierazi du Mike Ryan MOEko Osasun Larrialdietako zuzendariak, eta egoera horren aurrean "errealista" agertu beharra aipatu du: "Inork ezin du aurreikusi gaixotasun hori desagertuko den ala ez".
Ryanek koronabirus berriaren egoera GIBaren edo elgorriaren egoerarekin alderatu du, gaur egungo gaixotasunak, eta, GIBaren kasuan, mundu osoan milaka pertsonek pairatzen dutena.
Hala ere, Ryanek ez dela zentzuzkoa espektatibak sortzea gaixotasuna noiz amaituko den jakiteko uste du, baina txerto batek "aukera bat" eskaintzen duela esan du, baina "oso eraginkorra izan behar du eta eskuragarri egon behar da mundu guztiarentzat".
Tedros Adhanom Ghebreyesus MOEko idazkari nagusiarekin eta Maria Van Kerkhove MOEko gaixotasun infekziosoen epidemiologoarekin batera egin du agerraldia Ryanek.
Pandemia hasi zenetik osasun langileek eta gutxiengo batzuek jasaten ari diren erasoen inguruan ere galdetu diote Ryani, eta herritarren ezjakintasunari eta informazio eta hezkuntza faltari egotzi die errua.
Ryanek gaitzetsi egin ditu erasoak, eta apirilean dozena bat herrialdetan hogeita hamar bat istilu "nahiko larri" izan zirela zehaztu du.
"Covid-19aren pandemia gure onena ateratzen ari da, baina baita txarrena ere. Pertsona batzuek uste dute beren frustrazioak adierazteko baimena dutela laguntzen saiatzen ari direnen aurka. Zentzurik gabeko indarkeria eta diskriminazio ekintzak dira horiek, eta aurre egin behar zaie", adierazi du.
Orain arte 4,3 milioi kutsatze eta ia 300.000 heriotza izan dira mundu osoan Covid-19aren ondorioz, eta AEBak izan dira pandemia gehien jasan duen herrialdea.
Albiste gehiago mundua
Corbieres mendiguneko sute handia egonkortzea lortu dute, Frantziako hegoaldean
Asteartean piztu zen, eta pertsona bat hil du, sugarrek setiatuta bere etxea uzteari uko egin zion emakume bat. Sutea 1949. urtetik Frantziak jasan duen larriena da.
Hamas: "Netanyahu gerra kriminalak nahi duena genozidio estrategiarekin aurrera jarraitzea da"
"Netanyahuk erasoa zabaltzeko dituen asmoek, zalantzarik gabe, gatibuak gainetik kendu eta sakrifikatu nahi dituela berresten dute, bere interes pertsonalak eta muturreko agenda ideologikoa asetzeko", ohartarazi du erakunde palestinarrak.
Netanyahuk esan du ez dutela Gaza anexionatuko, baina lurralde palestinarraren erabateko kontrola bereganatuko dutela
Israelgo lehen ministroaren esanetan, "segurtasunagatik" egiten dute, eta "geroago" gobernua "indar arabiarren" esku utziko luketela.
Frantziako hegoaldean piztutako suteak jadanik "ez du aurrera egiten", baina oraindik ez dago kontrolpean
Corbieres mendigunean asteartean piztutako sutea 1949. urtetik Frantziako Estatuan izan den handiena da, 16.000 hektarea baino gehiago kiskali baititu. Christian Pouget Aude departamenduko prefetak ohartarazi du oraindik ikusteke dagoela hektarea horietatik zenbat diren nekazal lursailak. "Uste dugu 900 hektarea inguru direla", esan du, lehen estimazio batean.
Arabiar Emirerri Batuek bi buruzagien arteko bilera hartzea proposatu dio Putinek Trumpi
Bestalde, Errusiako presidentea prest agertu da Zelenskirekin batzartzeko. "Askotan esan dut ez dudala ezer kontra", adierazi du Putinek, baina gaineratu du "baldintza batzuk" sortu behar direla bilera hori egiteko, eta, bere ustez, hori betetzetik "urrun" daude.
Netanyahuk Gaza osorik bereganatu eta milioi bat palestinar inguru lekualdatu nahi ditu bost hilabetean
Israelgo lehen ministroak Segurtasun kabinetea bilduko du gaur arratsaldean, Gaza erabat okupatzeko duen asmoaz jarduteko, eta Jerusalem egunkariak dagoeneko xehetu du bileran aztertuko duten proposamenetako bat.
Trumpen muga-zerga berriak indarrean sartuta, hauspotu egin da gerra komertziala
Gaurtik, oro har, % 15eko muga-zergak ezarriko dira Estatu Batuen merkataritza-bazkide gehienen produktuen gainean, tartean, Europar Batasunekoen gainean.
Putin eta Trump datozen egunetan bilduko dira, Kremlinen arabera
AEBko presidenteak, bestalde, esan du azken bileran ez zela "aurrerapauso erabakigarririk" eman, eta adierazi du Errusiak ez duela amore eman.
Albiste izango dira: Trumpen muga-zergak, alertak beroagatik eta Edurne eta Zeledon Txikiren jaitsiera
Gaurkoan albiste izango direnen laburpena, bi hitzetan.
Washingtonek Mosku zigortzeko asmoa du, Putinen eta Witkoffen arteko bilera "emankorra" izan dela onartu arren
Zigorra ostiralean bertan ezartzekotan dago Trump. Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko inoren asmoa kentzeko. Ildo horretan, Trumpek agindu bat sinatu du Indiako produktuen gainean % 25eko muga-zergak ezartzeko, Errusiako petrolioa erosten du eta. AEBko agintariak Putinekin datorren astean biltzeko asmoa du.