Errusiak COVID-19aren aurkako txerto bat ekoitziko du irailean
Irailean koronabirusaren aurkako txertoaren dosi ugari ekoizten hasiko direla iragarri du Errusiako Gobernuak. COVID-19 kasuak 500.000 baino gehiago dira herrialdean dagoeneko.
Proba klinikoak uztailean egingo dituzte, erregistroa abuztuan eta ekoizpena irailean hasiko da, Tatiana Golikova Errusiako presidenteordeak prentsaurrekoan azaldu duenez.
Gamalei Epidemiologia eta Mikrobiologia Ikerketa Zentro Nazionala, Defentsa Ministrioarekin elkarlanean, txertoa garatzen ari da.
48 Ikerketa Zentroaren proba klinikoetan parte hartzeko 50 militar (45 gizon eta 5 emakume) boluntario aurkeztu ziren, Defentsa Ministerioak jakitera eman zuenez.
Errusiako hamar zentro zientifiko txertoa eta botikak garatzeko lanean ari direla jakinarazi du Kremlinak, besteak beste, Moskuko Unibertsitatea.
Koronabirusaren aurkako ekoizpena bizkortzeko agindua eman zion Vladimir Putin presidenteak Gobernuari maiatza bukaeran.
Alexandr Gintsburg Gamalei zentroko zuzendariak azaldu zuenez, txertoa modu ez ofizialean zentroko boluntarioekin probatu dute dagoeneko, eta paziente guztiak ondo daude, eta birusaren aurrean immunitatea garatu dute.
Egoera nahiko kezkagarria
Pandemiari dagokionez, maiatza erdialdetik kutsadura kopurua 16 aldiz txikitu dela azpimarratu du Golikovak. Kutsatuen % 79 medikuaren sendagiria jaso dute jadanik, baina egoera nahiko kezkagarria da oraindik.
Eskualdeen erdia baino gehiagok, 49k, hain zuzen ere, deseskalatzea hasi dute, baina hasieran ez bezala, Moskuk eta Moskuko eskualdeak kutsatuen % 22 baino ez dituzte, Golikovak ohartarazi duenez. Hasieran, kasuen erdia baino gehiago zituzten.
Kremlinak murrizketak arinegi kendu zituela uste dute Errusiako oposizioak eta prentsa independenteak. Erabakia uztailaren 1ean egin beharreko plebiszitu konstituzionalarekin zuzenean lotzen dute; izan ere, Putin 2024an hautagai berriz izatea horren menpe dago.
Munduan COVID-19 kasu gehien dituen hirugarren herrialdea da Errusia: 520.129. Gaixotasunak 6.829 pertsona hil ditu dagoeneko, 114 azken 24 orduetan.
Albiste gehiago mundua
Trumpen muga-zerga berriak indarrean sartuta, gerra komertziala hauspotu da
Gaurtik, oro har, % 15eko muga-zergak ezarriko zaizkiei Estatu Batuen merkataritza-bazkide gehienei, tartean, Europar Batasunari.
Putinekin eta Zelenskirekin "oso laster" biltzeko "aukera asko" daudela esan du Trumpek
Nolanahi ere, AEBko presidenteak esan du azken bileran ez zela "aurrerapauso erabakigarririk" eman, eta adierazi du Errusiak ez duela amore eman.
Albiste izango dira: Trumpen muga-zergak, alertak beroagatik eta Edurne eta Zeledon Txikiren jaitsiera
Gaurkoan albiste izango direnen laburpena, bi hitzetan.
Washingtonek Mosku zigortzeko asmoa du, Putinen eta Witkoffen arteko bilera "emankorra" izan dela onartu arren
Zigorra ostiralean bertan ezartzekotan dago Trump. Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko inoren asmoa kentzeko. Ildo horretan, Trumpek agindu bat sinatu du Indiako produktuen gainean % 25eko muga-zergak ezartzeko, Errusiako petrolioa erosten du eta. AEBko agintariak Putinekin datorren astean biltzeko asmoa du.
Sute "ikaragarri" batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.